Ажәaбжь ҿыцқәa
Америкатә бенд Жәыргьыҭ аконцерт мҩаҧыргеит
FaceBook Twitter
E-mail Print
Америкатә гитарарҳәаҩи акомпозитори Тони Мемели ибенди жәыргьыҭтәи азыӡырҩцәа аконцерт рзымҩаҧыргеит. Урҭ Мемел иашәақәеи, иара убас, еицырдыруа ашәақәа рверсиа ҷыдақәеи нарыгӡеит.

Абенд Қырҭтәыла иаҭааижьҭеи мышқәак ҵуеит. Қарҭи Гории аконцертқәа мҩаҧыргахьеит. Жәыргьыҭ анеҩс, Баҭым инеиуеит. Урҭ рвизити рконцертқәеи атәылақәа рыбжьара аиҩызара арҕәҕәареи америкатә культура аӡыргареи иазкуп.

Тони Мемел зылшарақәа ҧку ауаа дреиуп. Иара даниз иарманапы имамызт, аха уи игәахәы анагӡараҿы иҧырхагамхеит, агитара арҳәара иҵеит. Иахьазы Тони абенд аҿы агитарарҳәаҩы хадас дыҟоуп.

Уи адагьы, иара дспикеруп, еиуеиҧшым атерапевттә программақәа дрылахәып, ихатә ҿырҧштәала, ауаа ауадаҩрақәа ишырхысша дирҵоит. Ашколқәагьы дырҭаауеит, уаҟа амастерклассқәеи ахортә шәаҳәара атерапиеи мҩаҧигоит.

Аҳәынҭқарратә департамент апрограмма "Америкатә музыка аҳәаанырцә" аҳәаақәа ирҭагӡаны, иара Бразилиеи, Парагваи, Уругваи, Малаизиеи, Индонезиеи, Сингапури аконцертқәа мҩаҧигахьеит.

Америкатә бенд адагьы, аконцерт аҿы ашәақәа нарыгӡеит аҭыҧантәи ансамбльқәа. Аиҧылараҿы иҟан аҭыҧантәи анапхгара ахаҭарнакцәеи анапхгаратә партиа аҟынтә ақалақь ахада иҭыҧ азы акандидат Гьаргь Шенгелиеи.
Print E-mail
Twitter
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала