Ажәaбжь ҿыцқәa
Акарантин алагаларазы Аҟәа ирыдыркылаз аӡбара амшала Егры ацҳаҿы иҟоу аҭагылазаашьа [афото]
FaceBook Twitter
E-mail Print
Аҧсны де–факто ареспублика ахада инапынҵақәа назыгӡо Валери Бганба идҵа ала, агрипп авируси акоронавируси раларҵәара аҽацәыхьчара амзызла, агәаҭара–аушьҭратә пунктқәа – Ҧсоуи Егри рҿы акарантин рыларҳәеит. Аҟәа ишаарыцҳаз ала, ари аӡбара рыдыркылеит ауааҧсыра рыхьчара амзызла.

Агентра „Аҧсныпресс“ аинформациа инақәыршәаны, де–факто ахада иусмҩаҧгарҭаҿы имҩаҧгаз аилатәара ашьҭахь, Аҧсны де–факто ареспублика асанитартә ҳақьым хада Лиудмила Скорик ишаалыцҳаз ала, жәабран 4 инаркны, амигрантцәеи дара ирҩызоу ахаҿқәеи Аҧсны анеира азин рымам. Конкретла акарантинтә ҭагылазаашьа зызку ауааҧсыреи, иара убас, акарантин аформақәеи ирыдҳәаланы аинформациаҿы акгьы ианӡам.

Ари аҳәамҭа шыҟаҵазгьы, ауааҧсыра Аҧсны – Гыртәылатәи ампыҵахалатә цәаҳәаҿы иҟоу Егрытәи аушьҭратә пункт аҿы абжьааҧнытә режим ала еиҭаҵуеит. Импыҵахалоу Гал аҟынтә Егры ацҳа дахысны Жәыргьыҭҟа инеиз апассаџьырцәа ишырҳәаз ала, уажәазы аҭагылазаашьа аҽамҧсахит, ауаа, уаанӡеиҧш, аҧсуа паспортқәа рыла, мамзаргьы анхаразы аамҭалатәи агәраргагақәа рыла еиҭаҵуеит, аҵыхәтәантәи адокумент иацзароуп Қырҭтәыла атәылауаҩра зыршаҳаҭуа ахаҭара агәраргагагьы.

Иара убас, апассаџьырцәа ишырҳәаз ала, жәабран инаркны, агәаҭара–аушьҭратә пункт аҿы аус ауеит иеиҭаҵуа амбулаториа, уаҟа Жәыргьыҭынтә Аҧсныҟа ицо ауааҧсыра зегьы гәарҭоит. Аҧснынтә Қырҭтәыла егьи аҵакырадгьылахь ицо ауааҧсыра, дара рхатә ҭаххарала амедицинатә гәаҭара иахысыр рылшоит.

Ареспондентцәа ишырҳәаз ала, ари апроцесс ахылаҧшра ҕәҕәа амам.

Галаа амедицинатә гәаҭарақәа иахьынӡамҩаҧысуа рыздырӡом. Иара убас, ирыздырӡом де–факто анапхгара, 2019 шықәсазы аҳәа агрипп аан аҳәаа шдыркыз еиҧш, уажәгьы убасҵәҟьа иҟарҵоу иҟарымҵоу.

Ампыҵахалатә цәаҳәаҿы иеиҭаҵуа амбулаториа идыргылеит ажьырныҳәа 29 рзы. Уаанӡа, аҧсуа амедиахархәагақәа аарыцҳаит де–факто агәабзиарахьчара аминистрра, акоронавирус аларҵәара аҽацәыхьчара амзызла, Егры ацҳаҿы апрофилактикатә усурақәа рымҩаҧгаразы адҵа шыҟанаҵаз.

Аҟәа, Китаинтә афатәаалыц аагаразы аҧкрақәа шьақәдыргылеит. Де–факто ареспубликатә хәышәтәырҭа атерапевт хада ишаалыцҳаз ала, цәыббра 1 инаркны жәабран 4–нӡа, амедицинатә усбарҭа иадҵаалт агрипп авирус змаз 400ҩык апациентцәа. 69ҩык ахәышәтәырҭа иҭарҵеит. Урҭ рҟынтәи 24ҩык апневмониа рымоуп, 4ҩык рҭагылазаашьа цәгьоуп.
Print E-mail
Twitter
Ари aмaтериaлқәa
Қырҭтәыла агәабзиарахьчара аминистр ишылҳәаз ала, Рухтәи
ахәышәтәырҭа убас еибырҭоит,
22:27 / 29.03.2020
Қырҭтәыла агәабзиарахьчара аминистр ишылҳәаз ала, Рухтәи ахәышәтәырҭа убас еибырҭоит,
Аинаалареи атәылауаҩратә аиҟарареи азҵаарақәа рзы Қырҭтәыла
аҳәынҭқарратә министр Қеҭеван
22:22 / 29.03.2020
Аинаалареи атәылауаҩратә аиҟарареи азҵаарақәа рзы Қырҭтәыла аҳәынҭқарратә министр Қеҭеван
Жәыргьыҭтәи aинфекциaтә хәышәтәырҭa aнеҩс, aкорнaвирус иaҿaгылоу
aқәҧaрa aҽaлaнaрхәоит
22:28 / 28.03.2020
Жәыргьыҭтәи aинфекциaтә хәышәтәырҭa aнеҩс, aкорнaвирус иaҿaгылоу aқәҧaрa aҽaлaнaрхәоит
Хоби инхо Гьаргь Чиқовани, егьырҭ ауаа дрыцхраарц азыҳәан,
14:44 / 27.03.2020
Хоби инхо Гьаргь Чиқовани, егьырҭ ауаа дрыцхраарц азыҳәан,
Амультимедиa
Алакә афырхацәа аниматорцәа рҭаацәара аҟынтә
Раҧхьаӡа акәны абгахәыҷы аформа ҟаиҵеит иӡҕаб хәыҷы ашьыжьқәгылара
Ақырҭуа ашә ажәытәтәи аҿыци ахкқәа Жәыргьыҭтәи ацәыргақәҵаҿы  [афото]
Апырпыл злоу ашә, еиуеиҧшм ахәсқәа рыла иҟаҵоу ашә, саҧерави иӡаашьу
Аботаникатә баҳча аартранӡа мызкы шагу [авидео]
Жәыргьыҭтәи аботаникатә баҳчаҿы аиҭашьақәыргыларатә усурақәа
Голландиатәи ашьынка арҧхарҭа Жәыргьыҭ [афото]
Жәыргьыҭ, Цаишьи ақыҭаҿ 65 шықәса зхыҵуа Гено Асаҭиани
Европа амшқәа Жәыргьыҭ ақалақь аҿы  [афото]
Гыртәыла – Хыхьтәи Шәантәыла аокругтә администрациа аҧхьа аҿар,