Ажәaбжь ҿыцқәa
Иазҧхьагәашәҭароуп, ҳара импыҵахалоу арегион аҟынтәгьы апациентцәа ҳадаҳкылоит - Тикараӡе Рухтәи ахәышәтәырҭа иазкны
FaceBook Twitter
E-mail Print
Қырҭтәыла агәабзиарахьчара аминистр ишылҳәаз ала, Рухтәи ахәышәтәырҭа убас еибырҭоит, араҟа аҭыҧантәи ауааҧсыреи, иара убас, импыҵахалоу арегион аҟынтә апациентцәеи рыдкылара рылшаратәы. Аминистр лажәақәа рыла, уажәазы ахәышәтәырҭаҿы иҟоуп 11 аҧсыҧ лагаҩагаратә аппаратқәеи 25 аиарҭаҭыҧқәеи.

Ахәышәтәырҭа анылба ашьҭахь Екатерина Тикараӡе ажурналистцәа ишралҳәаз ала, амедицинатә усбарҭаҿы 200ҩык апацеинтцәа рыдкылара рылшоит, аҳақьымцәа ианрацәажәа ашьҭахь, амедперсонал шаҟа рҭахугьы еилкаахеит, ари азҵаарагьы рыӡбар акәхоит:

„Араҟа аусура иалаго аҭыҧантәи аҳақьымцәа ҳарҧылеит, проблемас иҟоу еилаҳкааит, аҳақьымцәа рызхом. Ари азҵаара ӡбатәыс иҳамоуп. Араҟа дыҟазаауеит агәабзиарахьчара аминистрра ахаҭарнак, иара ари апроцесс дацклаҧшуеит, ари аус аҿы изакәызаалак гхак ҳахьыр ҟалом.

Ахәышәтәырҭа аибыҭара наҳагӡоит, аҵыхәтәаны, араҟа 200ҩык раҟара апациентцәа рыдкылара ҳалшоит, абокстә палатақәа еиҿаҳкаауеит, апациентцәа дара ирҭаху ацхыраара роуеит. Иара убас, шәара хымҧада иазҧхьагәашәҭароуп импыҵахалоу арегион аҟынтә апациентцәагьы араҟа ишҳадаҳкыло, ҳәарада, ҳтәылауаа зегьы реиҧшҵәҟьа, даргьы иахәҭоу амедицинатә цхыраара роуеит“, - илҳәеит Екатерина Тикараӡе.

Иахьа аминистр, Аҧыза министр Гьаргь Гахариа дицны, Рухтәи ахәышәтәырҭа гәалҭеит.
Рухтәи ахәышәтәырҭа ахыркәшара изныкымкәа ихырҧан. Аханатә ишырҳәаз ала, ахәышәтәырҭа аргылара 2018 шықәсазы ихдыркәшар акәын, аха, нас, ахәышәтәырҭа апроект ҧсахрақәак аларгалан, аргылараттә усурақәа нагӡахоит ҳәа аарыцҳаит.

Апрофильқәа рацәа змоу Рухтәи ахәышәтәырҭа аргылара иалагеит 2014 шықәса жьҭааразы. Ауниверситеттә клиника 220ҩык апациентцәа рзы иазҧхьагәаҭоуп. Емерџьенси, ахшараиурҭатә блоки, аонкологиатә департаменти, ашьалаҵаратә амбулаториеи, адиалези - абри зегьы аҭыҧантәи ауааҧсыреи аҧсуааи араҟа ироур ирылшо амаҵзурақәа рыхәҭак ауп.

Ари апроект аҳәынҭқарратә биуџьет аҟынтә иазоушьҭын 41 миллион 264 нызқь лари.
Print E-mail
Twitter
Ари aмaтериaлқәa
Иахьа Жәыргьыҭтәи аботаникатә баҳча иҧшшәылоу аҧсыӡқәа ҳамҭас
арҭеит.
20:50 / 22.05.2020
Иахьа Жәыргьыҭтәи аботаникатә баҳча иҧшшәылоу аҧсыӡқәа ҳамҭас арҭеит.
Урыстәыла ала импыҵахалоу Аҧсны аруаа Хурча-Набакеви ампыҵахалатә
20:41 / 22.05.2020
Урыстәыла ала импыҵахалоу Аҧсны аруаа Хурча-Набакеви ампыҵахалатә
„Маргалур нинаш асоциациа“ [Агыруа бызшәа ассоциациа] агыруа
бызшәала раҧхьатәи ажурнал
11:11 / 13.05.2020
„Маргалур нинаш асоциациа“ [Агыруа бызшәа ассоциациа] агыруа бызшәала раҧхьатәи ажурнал
Амультимедиa
Жәыргьыҭтәи афермер апандемиа аан ашәҭқәа шиҭиуа [афото]
Хышықәса ҵуеит афермер Леван Берулава, агазаниа, петуниа,
Алакә афырхацәа аниматорцәа рҭаацәара аҟынтә
Раҧхьаӡа акәны абгахәыҷы аформа ҟаиҵеит иӡҕаб хәыҷы ашьыжьқәгылара
Ақырҭуа ашә ажәытәтәи аҿыци ахкқәа Жәыргьыҭтәи ацәыргақәҵаҿы  [афото]
Апырпыл злоу ашә, еиуеиҧшм ахәсқәа рыла иҟаҵоу ашә, саҧерави иӡаашьу
Аботаникатә баҳча аартранӡа мызкы шагу [авидео]
Жәыргьыҭтәи аботаникатә баҳчаҿы аиҭашьақәыргыларатә усурақәа
Голландиатәи ашьынка арҧхарҭа Жәыргьыҭ [афото]
Жәыргьыҭ, Цаишьи ақыҭаҿ 65 шықәса зхыҵуа Гено Асаҭиани