Ажәaбжь ҿыцқәa
Мартвили араион иаҵанакуа Нахунао ақыҭаҿ ажәытәтәи колхидатәи аӡахәа аиҭашьақәыргылара иалагеит [афото]
FaceBook Twitter
E-mail Print
Мартвили араион иаҵанакуа Нахунао ақыҭаҿ инхо Заза Харебава колхидатәи аӡахәа аколлекциатә аӡахәаҭра еиҭеиҳаит. Афермер „Лаивпресс“ акорреспондент ишлеиҳәаз ала, адгьылҭыҧ аҿы 37 ажьхкы еиҭеиҳаит.

„Аиҭаҳатәқәа реиҳара Мартвилтәи атәылаҿацәҭҵааратә музеи аҟынтә иаазгеит, уаҟа ажәытә колхидатә аӡахәа ахкқәа ихьчаны ирымоуп. Еицырдыруа аҵарауаҩ Гиви Елиава иҧсҭазаара зегьы абарҭ ахкқәа рыҧшаареи рыхьчареи иазикит. Колхидатәи ажьхкы зегьы иреиҕьуп. Аиҭаҳатәқәа рынхамҩаҿы лассы иуҧымло ажьхкқәа иҟоуп, урҭ шьаҭанкыла иҭҵаатәуп.

Ари аус нагӡахар сҭахуп, сара сӡахәа аҟынтә ажәытә ажьхкқәа Гыртәыла зехьынџьара аларҵәара роур сҭахуп. Ари аус ҳара ҳаҳаҭыри ҳҧеиҧши иадҳәалами“, - иҳәеит Заза Харебава. Афермер иара иколлекциатә адгьылҭыҧ аҿы аҧсуа аӡахәагьы еиҭеиҳар иҭахуп.

„Каҷыҷ лассы иуҧымло аҧсуа ажьхкы ауп. Изныкымкәа еиуеиҧшым аҭыҧқәа рҟынтә иаазгахьеит, аха имҿиааит. Аҧсныҟа, лымкаала Леселиӡеҟа, Гыртәылантә 5 нызқь аиҭаҳатәқәа рган, ирааӡеит, уаҟа иҿиааит. Каҷыҷи егьырҭ ажьхкқәеи рымхны иаазгар сҭахуп“, - иҳәеит Заза Харебава.

Афермер 3 нызқь метр аҵакыра змоу аиҭаҳатә нхамҩа иара ихатә ҧарала еиҿикааит, аха ҳаҧхьаҟа, аҳәынҭқарратә программа аҳәаақәа ирҭагӡаны, агектарбжанӡа инхамҩа ирҭбаар иҭахуп.

Афото: Мартвилтәи аинформациа-консультациатә центр
Print E-mail
Twitter
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала