Аспорт
Қырҭтәыла ачемпионра згаз жәыргьыҭтәи аштангист ӡҕаб
FaceBook Twitter
E-mail Print
Дшәыдазгалар сҭахуп Қырҭтәыла ачемпионра згаз жәыргьыҭтәи аӡҕаб. Аханатә, ари аӡҕаб лҭаацәа агәра длыргеит, нас ақыҭа зегьы идлырбеит аспорт ари ахкы аҷкәынцәа мацара ишыртәым. Аха имаҷымкуа ауадаҩрақәа лхылгеит. 14 шықәса зхыҵуа Наҭиа Гаделиа ҧаса лгәазыҳәара иақәшаҳаҭымыз ауаа уажәы лзгәыбылҩцәас иҟалеит.

Зегьы машәырлоуп ишалагаз. Аӡҕаб хбыџ Рике ақыҭатә школ аҧшьбатәи акласс дҭан. Ашкол иазааигәаны атлетика хьанҭа азал иҟан. Азыҟаҵаҩ Бежан Ҷиҷинаӡе аӡҕаб длацәажәан, аспорт ари ахкы аҿы лымчқәа лҧышәарц лыбжьеигеит. Ларгьы, сазхәыцып ҳәа иалҳәеит. Шықәсқәак дазхәыцуан. Аҵыхәтәаны дақәшаҳаҭхеит. Лҭаацәеи 10 шықәса рыла илеиҳабу лаҳәшьеи ари аидеиа ргәаҧхомызт. Атлетика хьанҭа аӡҕаб илусым ҳәа ларҳәеит. Зегьы раҧхьа лан дақәшаҳаҭхеит. Мызқәак рыҩнуҵҟа лаҳәшьа иларҳәомызт, аха Наҭиа, уезгьы аспортзал ахь аныҟәара далагеит. Аҵыхәтәаны, лҽазҵәылхреи лпринципреи абзоурала, лаҳәшьагьы дақәшаҳаҭхар акәхеит.

«Ари аспорт аҷкәынцәа рзоуп ҳәа лгәы иаанагон, сеиҿартәышьа ҧхасҭанатәар ҳәа дшәон. Убри аҟынтә, аҽазыҟаҵара салагар лҭахымызт. Нас, хәыҷы-хәыҷла дашьцылеит.

Иахьа рызынтәгьы исыдгылоит, сызгәыбылҩцәа роуп. Ауадаҩрақәа рацәан, имариамызт, аха сара гәыкала ари аспорт салазар сҭахын, ус егьыҟасҵеит. Уи, бжеиҳарала, сҽазҵәылхра иабзоуразар ҟалап», - илҳәеит Наҭиа Гаделиа «Лаивпресс» акорреспондент данлацәажәоз. Лара азал аҿы ҳалҧылеит, аҽазыҟаҵара данаҿыз, уаҟа, уамак лҽадымцалакуа, 80 кьыла иакапануа аштанга шьҭылхит.

Раҧхьаӡа, аҽазыҟаҵара даналага, иаҵышьны ашьҭыхраҿы 30 кьыла шьҭылхит, ашьҭқәыцәаараҿы - 15 кьыла. Уажәазы иаҵышьны ашьҭыхраҿы амаксималтә акапан 85 кьыла иаҟароуп, ашьәқыцәаараҿы - 66 кьыла. Мчыбжьык ала фымш аспорт иазылкуеит. Есымша ҩба - ҩбеи бжаки сааҭ лҽазыҟалҵоит. Азал ахь днеиуеит аурокқәа рышьҭахь. Ажәбатәи акласс дҭоуп. Ақәҿиара зауз аспортсмен ӡҕаб Риҟе мацара акәымкәа, Қырҭтәыла зехьынџьара дырдыруеит.
Ҩымз раҧхьа, Наҭиа Гаделиа, 17 шықәсанӡа зхыҵуа аспортсменцәа рыгәҭа атәыла ачемпионс дҟалеит. Уажәааны, 20 шықәсанӡа зхыҵуа рыгәҭа атлетика хьанҭа азы Қырҭтәыла ачемпионат аҿы, Синклер итаблица ала, ахҧатәи аҭыҧ лгеит, Европа ачемпионат аҿы – афбатәи аҭыҧ. Уи иакымкуа атурнирқәа рҿы аиааира лгахьеит.

Дызҭоу ашкол аҟынтә ҩыџьа лҩыза ӡҕабцәагьы, лара илҿыҧшны, атлетика хьанҭа азы аҽазыҟаҵара иалагеит. Наҭиа лҳәамҭала, абри зегьы аспорт ари ахкы аӡыргареи аҿар рыдыҧхьалареи иацхраауеит.
Атәыла ачемпион аамҭа анлымоу амҵәышәампыл дасуеит. Иара убас, ҧандурии афортепианои арҳәара бзиа илбоит.

Даҽа занааҭк лоургьы лҭахуп, аха занааҭс иалылхуа макьана илыздырӡом. Акоуп иааҧҵәаны илдыруа - аспорт ахаангьы икалыжьраны дыҟам.

Атлетика хьанҭа ашкол Риҟе ауп иахьыҟоу, уи Жәыргьыҭтәи амуниципалитет аҿы ас еиҧш иҟоу ашкол заҵәуп. Егьырҭ ақыҭақәа ирықәынхо ахәыҷқәагьы абрахь иааны рҽазыҟарҵоит. Ашкол иазааигәаны игылоу ахыбра 1990 шықәсазы идыргылеит. Аханатә абри зегьы анапхгара азиуан Авто Гахокиӡе, иара адунеи ачемпиони арекордсмени Лаша Талахаӡе дазыҟаиҵон. Нас, ари аус Бежан Ҷиҷинаӡе идиҵеит, уи иоуп Наҭиа Гаделиа дазыҟазҵо.

Аханатә аҿар атлетика хьанҭа усҟаҟ иазҿлымҳамызт. Изҭахыз ахәыҷқәа шыҟазгьы, аицлабрақәа мҩаҧысуамызт, аҽазыҟаҵаразы иаҭаху аҭагылазаашьақәа еиқәыршәамызт. Иахьазы ари ашкол иҭоуп 50ҩык аҵаҩцәа. Урҭ рҟынтәи фҩык Қырҭтәыла аизга иалахәып. Наҭиа раҧхьатәи жәыргьыҭтәи ӡҕабуп атәыла ачемпионс иҟалаз. «Лаивпресс» акорреспондент данлацәажәоз Бежан Ҷиҷинаӡе еиҭеиҳәеит раҧхьаӡа Наҭиа даниба аҽазыҟаҵара далагарц шлабжьигаз.

«Ишыҟоу жәымдыруеи...дыӡҕабзар... Ҳменталитет абас ауми ишыҟоу. Уи ахацәа рспортуп ҳәа ирҭахӡам. Аха, Наҭиа лхаҭагьы ари аспорт дазҿлымҳахеит. Сара исҭахуп, аха сҭаацәа ируам ҳәа салҳәеит. Срацәажәап ҳәа салҳәеит, аха уи ашьҭахь ҩышықәса ҵит. Нас аҽазыҟаҵара далагеит. Аперспектива ду лымоуп. Лҽадцаланы аҽазыҟаҵара даҿуп. Ҽнакгьы бжьалыжьуам», - иҳәеит азыҟаҵаҩ.

Иара иажәақәа рыла, ақәҿиара ауиразы 2 ҟазшьак улазароуп – апринципи аҽазҵәылхреи. Наҭиа урҭ рыҩбагьы лылоуп. Хара имгакәа, Европа ачемпионат азы аҽазыҟаҵара иалагоит. Убри аҟынтә, аҧхынраз аизгарақәа рахь ддәықәлоит. Ашкол аҟынтә адгылара ду рымоуп, аурокқәа бжьалыжьуазаргьы, анажьратә мзызла ибжьалыжит ҳәа ирыҧхьаӡоит. Араҟа Наҭиа илылаҽхәоит, ирылшо ала илыцхраауеит. Ачемпионат аҿы даӡәымкәа аҿар рымчқәа рҧышәоит. Азыҟаҵаҩ ишиҳәаз ала, урҭгьы амедалқәа роур ауеит.

«Аолимпиада алицензиа ҳаур ҳҭахуп. Ҳаҧхьаҟа Европеи адунеи ачемпионатқәа ҳзыҧшуп, иҟало аабап», - иҳәеит Бежан Ҷаҷаниӡе. Наҭиа Гаделиагьы амедал лоуп ҳәа дгәыҕуеит.

Азыҟаҵаҩ иҳәамҭала, ирҭаху аинвентар роуеит атлетика хьанҭа афедерациа аҟынтә. Ҩышықәса раҧхьа ахыбра рыздырҽеит. Аҭыҧантәи анапхгара аҩнуҵҟатәи ақәыҧшылара шәзеиҿаҳкаауеит ҳәа иақәдыргәыҕит. Риҟе аус зуа ашкол ааӡамҭацәа Европеи адунеи ачемпионцәоуп, урҭ иреиуп аишьцәа Ираклии Гогеи Чхеиӡеааи, иара убас, урҭ раб иашьаиҧа Гьаргь Чхеиӡеи.
Print E-mail
Twitter
Ари aмaтериaлқәa
Мышқәак раҧхьа, аштангист ӡҕаб Наҭиа Гаделиа Саудтәи Аравиа
имҩаҧысуаз адунеи ачемпионат аҟынтә илызгәакьоу жәыргьыҭтәи ақыҭа
Риҟеҟа дхынҳәит адунеи ачемпион атитул ала. Лшьамхаҿы атравма
шлымазгьы, Наҭиа лхықәкы налыгӡеит. Аспортсмен ӡҕаб лазыҟаҵаҩгьы
лызгәыбылцәагьы агәырҕьара ду рзаалгеит.

Қырҭтәылеи Европеи рчемпион адунеи ачемпионат аҿы 17 шықәсанӡа
зхыҵуа аспортсменцәа рыгәҭа қәҿиарала дықәгылеит - ашьҭқәыцәаараҿы
85/88/91 кьылала араӡнытә медал лгеит. Ирҭрысны ашьҭыхраҿы
108/113/117 кьыла шьҭыхны, ахьтәы медал лгеит. Ҩ-хкык рыла
аицлабраҿгьы 208 кьыла шьҭыхны, ахьтәы медал лган, адунеи
ачемпионат аҿы Қырҭтәыла хьыӡрашәа дырҳәаратәы иҟалҵеит. Убри
адагьы, аштангист ӡҕаб ашьҭқәыцәаареи ҩ-хкык рыла аицлабреи рҿы 4 –
4 кьыла рыла Қырҭтәыла арекорд еиҕьалтәит.

Ишылҳәо ала, аиааира ашьҭахь, лара илзымдыуаз ауаа рҟынтәи илоуз
абзиареи ажәа хаақәеигәызҭаҵагас илзыҟалан, иаҳа еиҕьны аҽазыҟаҵара
далагоит. Аспортсмен ӡҕаб ишылҳәаз ала, уажәазы лара лзы аҵакы хада
амоуп 2022 шықәсазы ибзианы аҽазыҟаҵара, избанзар ҳаҧхьаҟа
имаҷымкәа жәларбжьаратәи атурнирқәа лзыҧшуп.

„Зеиҧшҟамлац ала амотивациа ду сымоуп. Арҭ ауаа еснагь агәахәара
рзаагара сҽазыскуеит“, - илҳәеит Наҭиа.

Лара зегьы раасҭа бзиа илбо ақәыҧшылараҿы, Риҟетәи аспорттә зал аҿы
есымша лҽазыҟалҵоит, лазыҟаҵаҩ хада Бежан Ҷиҷинаӡе илиҭо адҵақәа
зегьы ишахәҭоу ала иналыгӡар лҭахуп.

„Абри азал аҟынтәи ауп зегьы шалагаз, сазыҟаҵаҩ Бежан Ҷиҷинаӡе
ибзоурала. Аброуп раҧхьатәи ашьаҿақәа ахьыҟасҵаз, анеҩс, амилаҭтә
аизгашҟа сыргеит, аха, зегьы иреиҕьу сцәаныррақәа абри азал
иадҳәалоуп. Абрахь санаауа, еснагь гәыкала сгәырҕьоит, исылшо зегьы
ҟасҵар сҭахуп“, - иҳалҳәеит Наҭиа Гаделиа.

Лара адунеи ачемпионс дҟалеит жьҭаара 11 рзы, Баҭым иҟалаз арыцҳара
амшала Қырҭтәыла алахьеиқәҵаратә мшы анрылаҳәаз. Наҭиа абри
арыцҳара даараӡа лгәы иалсит, лиааира иҭахаз ауаа рҭаацәарақәа
ирзылкит.

Риҟетәи аштангатә школ аҵаҩцәа рҟынтәи лара лымацара лакәӡам
Саудтәи Аравиа имҩаҧысуаз ачемпионат аҿы ақәҿиара зауз. Аштангист
Гурам Векуа араӡнытә 3 медалк игеит, Николоз Асарҭиа аџьазтә
медалки араӡнытә 2 медалки игеит. Дара авице-чемпионцәаны
иҟалеит.

Азыҟаҵаҩ хада Бежан Ҷиҷинаӡе иҵаҩцәа ироуз алҵшәақәа игәаҧхоит.
Иара иҵаҩцәа абри аҩыза ақәҿиарақәа ахьроуз уамашәа имбеит,
избанзар, аҵыхәтәантәи ашықәсқәа рзы аицлабрақәа рҟынтә амедалқәа
рыда ихнымҳәыцт. Аспортсменцәа апандемиагьы рҧырхагамхеит, избанзар
дара еиҧҟьарада рҽазыҟарҵоит, аицлабрақәа рахь рҽазыҟаҵаны
ицеит.

Бежан Ҷиҷинаӡе иҳәамҭала, аспортсмен иахәҭоу аҧҟарақәа наигӡалар,
игәахәтәы анагӡаразы ихы дамеигӡакәа аус иур, хымҧада ақәҿиара
иоуеит.

„Аспорт ахатә ҧҟарақәа амоуп, урҭ еилаугар, ухықәкы узынагӡом. Абри
аус аҿы адисциплина ауп ихадоу. Зегьы рыла уеиҿказаароуп -
аҽазыҟаҵара аангьы адәахьгьы“, - иҳәеит азыҟаҵаҩ хада.

Иара ирхыргахьоу ауадаҩрақәа игәалаиршәеит, Наҭаиа, аспортсмен ӡҕаб
лаҳасабала, абри зегьы ҷыдала илцәыуадаҩын. Наҭиа лыкәша-мыкәша
иҟоу ауаа реиҳара аштанга аҧҳәыс илусым, даҽа хырхарҭак ала лхы
лҧышәароуп ҳәа ирыҧхьаӡон.

„Наҭиа имаҷымкәа ауадаҩрақәа дырхысит. Амҩан илҧылозгьы еснагь
иларҳәон, Наҭиа абри аспорт баҭәаҳшьом, иалабхузеи ҳәа. Сара еснагь
иласҳәон, абри аус аҿы бманшәалахоит ҳәа. Избанзар лара лхаҭа ари
аспорт алылхит, ибҭаху ибҭахыму абри аспорт балалароуп ҳәа аӡәгьы
илеимҳәеит. Лара лхала дааины, аҽазыҟаҵара далагеит. Саргьы акыр
слыцхраан, адунеи ачемпионс дҟалеит“, - иҳаиҳәеит Бежан
Ҷиҷинаӡе.

Риҟетәи ашкол аштангистцәа рықәҿиарақәа егьырҭ аҿарацәагьы
гәызҭаҵагас ирзыҟалеит, аспорт абри ахкы ашҟа есышықәса азҿлымҳара
азҳауеит. Уажәазы аспортшкол иҭоуп 40ҩык аҵаҩцәа. Риҟе мацара
акәымкәа, егьырҭ ақыҭақәеи ақалақьқәеи рҟынтәгьы абрахь иааны
рҽазыҟарҵоит. Азыҟаҵаҩ ишиҳәаз ала, апандемиа амшала агәыҧқәа
еиҟәыршеит, есымша 3-4 етапла рҽазыҟарҵоит. Азыҟаҵаҩ иажәақәа рыла,
ҳаҧхьаҟа ашкол иаҳа идуу азал аҭаххоит.

Адунеи ачемпион Наҭиа Гаделиа аштанга знапы азыркыр зҭаху
ақьыҭаӡҕабцәа рзы дҿырҧшыгахеит. Наҭиа дналываргыланы, даҽа
ӡҕабкгьы ашкол дҭалоит, аха адунеи ачемпион ишылҳәаз ала, хара
имгакәа иаҳа ирацәаны аӡҕабцәа абри аус рҽазыркуеит.
09:58 / 24.10.2021
Мышқәак раҧхьа, аштангист ӡҕаб Наҭиа Гаделиа Саудтәи Аравиа имҩаҧысуаз адунеи ачемпионат аҟынтә илызгәакьоу жәыргьыҭтәи ақыҭа Риҟеҟа дхынҳәит адунеи ачемпион атитул ала. Лшьамхаҿы атравма шлымазгьы, Наҭиа лхықәкы налыгӡеит. Аспортсмен ӡҕаб лазыҟаҵаҩгьы лызгәыбылцәагьы агәырҕьара ду рзаалгеит.

Қырҭтәылеи Европеи рчемпион адунеи ачемпионат аҿы 17 шықәсанӡа зхыҵуа аспортсменцәа рыгәҭа қәҿиарала дықәгылеит - ашьҭқәыцәаараҿы 85/88/91 кьылала араӡнытә медал лгеит. Ирҭрысны ашьҭыхраҿы 108/113/117 кьыла шьҭыхны, ахьтәы медал лгеит. Ҩ-хкык рыла аицлабраҿгьы 208 кьыла шьҭыхны, ахьтәы медал лган, адунеи ачемпионат аҿы Қырҭтәыла хьыӡрашәа дырҳәаратәы иҟалҵеит. Убри адагьы, аштангист ӡҕаб ашьҭқәыцәаареи ҩ-хкык рыла аицлабреи рҿы 4 – 4 кьыла рыла Қырҭтәыла арекорд еиҕьалтәит.

Ишылҳәо ала, аиааира ашьҭахь, лара илзымдыуаз ауаа рҟынтәи илоуз абзиареи ажәа хаақәеигәызҭаҵагас илзыҟалан, иаҳа еиҕьны аҽазыҟаҵара далагоит. Аспортсмен ӡҕаб ишылҳәаз ала, уажәазы лара лзы аҵакы хада амоуп 2022 шықәсазы ибзианы аҽазыҟаҵара, избанзар ҳаҧхьаҟа имаҷымкәа жәларбжьаратәи атурнирқәа лзыҧшуп.

„Зеиҧшҟамлац ала амотивациа ду сымоуп. Арҭ ауаа еснагь агәахәара рзаагара сҽазыскуеит“, - илҳәеит Наҭиа.

Лара зегьы раасҭа бзиа илбо ақәыҧшылараҿы, Риҟетәи аспорттә зал аҿы есымша лҽазыҟалҵоит, лазыҟаҵаҩ хада Бежан Ҷиҷинаӡе илиҭо адҵақәа зегьы ишахәҭоу ала иналыгӡар лҭахуп.

„Абри азал аҟынтәи ауп зегьы шалагаз, сазыҟаҵаҩ Бежан Ҷиҷинаӡе ибзоурала. Аброуп раҧхьатәи ашьаҿақәа ахьыҟасҵаз, анеҩс, амилаҭтә аизгашҟа сыргеит, аха, зегьы иреиҕьу сцәаныррақәа абри азал иадҳәалоуп. Абрахь санаауа, еснагь гәыкала сгәырҕьоит, исылшо зегьы ҟасҵар сҭахуп“, - иҳалҳәеит Наҭиа Гаделиа.

Лара адунеи ачемпионс дҟалеит жьҭаара 11 рзы, Баҭым иҟалаз арыцҳара амшала Қырҭтәыла алахьеиқәҵаратә мшы анрылаҳәаз. Наҭиа абри арыцҳара даараӡа лгәы иалсит, лиааира иҭахаз ауаа рҭаацәарақәа ирзылкит.

Риҟетәи аштангатә школ аҵаҩцәа рҟынтәи лара лымацара лакәӡам Саудтәи Аравиа имҩаҧысуаз ачемпионат аҿы ақәҿиара зауз. Аштангист Гурам Векуа араӡнытә 3 медалк игеит, Николоз Асарҭиа аџьазтә медалки араӡнытә 2 медалки игеит. Дара авице-чемпионцәаны иҟалеит.

Азыҟаҵаҩ хада Бежан Ҷиҷинаӡе иҵаҩцәа ироуз алҵшәақәа игәаҧхоит. Иара иҵаҩцәа абри аҩыза ақәҿиарақәа ахьроуз уамашәа имбеит, избанзар, аҵыхәтәантәи ашықәсқәа рзы аицлабрақәа рҟынтә амедалқәа рыда ихнымҳәыцт. Аспортсменцәа апандемиагьы рҧырхагамхеит, избанзар дара еиҧҟьарада рҽазыҟарҵоит, аицлабрақәа рахь рҽазыҟаҵаны ицеит.

Бежан Ҷиҷинаӡе иҳәамҭала, аспортсмен иахәҭоу аҧҟарақәа наигӡалар, игәахәтәы анагӡаразы ихы дамеигӡакәа аус иур, хымҧада ақәҿиара иоуеит.

„Аспорт ахатә ҧҟарақәа амоуп, урҭ еилаугар, ухықәкы узынагӡом. Абри аус аҿы адисциплина ауп ихадоу. Зегьы рыла уеиҿказаароуп - аҽазыҟаҵара аангьы адәахьгьы“, - иҳәеит азыҟаҵаҩ хада.

Иара ирхыргахьоу ауадаҩрақәа игәалаиршәеит, Наҭаиа, аспортсмен ӡҕаб лаҳасабала, абри зегьы ҷыдала илцәыуадаҩын. Наҭиа лыкәша-мыкәша иҟоу ауаа реиҳара аштанга аҧҳәыс илусым, даҽа хырхарҭак ала лхы лҧышәароуп ҳәа ирыҧхьаӡон.

„Наҭиа имаҷымкәа ауадаҩрақәа дырхысит. Амҩан илҧылозгьы еснагь иларҳәон, Наҭиа абри аспорт баҭәаҳшьом, иалабхузеи ҳәа. Сара еснагь иласҳәон, абри аус аҿы бманшәалахоит ҳәа. Избанзар лара лхаҭа ари аспорт алылхит, ибҭаху ибҭахыму абри аспорт балалароуп ҳәа аӡәгьы илеимҳәеит. Лара лхала дааины, аҽазыҟаҵара далагеит. Саргьы акыр слыцхраан, адунеи ачемпионс дҟалеит“, - иҳаиҳәеит Бежан Ҷиҷинаӡе.

Риҟетәи ашкол аштангистцәа рықәҿиарақәа егьырҭ аҿарацәагьы гәызҭаҵагас ирзыҟалеит, аспорт абри ахкы ашҟа есышықәса азҿлымҳара азҳауеит. Уажәазы аспортшкол иҭоуп 40ҩык аҵаҩцәа. Риҟе мацара акәымкәа, егьырҭ ақыҭақәеи ақалақьқәеи рҟынтәгьы абрахь иааны рҽазыҟарҵоит. Азыҟаҵаҩ ишиҳәаз ала, апандемиа амшала агәыҧқәа еиҟәыршеит, есымша 3-4 етапла рҽазыҟарҵоит. Азыҟаҵаҩ иажәақәа рыла, ҳаҧхьаҟа ашкол иаҳа идуу азал аҭаххоит.

Адунеи ачемпион Наҭиа Гаделиа аштанга знапы азыркыр зҭаху ақьыҭаӡҕабцәа рзы дҿырҧшыгахеит. Наҭиа дналываргыланы, даҽа ӡҕабкгьы ашкол дҭалоит, аха адунеи ачемпион ишылҳәаз ала, хара имгакәа иаҳа ирацәаны аӡҕабцәа абри аус рҽазыркуеит.
19 шықәсанӡа зхыҵуа Қырҭтәыла аҳәса реизга Европа ачемпионат азы
аҽазыҟаҵара иаҿуп,
17:31 / 05.02.2020
19 шықәсанӡа зхыҵуа Қырҭтәыла аҳәса реизга Европа ачемпионат азы аҽазыҟаҵара иаҿуп,
Автор: Нино Ҭолораиа

Ҭаҭиеи, Ҭамари, Еленеи Европа аҿартә чемпионат аҿы аҧхьахәтә ҭыҧқәа
ааныркылеит. Жәыргьыҭтәи аӡҕабцәа рыхҩыкгьы рспорттә
18:01 / 29.01.2020
Автор: Нино Ҭолораиа

Ҭаҭиеи, Ҭамари, Еленеи Европа аҿартә чемпионат аҿы аҧхьахәтә ҭыҧқәа ааныркылеит. Жәыргьыҭтәи аӡҕабцәа рыхҩыкгьы рспорттә
Урыстәылатәи ақалақьт Ижевск имҩаҧысуаз 23 шықәсанӡа зхыҵуа
рыбжьара аӡиудо
10:02 / 04.11.2019
Урыстәылатәи ақалақьт Ижевск имҩаҧысуаз 23 шықәсанӡа зхыҵуа рыбжьара аӡиудо
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала