Ажәaбжь ҿыцқәa
Аҧсны иқәынхо ауааҧсыра 35 нызқь лари агрант роуеит
FaceBook Twitter
E-mail Print
Аинаалареи атәылауаҩратә аиҟарареи рызҵаарақәа рзы аҳәынҭқарратә министр ишылҳәаз ала, „Иҟаҵа еиҕьу аҧеиҧш азы“ апрограмма аҳәаақәа ирҭагӡаны, Аҧсни Цхинвалтәи арегиони ирықәынхо ауааҧсыра, аиндивидуалтә ма азеиҧштә проектқәа рзы 7 инаркны 35 нызқьнӡа лари агрант роур рылшоит. Қеҭеван Цихелашвили ари атәы аалыцҳаит аиҳабыра реилатәара ашьҭахь.

Лара ишылҳәаз ала, апрограмма мҩаҧыргоит аҭынчратә инициатива „Еиҕьу аҧеиҧш азы ашьаҿа“ аҳәаақәа ирҭагӡаны. Аминистр лҳәамҭала, 25 шықәса рыҩнуҵҟала раҧхьаӡа акәны, Аҧсни Цхинвалтәи арегиони ирықәынхо ауааҧсыреи, иара убас, 18 шықәса зхыҵхьоу Қырҭтәыла атәылауааи, апҟара ҿыц ала - астатуснеитралтә ашәҟәҭаҩра аформала ашәҟәы иҭаҩу ауааҧсыреи афинанстә ресурсқәа роур рылшоит.

„Арҭ ауаа, хаҭала, мамзаргьы азеиҧштә проектқәа рзы 7 инаркны 35 нызқьнӡа лари агрант роур рылшоит. 7 нызқь агрант роуеит хаҭала апроект назыгӡо, 15, 20, 35 нызқь лари агрант роуеит азеиҧштә проектқәа назыгӡо, аекономикатә усура знапы алаку, аиҟәшаратә цәаҳәақәа ирываршәны ахәаахәҭра аҿиара иацхраауа ауааҧсыра“, - илҳәеит Цихелашвили.
Уи лҳәамҭала, иахьа инаркны арзаҳалқәа рыдкылара иалагоит.

Апрограмма мҩаҧнагоит Аекономикеи иҭышәынтәалоу аҿиареи рминистрра иаҵанакуа аиуристтә хаҿы. Апрограмма ахаҭа жәбар шәылшоит Аинаалареи атәылауаҩратә аиҟарареи рызҵаарақәа рзы аҳәынҭқарратә министр иаппарат авеб-даҟьаҿы.

Изҭаху ауаа зегьы, ақырҭуа бызшәа инаваргыланы, арзаҳалқәа хадырҭәаар рылшоит, аҧсуеи, аурыси, англызи абызшәақәа рылагьы. Қеҭеван Цихелашвили агәыҕра ду лымоуп апрограмма алагала ду шыҟанаҵо ауаа рсоциалтә ҭагылазаашьа аиҕьтәреи агәреибагара аиҭашьақәыргылареи аус аҿы.

Алагамҭатә етап азы, ари аинициатива миллионбжак лари азоушьҭуп. Уаанӡа ари азҵаара далацәажәеит аиҳабыра рнапхгаҩы. Мамука Бахтаӡе ишиҳәаз ала, апроект хықәкыс иамоуп аиҟәшаратә цәаҳәа инаваршәны инхо ауааҧсыра рекономикатә ҭагылазаашьа аиҕьтәреи аиҟәшаратә цәаҳәақәа рымшала еицәыхарахаз ауааҧсыра реизааигәахареи.
Print E-mail
Twitter
Ари aмaтериaлқәa
Жәыргьыҭтәи амуниципалитет Рухи ақыҭаҿ,
10:32 / 14.05.2019
Жәыргьыҭтәи амуниципалитет Рухи ақыҭаҿ,
Ҳаҕа акырӡа иҽазишәит, аха ҳара аенергетика аусхкы аҿы
аҵакырадгьылтә
09:51 / 14.05.2019
Ҳаҕа акырӡа иҽазишәит, аха ҳара аенергетика аусхкы аҿы аҵакырадгьылтә
Сара аиааирагаҩыс сҟалоу сҟамлоу ҳәа сахьазхәыцуамыз.
09:15 / 13.05.2019
Сара аиааирагаҩыс сҟалоу сҟамлоу ҳәа сахьазхәыцуамыз.
Аинаалареи атәылауаҩратә аиҟарареи рызҵаарақәа рзы аҳәынҭқарратә
10:27 / 10.05.2019
Аинаалареи атәылауаҩратә аиҟарареи рызҵаарақәа рзы аҳәынҭқарратә
Амультимедиa
Европа амшқәа Жәыргьыҭ ақалақь аҿы  [афото]
Гыртәыла – Хыхьтәи Шәантәыла аокругтә администрациа аҧхьа аҿар,
Ацирк агыгшәыгқәа рыда - Жәыргьыҭ имҩаҧгаз акциа
Жәыргьыҭ, ацирктә гыгшәыгқәа рыдгыларатә акциа мҩаҧысит.
Алилачақь зну апаскақәа [афото]
Аишәа иқәгылоуп ашәыгахьшьыгақәа рыла иҭәу абанка,
8 шықәса зхыҵуа Анастасиа иналыгӡаз аҧсуа ашәа  „Шьишь нани“  аҭоурых  [авидео]
Амҳаџьырқәа агарашәа ҳәа ззырҳәо „Шьишь нани“ аҧсуа ашәоуп.
Аихатә ҭелқәа рыла еиҟәшоу аҧсы иуацәа [афото]
Абри ақыҭаҿы абарҭ ауаа рыгәҭа схәыҷра зегьы мҩаҧызгеит,