Ажәaбжь ҿыцқәa
Ауааҧсыра рылахәызаара ала иаҧҵахоит Аҧснытәи аелектронтә библиотека
FaceBook Twitter
E-mail Print
Қырҭтәыла апарламент аҿы иҟоу амилаҭтә библиотека иаҵанакуа арыцхәтә лабораториа апроект ҿыц анагӡара иалагоит, уи Аҧснытәи аелектронтә бибилиотека аҧҵара иазкуп. Архивтә материалқәа, ашәҟәқәа, ажурналқәа, агазеҭқәа, афишақәа, адокументқәа, абилеҭқәа уҳәа, атәыла ари арегион иадҳәалоу аинформациа зегьы иаку онлаин қәыҧшылараҿы еизыргоит.

Амилаҭтә бибилиотека адиректор Гьаргь Кекелиӡе "Лаивпресс" акорреспондент ишлеиҳәаз ала, иахьазы дара рҟны ишьҭоу аматериалқәа ирываргыланы, атәылауаа ирымоу аматериалқәагьы еизганы, арыцхәтә системашҟа иаганы, аоригиналқәа рыздырхынҳәуеит.

Абиблиотекаҿы, бжеиҳарала, 20-тәи ашәышықәса иаҵанакуа аматериалқәа роуп ирымоу.

"Ҳара ҳбиблиотекаҿы ишьҭоу ашәҟәқәеи, егьырҭ еиуеиҧшым акьыҧхь иарбоу, абҕьыцтә материалқәеи абиблиотека ашәҟәытә фонд хада иаҵанакуеит. Аҧсышәалеи, урысшәалеи, ақырҭшәалеи Аҧсны икьыҧхьыз ашәҟәқәа. Иара убас, ҳәарада, ажурналқәеи агазеҭқәеи", - иҳәеит Гьаргь Кекелиӡе.

Афотоҭыхымҭаҿы Гьаргь Кекелиӡе, Қырҭтәыла апарламент амилаҭтә библиотека адиректор

Аелектронтә библиотека аҧҵара изырыӡбеи ҳәа ҳаниазҵаа ишиҳәаз ала, ҭаацәарақәак рҿы имаҷымкәа аматериалқәа шьҭоуп, аха дара арҭ аматериалқәа убас иреиҷаҳауеит, аоригиналқәа аӡәгьы ирҭом. Убри аҟынтә, абри зегьы арыцхәтә системашҟа иаргарц рыӡбеит. Уи адагьы, онлаин версиа ауааҧсыра зегьы ирбар рылшоит.

Архив еиҿыркаауеит Аҧсны инхо ауааҧсыра рзы. Убри аҟынтә, Аҧсны иқәынхо ауааҧсыра, ирҭаххар, аелектронтә библиотека аиҿкаара апроцесс рхы аладырхәыр рылшоит. Ари азҵаара иадҳәаланы Гьаргь Кекелиӡе ишиҳәаз ала, алагамҭатә етап азы аусеицура дақәгәыҕуам, аха Аҧснынтә ари аус аӡәы дазҿлымҳахар, игәы иаахәоит.

Арыцхәтә системашҟа иарго абиблиотека ҧшьбызшәак рыла еиқәыршәазаауеит. Изҭаху ауаа зегьы аматериалқәа рбар рылшоит ақырҭуеи, аҧсуеи, англызи, аурыси абызшәақәа рыла. Аелектронтә версиазы аусура иалагоит жәабран 14 инаркны.

"Уажәырнахыс, аматериалқәа зегьы қәыҧшыларак аҿы ишьҭазаауеит, уи Аҧснытәи абиблиотека азинтә ҭынхара акәхоит, уи ҧасатәи асахьала еиҭашьақәгылаанӡа", - иҳәеит Гьаргь Кекелиӡе.

Апроект еицынарыгӡоит Амилаҭтә библиотекеи Аҧснытәи автономтә республика Иреиҳаӡоу Ахеилак аҿы иҟоу жәларбжьаратәи еизыҟазаашьақәеи, аҵареи, акультуреи ркомитети.
Print E-mail
Twitter
Ари aмaтериaлқәa
Аҧсни Гыртәылеи еимыздо ацҳаҿы уаҩ ишимбац ала ҭынчроуп.
13:36 / 03.06.2020
Аҧсни Гыртәылеи еимыздо ацҳаҿы уаҩ ишимбац ала ҭынчроуп.
Азакәанҧҵаратә дырраҭара инақәыршәаны, ашьауҕатә закәанеидкыла
аҧсахрақәа алагалоуп,
11:46 / 31.05.2020
Азакәанҧҵаратә дырраҭара инақәыршәаны, ашьауҕатә закәанеидкыла аҧсахрақәа алагалоуп,
Иахьа Жәыргьыҭтәи аботаникатә баҳча иҧшшәылоу аҧсыӡқәа ҳамҭас
арҭеит.
20:50 / 22.05.2020
Иахьа Жәыргьыҭтәи аботаникатә баҳча иҧшшәылоу аҧсыӡқәа ҳамҭас арҭеит.
Амультимедиa
Жәыргьыҭтәи афермер апандемиа аан ашәҭқәа шиҭиуа [афото]
Хышықәса ҵуеит афермер Леван Берулава, агазаниа, петуниа,
Алакә афырхацәа аниматорцәа рҭаацәара аҟынтә
Раҧхьаӡа акәны абгахәыҷы аформа ҟаиҵеит иӡҕаб хәыҷы ашьыжьқәгылара
Ақырҭуа ашә ажәытәтәи аҿыци ахкқәа Жәыргьыҭтәи ацәыргақәҵаҿы  [афото]
Апырпыл злоу ашә, еиуеиҧшм ахәсқәа рыла иҟаҵоу ашә, саҧерави иӡаашьу
Аботаникатә баҳча аартранӡа мызкы шагу [авидео]
Жәыргьыҭтәи аботаникатә баҳчаҿы аиҭашьақәыргыларатә усурақәа
Голландиатәи ашьынка арҧхарҭа Жәыргьыҭ [афото]
Жәыргьыҭ, Цаишьи ақыҭаҿ 65 шықәса зхыҵуа Гено Асаҭиани