Ажәaбжь ҿыцқәa
Аҟәеи ҳареи аимадара ҳабжьоуп - Қеҭеван Цихелашвили
FaceBook Twitter
E-mail Print
Рухи ҳаныҟаз ишәасҳәеит арегион аҿы ари аинфраструктура аҵакы ду шамоу. Аҟәеи ҳареи еиуеиҧшым аканалқәа рыла аимадара ҳабжьоуп, - илҳәеит аинаалареи атәылауаҩратә аиҟарареи азҵаарақәа рзы Қырҭтәыла аҳәынҭқарратә министр Қеҭеван Цихелашвили "Нетгаҭеҭи" иалҭаз аинтервиу аҿы. Акорреспондент аминистр длазҵааит Аҧсны акоронавирус аҿагылара рылшом, ақырҭуа аган ари азҵаара иадҳәаланы де-факто анапхгара рҟны аусуеицура ргәы иҭоума ҳәа.

Қеҭеван Цихелашвили ишылҳәаз ала, уажәазы аӡәы ииҳәо акәӡам аус злоу. Иахьа апроблема ду рымоуп, ас еиҧш иҟгоу аҭагылазаашьаҿы аполитикатә аума даҽа гәаанагарак аума, изакәызаалак ҵакык амам.

"Ауаа рыҧсҭазаареи ргәабзиареи ауп ҳазлацәажәо. Аҵыхәтәантәи аамҭазы, адиалог алагара ахымҧадара иадҳәаланы дара рҟынтәи арационалтә шьҭымҭақәа ҟаҵан, ҳара изныкымкәа иаҵшьны иазгәаҳҭахьеит уи ҳшазыхиоу. Зыӡбахәы ҳәоу адиалоги аимадареи рышьақәырҕәҕәаразы акоронавирус аҿагылара аҵкыс иаҳа зҵакы дуу агуманитартә тема иҟоуп ҳәа сгәы иаанагом. Ари атема, ишиашоу, ауаа рыҧсҭазаареи ргәабзиареи иадҳәалоуп. Убри аҟынтә, шәара исышәҭаз азҵаара иаҳа инарҭбааны салацәажәар сҭахым, апроцесс ишазеиҕьша ала ҳхы мҩаҧаагароуп", - илҳәеит аминистр.

Қеҭеван Цихелашвили ишазгәалҭаз ала, ари аконтекст аҿы хымҧада иазгәаҭатәуп агәреибагара аиҭашьақәыргылара иазку апроектқәа рыбзоурала Аҧснытәи арегион амедицинатә персонал рҟны аимадара бзиа шышьақәгылаз. Ақырҭуеи аҧсуеи аҳақьымцәа реизыҟазаашьақәа бзиоуп, аусеицура иаҿуп. Иара убас, арегион аҿы аус зуа жәларбжьаратәи аиҿкарақәагьы ари апроцесс аҿы алагала ду ҟарҵоит, урҭ акыршықәса рыҩнуҵҟа еиуеиҧшым апроектқәа мҩаҧыргоит, агәабзиарахьчара аусхкгьы уахь иналаҵаны. Уи адагьы, ацәаҳәа шы қәҿиарала аус ауеит.

Агәабзиарахьчара аминистрраҿы ишырҳәаз ала, 2 - 3 мчыбжьы рыҩнуҵҟала Рухтәи аклиника Аҧснынтә апациентцәа рыдкыларазы ихиазаауеит.

Аҧсны аҭагылазаашьа ҷыда рыларҳәахьеит, де-факто анапхгара ишарыцҳаз ала, акоменданттә сааҭгьы аларгалар ҟалап. Аҟәа ишырҳәо ала, Аҧсны акоронавирус змоу апациентцәа рымам. Хәажәкыра 29 инаркны иахьанӡа, импыҵахалоу Галтәи араион Саберио ақыҭантә Жәыргьыҭҟа иаргеит 7ҩык апациентцәа.
Print E-mail
Twitter
Ари aмaтериaлқәa
Акоронавирус ахкҿыц апандемиа ианалага инаркны иахьанӡагьы,
23:27 / 27.11.2020
Акоронавирус ахкҿыц апандемиа ианалага инаркны иахьанӡагьы,
Covid-19 аҿагылара аан, егьырҭ авирусқәа рыҿагылара аан еиҧшҵәҟьа,
11:13 / 23.11.2020
Covid-19 аҿагылара аан, егьырҭ авирусқәа рыҿагылара аан еиҧшҵәҟьа,
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала