Аспорт
Аҳәса рспорт акәӡам ҳәа аҳәара иаҿын, сара маӡала азыҟаҵарашҟа сцон - амилаҭтә аизга иалоу Хобитәи аӡҕаб
FaceBook Twitter
E-mail Print
19 шықәсанӡа зхыҵуа Қырҭтәыла аҳәса реизга Европа ачемпионат азы аҽазыҟаҵара иаҿуп, ачемпионат мҩаҧысуеит ҧхынгәы 21 инаркны нанҳәа 2-нӡа.

Аизга далоуп Хобитәи аклуб "Колхеҭи" алахәыла, 17 шықәса зыхҵуа Ана Ҵулаиа. Лара ақыҭа Шуа Хоргада аҿы дынхоит. Аҭыҧантәи акаманда иазыҟаиҵоит Зураб Латариа. Ишылҳәо ала, ашьапылампыл лара илыҧсҭазаашьоуп, амилаҭтә аизгаҿы аномер 15 ала дыхәмаруеит.

Лаивпресс: Ашьапылампыл шәасуеижьҭеи иҵои, ари аспорт шәзазҿлымҳахеи?

Ана Ҵулаиа: Саныхәыҷыз инаркны, ақыҭаҿы аҷкәынцәа срыцны ашьапылампыл сасуан. Акариера азхәыцреи аҽазыҟаҵареи салагеит 11-12 шықәса анысхыҵуаз.

Лаивпресс: Апрофессоналтә аҩаӡараҿы ашьапылампыл асра зышәыӡбеи?

Ана Ҵулаиа:
Сашьа дшьапылампыласҩын. Сицны азыҟаҵарақәа рахь сцалон. Хәыҷы-хәыҷла бзиа избеит. Нас, ари аспорт аҿы схы сҧышәарц сыӡбеит.

Лаивпресс: Быхәмаршьа иацклаҧшуаз ауаа агәырҵҟәыл бымоуп ҳәа барҳәозма?

Ана Ҵулаиа: Аспорт азы сырҵаҩы иакәын. Ашкол аҿы аҷкәынцәа санрыхәмаруаз, исаиҳәалон агәырҵҟәыл бымоуп ҳәа. Мамзар, сҭаацәара роума, егьырҭ роума, сара ашьапылампыл салаларц аӡәгьы иҭахымызт.

Лаивпресс: Избан, изырҭахымзи, ирҳәози?

Ана Ҵулаиа: Аӡҕаби ашьапылампыли еинаалом ҳәа рҳәон, иргәаҧхомызт. Сҭаацәара мацара ракәымкәа, зегьы исҿагылан. Ашьапылампыл асра аӡҕаб илусым ҳәа рҳәон. Аха, сара, уезгьы, исҭахыз ҟасҵеит. Аҵыхәтәаны, иақәшаҳаҭхеит.

Лаивпресс:
Ишҧабҿагылаз? Аҽазыҟаҵараҿы ибҧырхагазма?

Ана Ҵулаиа: Соурышьҭуамызт, ашкол аҟынтә маӡала азыҟаҵарашҟа сцон. Сазыҟаҵаҩ аҩны дааны, ашҭашҟа сигон.

Лаивпресс: Ашьапылампыл аҧҳәыс илусым ҳәа ирҳәо иашоума, бгәы ишҧаанаго?

Ана Ҵулаиа: Иашаӡам, избанзар, гәыкала иуҭаху аус ҟауҵароуп. Егьырҭ урзыӡырҩыр ҟалом. Аҧҳәыс зехьынџьара дыҟазар ауеит, ачысҟаҵарҭа мацараҿ акәымкәа.

Лаивпресс: Хоби иҟоу аӡҕабцәа ркаманда балоижьҭеи иҵуеи?

Ана Ҵулаиа: Акариератә аҩаӡараҿы ахәмарра саналага инаркны. Раҧхьаӡа, сара схала азыҟаҵаҩ сизнеит. Усҟан 12 шықәса схыҵуан. Сара хазы сазыҟаиҵон. Нас, хәыҷы-хәыҷла ахәыҷқәа иаауа иалаган, акаманда еиҿаҳкааит. Ашколгьы зегьы рыла исыцхраауеит.

Лаивпресс: Егьырҭ аӡҕабцәа бара ибҿыҧшны аума акамандашҟа ишнеиз?

Ана Ҵулаиа: Мап. Хоби аҳәса ркаманда шыҟаз еилыркааит. Даргьы агәырҵҟәыл рылоуп, абас ауп аҽазыҟаҵара ишалагаз. Уаҟа ҳаибадырит.

Лаивпресс: Ҳаҧхьаҟа ашьапылампыл занааҭс ибымазар бҭахума, мамзар ахобби аҳасаб ала иаанхоу?

Ана Ҵулаиа: Ааи, ашьапылампыл ауп занааҭс иалсхуа, аха, знымзар зны скариера ахыркәшара сықәшәоит, убри аҟынтә, даҽа занааҭкгьы сымазар сҭахуп. Азыҟаҵаҩс сҟалар сҭахуп. Иара убас, аиуристтә факультет сҭалар сҭахуп.

Лаивпресс:
Бгәы ишҧаанаго, иахьа Қырҭтәыла аҳәсатә шьапылампыл апопулиарра амоума?

Ана Ҵулаиа: Ҧаса аҳәсатә ашьапылампыл зынӡаскгьы хшыҩзышьҭра амамызт. Аха, хәыҷы-хәыҷла уигьы аҿиара аиуит, иахьазы апопулиарра ду амоуп. Аҳәса ашьапылампыласҩцәа рацәахеит.

Лаивпресс:
Мчыбжьык ала шаҟантә шәҽазыҟашәҵои?

Ана Ҵулаиа: Хобитәи акамандаҿы мчыбжьык ала 3-4-нтә ҳҽазыҟаҳҵоит. Махәҿала, аҩра - аҷкәынцәа реиҧшҵәҟьа ҳҽазыҟаҳҵоит.

Лаивпресс: Уи бцәыуадаҩӡами?

Ана Ҵулаиа: Мап, сара исцәыуадаҩым. Аӡҕаб ари аспорт алылхзар, ари азанааҭ бзиа илбоит, дкарахаанӡа ашҭаҿы лҽазыҟалҵалароуп.

Лаивпресс: Иарбан камандоу зегьы реиҳа бзиа иббо?

Ана Ҵулаиа: Барселонеи Испаниа аизгеи бзиа избоит. Ашьапылампыласҩцәа рҟынтәи зегьы реиҳа дысгәыҧхоит Андрес Иниеста.

Лаивпресс: Қырҭтәыла аҿартә аизгашҟа бышҧананагеи?

Ана Ҵулаиа: 3-4 шықәса ҵуеит Қырҭтәыла аизаҿы сыхәмаруеишьҭеи. Аизга азыҟаҵаҩцәа сшыхәмаруаз рбан, сырҧышәарц азы исыҧхьеит. Сыргәаҧхан, убри анеҩс аизга салоуп. Ҧаса 17 шықәсанӡа зхыҵуа реизга салан, аха уажәы,19 шықәсанӡа зхыҵуа аӡҕабцәа рыгәҭа сыхәмаруеит.

Лаивпресс: Аизга алаларазы аконкуренциа дуума?

Ана Ҵулаиа: Аҷкәынцәа рҿы еиҧшҵәҟьа, аӡҕабцәа рҿгьы аконкуренциа дууп. Аҳәса шьапылампыласҩцәа иаҳа-иаҳа ирацәахоит.

Лаивпресс: Аизгаҿы бара быда Хоби иалҵыз аӡәыр дыҟоума?

Ана Ҵулаиа: Сара сықәлацәа иҟаӡам, аха еиҵбу акатегориаҿы иҟоуп.

Лаивпресс: Европа ачемпионат азы аҽазыҟаҵарақәа шҧамҩаҧысуа?

Ана Ҵулаиа: Аизгарашҟа иҳаҧхьоит. Аиҩызаратә хәмаррақәа ҳамоуп. Уажәааны Азербаиџьантәи аизга ҳарҧылеит. Мшаҧы азы Қырҭтәыла аизга атурнир мҩаҧнагоит. Аизгарақәа рышьҭахь аҩныҟа ҳаурышьҭуеит. Аклуб аҿы аҽазыҟаҵара наҳагӡоит.

Лаивпресс: Аизга аилазаараҿы иарбан аицлабрақәоу бызлахәыз?

Ана Ҵулаиа: Қырҭтәыла имҩаҧысуаз аҿиара атурнир салахәын. Усҟан актәи аҭыҧ аанаҳкылеит. Голландиа имҩаҧысуаз Европа ачемпионат аҿы елит раунд ашҟа ҳаиасит. Иара убас, аизга аилазаараҿы аиҩызаратә аиҧыларақәа срылахәын.

Лаивпресс: Бхы банақәиҭу, иарбан усузеи иаҳа бзызҿлымҳау?

Ана Ҵулаиа: Ашәҟәқәа срыҧхьоит. Ателевизор сахәаҧшуеит. Бжеиҳарала, ашьапылампыл сахәаҧшуеит. Сҩызцәа сырҧылоит. Ашьапылампыл ҳаицасуеит.

Лаивпресс: Бгәы ишҧаанаго, Европа ачемпионат аҿы Қырҭтәыла аизга ақәҿиара аиуама?

Ана Ҵулаиа: Ибзианы ҳақәгылоит ҳәа сгәы иаанагоит. Ҳаизга ҕәҕәоуп. Ачемпионат аҿы ибзианы ҳхы ааҳарҧшыроуп, абри ауп хықәкыс иҳамоу.
Print E-mail
Twitter
Ари aмaтериaлқәa
Мышқәак раҧхьа, аштангист ӡҕаб Наҭиа Гаделиа Саудтәи Аравиа
имҩаҧысуаз адунеи ачемпионат аҟынтә илызгәакьоу жәыргьыҭтәи ақыҭа
Риҟеҟа дхынҳәит адунеи ачемпион атитул ала. Лшьамхаҿы атравма
шлымазгьы, Наҭиа лхықәкы налыгӡеит. Аспортсмен ӡҕаб лазыҟаҵаҩгьы
лызгәыбылцәагьы агәырҕьара ду рзаалгеит.

Қырҭтәылеи Европеи рчемпион адунеи ачемпионат аҿы 17 шықәсанӡа
зхыҵуа аспортсменцәа рыгәҭа қәҿиарала дықәгылеит - ашьҭқәыцәаараҿы
85/88/91 кьылала араӡнытә медал лгеит. Ирҭрысны ашьҭыхраҿы
108/113/117 кьыла шьҭыхны, ахьтәы медал лгеит. Ҩ-хкык рыла
аицлабраҿгьы 208 кьыла шьҭыхны, ахьтәы медал лган, адунеи
ачемпионат аҿы Қырҭтәыла хьыӡрашәа дырҳәаратәы иҟалҵеит. Убри
адагьы, аштангист ӡҕаб ашьҭқәыцәаареи ҩ-хкык рыла аицлабреи рҿы 4 –
4 кьыла рыла Қырҭтәыла арекорд еиҕьалтәит.

Ишылҳәо ала, аиааира ашьҭахь, лара илзымдыуаз ауаа рҟынтәи илоуз
абзиареи ажәа хаақәеигәызҭаҵагас илзыҟалан, иаҳа еиҕьны аҽазыҟаҵара
далагоит. Аспортсмен ӡҕаб ишылҳәаз ала, уажәазы лара лзы аҵакы хада
амоуп 2022 шықәсазы ибзианы аҽазыҟаҵара, избанзар ҳаҧхьаҟа
имаҷымкәа жәларбжьаратәи атурнирқәа лзыҧшуп.

„Зеиҧшҟамлац ала амотивациа ду сымоуп. Арҭ ауаа еснагь агәахәара
рзаагара сҽазыскуеит“, - илҳәеит Наҭиа.

Лара зегьы раасҭа бзиа илбо ақәыҧшылараҿы, Риҟетәи аспорттә зал аҿы
есымша лҽазыҟалҵоит, лазыҟаҵаҩ хада Бежан Ҷиҷинаӡе илиҭо адҵақәа
зегьы ишахәҭоу ала иналыгӡар лҭахуп.

„Абри азал аҟынтәи ауп зегьы шалагаз, сазыҟаҵаҩ Бежан Ҷиҷинаӡе
ибзоурала. Аброуп раҧхьатәи ашьаҿақәа ахьыҟасҵаз, анеҩс, амилаҭтә
аизгашҟа сыргеит, аха, зегьы иреиҕьу сцәаныррақәа абри азал
иадҳәалоуп. Абрахь санаауа, еснагь гәыкала сгәырҕьоит, исылшо зегьы
ҟасҵар сҭахуп“, - иҳалҳәеит Наҭиа Гаделиа.

Лара адунеи ачемпионс дҟалеит жьҭаара 11 рзы, Баҭым иҟалаз арыцҳара
амшала Қырҭтәыла алахьеиқәҵаратә мшы анрылаҳәаз. Наҭиа абри
арыцҳара даараӡа лгәы иалсит, лиааира иҭахаз ауаа рҭаацәарақәа
ирзылкит.

Риҟетәи аштангатә школ аҵаҩцәа рҟынтәи лара лымацара лакәӡам
Саудтәи Аравиа имҩаҧысуаз ачемпионат аҿы ақәҿиара зауз. Аштангист
Гурам Векуа араӡнытә 3 медалк игеит, Николоз Асарҭиа аџьазтә
медалки араӡнытә 2 медалки игеит. Дара авице-чемпионцәаны
иҟалеит.

Азыҟаҵаҩ хада Бежан Ҷиҷинаӡе иҵаҩцәа ироуз алҵшәақәа игәаҧхоит.
Иара иҵаҩцәа абри аҩыза ақәҿиарақәа ахьроуз уамашәа имбеит,
избанзар, аҵыхәтәантәи ашықәсқәа рзы аицлабрақәа рҟынтә амедалқәа
рыда ихнымҳәыцт. Аспортсменцәа апандемиагьы рҧырхагамхеит, избанзар
дара еиҧҟьарада рҽазыҟарҵоит, аицлабрақәа рахь рҽазыҟаҵаны
ицеит.

Бежан Ҷиҷинаӡе иҳәамҭала, аспортсмен иахәҭоу аҧҟарақәа наигӡалар,
игәахәтәы анагӡаразы ихы дамеигӡакәа аус иур, хымҧада ақәҿиара
иоуеит.

„Аспорт ахатә ҧҟарақәа амоуп, урҭ еилаугар, ухықәкы узынагӡом. Абри
аус аҿы адисциплина ауп ихадоу. Зегьы рыла уеиҿказаароуп -
аҽазыҟаҵара аангьы адәахьгьы“, - иҳәеит азыҟаҵаҩ хада.

Иара ирхыргахьоу ауадаҩрақәа игәалаиршәеит, Наҭаиа, аспортсмен ӡҕаб
лаҳасабала, абри зегьы ҷыдала илцәыуадаҩын. Наҭиа лыкәша-мыкәша
иҟоу ауаа реиҳара аштанга аҧҳәыс илусым, даҽа хырхарҭак ала лхы
лҧышәароуп ҳәа ирыҧхьаӡон.

„Наҭиа имаҷымкәа ауадаҩрақәа дырхысит. Амҩан илҧылозгьы еснагь
иларҳәон, Наҭиа абри аспорт баҭәаҳшьом, иалабхузеи ҳәа. Сара еснагь
иласҳәон, абри аус аҿы бманшәалахоит ҳәа. Избанзар лара лхаҭа ари
аспорт алылхит, ибҭаху ибҭахыму абри аспорт балалароуп ҳәа аӡәгьы
илеимҳәеит. Лара лхала дааины, аҽазыҟаҵара далагеит. Саргьы акыр
слыцхраан, адунеи ачемпионс дҟалеит“, - иҳаиҳәеит Бежан
Ҷиҷинаӡе.

Риҟетәи ашкол аштангистцәа рықәҿиарақәа егьырҭ аҿарацәагьы
гәызҭаҵагас ирзыҟалеит, аспорт абри ахкы ашҟа есышықәса азҿлымҳара
азҳауеит. Уажәазы аспортшкол иҭоуп 40ҩык аҵаҩцәа. Риҟе мацара
акәымкәа, егьырҭ ақыҭақәеи ақалақьқәеи рҟынтәгьы абрахь иааны
рҽазыҟарҵоит. Азыҟаҵаҩ ишиҳәаз ала, апандемиа амшала агәыҧқәа
еиҟәыршеит, есымша 3-4 етапла рҽазыҟарҵоит. Азыҟаҵаҩ иажәақәа рыла,
ҳаҧхьаҟа ашкол иаҳа идуу азал аҭаххоит.

Адунеи ачемпион Наҭиа Гаделиа аштанга знапы азыркыр зҭаху
ақьыҭаӡҕабцәа рзы дҿырҧшыгахеит. Наҭиа дналываргыланы, даҽа
ӡҕабкгьы ашкол дҭалоит, аха адунеи ачемпион ишылҳәаз ала, хара
имгакәа иаҳа ирацәаны аӡҕабцәа абри аус рҽазыркуеит.
09:58 / 24.10.2021
Мышқәак раҧхьа, аштангист ӡҕаб Наҭиа Гаделиа Саудтәи Аравиа имҩаҧысуаз адунеи ачемпионат аҟынтә илызгәакьоу жәыргьыҭтәи ақыҭа Риҟеҟа дхынҳәит адунеи ачемпион атитул ала. Лшьамхаҿы атравма шлымазгьы, Наҭиа лхықәкы налыгӡеит. Аспортсмен ӡҕаб лазыҟаҵаҩгьы лызгәыбылцәагьы агәырҕьара ду рзаалгеит.

Қырҭтәылеи Европеи рчемпион адунеи ачемпионат аҿы 17 шықәсанӡа зхыҵуа аспортсменцәа рыгәҭа қәҿиарала дықәгылеит - ашьҭқәыцәаараҿы 85/88/91 кьылала араӡнытә медал лгеит. Ирҭрысны ашьҭыхраҿы 108/113/117 кьыла шьҭыхны, ахьтәы медал лгеит. Ҩ-хкык рыла аицлабраҿгьы 208 кьыла шьҭыхны, ахьтәы медал лган, адунеи ачемпионат аҿы Қырҭтәыла хьыӡрашәа дырҳәаратәы иҟалҵеит. Убри адагьы, аштангист ӡҕаб ашьҭқәыцәаареи ҩ-хкык рыла аицлабреи рҿы 4 – 4 кьыла рыла Қырҭтәыла арекорд еиҕьалтәит.

Ишылҳәо ала, аиааира ашьҭахь, лара илзымдыуаз ауаа рҟынтәи илоуз абзиареи ажәа хаақәеигәызҭаҵагас илзыҟалан, иаҳа еиҕьны аҽазыҟаҵара далагоит. Аспортсмен ӡҕаб ишылҳәаз ала, уажәазы лара лзы аҵакы хада амоуп 2022 шықәсазы ибзианы аҽазыҟаҵара, избанзар ҳаҧхьаҟа имаҷымкәа жәларбжьаратәи атурнирқәа лзыҧшуп.

„Зеиҧшҟамлац ала амотивациа ду сымоуп. Арҭ ауаа еснагь агәахәара рзаагара сҽазыскуеит“, - илҳәеит Наҭиа.

Лара зегьы раасҭа бзиа илбо ақәыҧшылараҿы, Риҟетәи аспорттә зал аҿы есымша лҽазыҟалҵоит, лазыҟаҵаҩ хада Бежан Ҷиҷинаӡе илиҭо адҵақәа зегьы ишахәҭоу ала иналыгӡар лҭахуп.

„Абри азал аҟынтәи ауп зегьы шалагаз, сазыҟаҵаҩ Бежан Ҷиҷинаӡе ибзоурала. Аброуп раҧхьатәи ашьаҿақәа ахьыҟасҵаз, анеҩс, амилаҭтә аизгашҟа сыргеит, аха, зегьы иреиҕьу сцәаныррақәа абри азал иадҳәалоуп. Абрахь санаауа, еснагь гәыкала сгәырҕьоит, исылшо зегьы ҟасҵар сҭахуп“, - иҳалҳәеит Наҭиа Гаделиа.

Лара адунеи ачемпионс дҟалеит жьҭаара 11 рзы, Баҭым иҟалаз арыцҳара амшала Қырҭтәыла алахьеиқәҵаратә мшы анрылаҳәаз. Наҭиа абри арыцҳара даараӡа лгәы иалсит, лиааира иҭахаз ауаа рҭаацәарақәа ирзылкит.

Риҟетәи аштангатә школ аҵаҩцәа рҟынтәи лара лымацара лакәӡам Саудтәи Аравиа имҩаҧысуаз ачемпионат аҿы ақәҿиара зауз. Аштангист Гурам Векуа араӡнытә 3 медалк игеит, Николоз Асарҭиа аџьазтә медалки араӡнытә 2 медалки игеит. Дара авице-чемпионцәаны иҟалеит.

Азыҟаҵаҩ хада Бежан Ҷиҷинаӡе иҵаҩцәа ироуз алҵшәақәа игәаҧхоит. Иара иҵаҩцәа абри аҩыза ақәҿиарақәа ахьроуз уамашәа имбеит, избанзар, аҵыхәтәантәи ашықәсқәа рзы аицлабрақәа рҟынтә амедалқәа рыда ихнымҳәыцт. Аспортсменцәа апандемиагьы рҧырхагамхеит, избанзар дара еиҧҟьарада рҽазыҟарҵоит, аицлабрақәа рахь рҽазыҟаҵаны ицеит.

Бежан Ҷиҷинаӡе иҳәамҭала, аспортсмен иахәҭоу аҧҟарақәа наигӡалар, игәахәтәы анагӡаразы ихы дамеигӡакәа аус иур, хымҧада ақәҿиара иоуеит.

„Аспорт ахатә ҧҟарақәа амоуп, урҭ еилаугар, ухықәкы узынагӡом. Абри аус аҿы адисциплина ауп ихадоу. Зегьы рыла уеиҿказаароуп - аҽазыҟаҵара аангьы адәахьгьы“, - иҳәеит азыҟаҵаҩ хада.

Иара ирхыргахьоу ауадаҩрақәа игәалаиршәеит, Наҭаиа, аспортсмен ӡҕаб лаҳасабала, абри зегьы ҷыдала илцәыуадаҩын. Наҭиа лыкәша-мыкәша иҟоу ауаа реиҳара аштанга аҧҳәыс илусым, даҽа хырхарҭак ала лхы лҧышәароуп ҳәа ирыҧхьаӡон.

„Наҭиа имаҷымкәа ауадаҩрақәа дырхысит. Амҩан илҧылозгьы еснагь иларҳәон, Наҭиа абри аспорт баҭәаҳшьом, иалабхузеи ҳәа. Сара еснагь иласҳәон, абри аус аҿы бманшәалахоит ҳәа. Избанзар лара лхаҭа ари аспорт алылхит, ибҭаху ибҭахыму абри аспорт балалароуп ҳәа аӡәгьы илеимҳәеит. Лара лхала дааины, аҽазыҟаҵара далагеит. Саргьы акыр слыцхраан, адунеи ачемпионс дҟалеит“, - иҳаиҳәеит Бежан Ҷиҷинаӡе.

Риҟетәи ашкол аштангистцәа рықәҿиарақәа егьырҭ аҿарацәагьы гәызҭаҵагас ирзыҟалеит, аспорт абри ахкы ашҟа есышықәса азҿлымҳара азҳауеит. Уажәазы аспортшкол иҭоуп 40ҩык аҵаҩцәа. Риҟе мацара акәымкәа, егьырҭ ақыҭақәеи ақалақьқәеи рҟынтәгьы абрахь иааны рҽазыҟарҵоит. Азыҟаҵаҩ ишиҳәаз ала, апандемиа амшала агәыҧқәа еиҟәыршеит, есымша 3-4 етапла рҽазыҟарҵоит. Азыҟаҵаҩ иажәақәа рыла, ҳаҧхьаҟа ашкол иаҳа идуу азал аҭаххоит.

Адунеи ачемпион Наҭиа Гаделиа аштанга знапы азыркыр зҭаху ақьыҭаӡҕабцәа рзы дҿырҧшыгахеит. Наҭиа дналываргыланы, даҽа ӡҕабкгьы ашкол дҭалоит, аха адунеи ачемпион ишылҳәаз ала, хара имгакәа иаҳа ирацәаны аӡҕабцәа абри аус рҽазыркуеит.
Автор: Нино Ҭолораиа

Ҭаҭиеи, Ҭамари, Еленеи Европа аҿартә чемпионат аҿы аҧхьахәтә ҭыҧқәа
ааныркылеит. Жәыргьыҭтәи аӡҕабцәа рыхҩыкгьы рспорттә
18:01 / 29.01.2020
Автор: Нино Ҭолораиа

Ҭаҭиеи, Ҭамари, Еленеи Европа аҿартә чемпионат аҿы аҧхьахәтә ҭыҧқәа ааныркылеит. Жәыргьыҭтәи аӡҕабцәа рыхҩыкгьы рспорттә
Урыстәылатәи ақалақьт Ижевск имҩаҧысуаз 23 шықәсанӡа зхыҵуа
рыбжьара аӡиудо
10:02 / 04.11.2019
Урыстәылатәи ақалақьт Ижевск имҩаҧысуаз 23 шықәсанӡа зхыҵуа рыбжьара аӡиудо
Румынтәылa имҩaҧысуaз 23 шықәсaнӡa зхыҵуa aҿaр рыгәҭa Европa
aчемпионaт
10:34 / 29.10.2019
Румынтәылa имҩaҧысуaз 23 шықәсaнӡa зхыҵуa aҿaр рыгәҭa Европa aчемпионaт
Акоронавирус

Асоветтә репрессиақәа
Ажәaбжь ҿыцқәa
Қырҭтәыла аҧыза-министр Иракли Ҕарибашвили,
2020 шықәсазы арҵаҩы имилаҭтә ҳамҭа лоуит
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала