Ажәaбжь ҿыцқәa
Аурыс аруаа Хурча-Набакеви ампыҵахалатә цәаҳәаҿы аихатә ҭелқәа реиҵыхра еиҭалагеит
FaceBook Twitter
E-mail Print
Урыстәыла ала импыҵахалоу Аҧсны аруаа Хурча-Набакеви ампыҵахалатә цәаҳәаҿы аихатә ҭелқәа реиҵыхра еиҭалагеит. Уаанӡа ари апроцесс мҩаҧысуан Ҵаленџьиха араион иаҵанакәа Ҧахулани ақыҭа иаҧну импыҵахалоу Саберио ақыҭаҿы.

Жәыргьыҭтәи амуниципалитет Хурча ақыҭаҿ инхо ареспондент „Лаивпресс“ акорреспондент ишлеиҳәаз ала, Набакеви ақыҭаҿ аурыс аруаа, иҧхасҭахаз ажәытә ашьаҟақәеи аихатә ҭелқәеи аҿыцқәа рыла ирыҧсахуазар ҟалап. Иара иажәақәа рыла, еиуеиҧшым араионқәа рҿы, етапла ампыҵахалатә цәаҳәа ирҿыцны идырҕҕәоит.

Хурча-Набакеви ампыҵахалатә цәаҳәаҿы аихатә ҭелқәа. Афото: "Лаивпресс"

„Хурча-Набакеви ампыҵахалатә цәаҳәаҿы иҧхасҭахаз ма иҧҵәаз аихатә ҭелқәа рыҧсахуеит. Акыршықәса рыҩнуҵҟала аҭел ҧхасҭамхои. Зны-зынла ажә иҧхасҭанатәоит, зны-зынла аӡә цасҳәа иҧиҟоит. Ҧаса, ауаа маӡала ианиасуаз, Набакеви инеирц азыҳәан, цасҳәа иҧырҟон. Сгәарантә исбарҭан аҭел ҿыцқәа шеиҵырхуаз. Зны ашьаҟақәеи аҭелқәеи ааганы ишьарҵон, нас 3 - 4 мшы ианымаауазгьы иҟан. Хәыҷы-хәыҷла иҟарҵон“, - иҳәеит Хурчатәи ареспондент, иара иҳәара нагӡаны, ихьӡ ҳҳәом.

Ареспондент ишиҳәаз ала, аҭелқәа реиҵыхра адагьы, ауаа административтә аҳәаа ахысра рылымшарц азыҳәан, импыҵахалоу Набакеви ақыҭаҿ, ампыҵахалатә цәаҳәа инаваршәны ажрақәа ржит.

Импыҵахалоу Набакеви ақыҭаҿ аихатә ҭелқәа рырҿыцра афакт шьақәдырҕәҕәеит Аҳәынҭқарратә шәарҭадара амаҵзураҿы. Уаантәи „Лаивпресс“ ишазаарыцҳаз ала, „импыҵахалоу Аҧсны ахырхарҭала, Жәыргьыҭтәи амуниципалитет Хурча ақыҭа иаҧну имыпҵахалоу аҵакырадгьыл аҿы, ампыҵахалатә мчқәа закәандарала абордеризациа апроцесс мҩаҧыргоит, ҧаса иҟаз аҭелтә ҧынгылақәа рыҧсахит. Ари афакт иадҳәаланы, ацәаҳәа ҷыда аусура иалагахьеит, Евроеидгыла анаҧшцәа рмиссиаҿы адырра роухьеит. Азакәандаратә бордеризациа аҭыҧаҿы ашәарҭадаратә ҭагылазаашьеи аҭыҧантәи ауааҧсыра рыҧсҭазаашьеи иаҧырхагоуп“, - аарыцҳаит Аҳәынҭқарратә шәарҭадара амаҵзура аҟынтәи.

Саберио-Ҧахулантәи ампыҵахалатә цәаҳәа. Афото: арадио Ахақәиҭра

Иҳаҩсыз амчыбжь азы, де-факто ареспублика аҳәаахьчаҩцәа, Ҵаленџьиха амуниципалитет иаҧну импыҵахалоу Саберио ақыҭаҿ аихатә ҭелқәа рырҿыцра иалагеит. Импыҵахалоу Саберио ақыҭаҿ инхо ауааҧсыра „Лаивпресс“ акорреспондент ишларҳәаз ала, ауаа уезгьы аиҭаҵра азин ахьрымамыз аҳәааҿы ахылаҧшра иаҳа идырҕәҕәеит.

Аҧсны – Гыртәылатәи ампыҵахалатә цәаҳәаҿы 2017 шықәсанӡа аужьҭратә 4 пунктк иҟан - Ергы ацҳаи, Хурча-Набакевии, Отобаиа-Орсантиеи, Саберио-Ҧахулании. Абарҭ апункқәа рыла есымша шәҩыла ауааҧсыра административтә аҳәаа иахысуан.

2017 шықәса инаркны, де-факто анапхгара, абарҭ апунктқәа реиҳара адыркит. Жәыргьыҭтәи амуниципалитет ааигәара Егры ацҳаҿ иҟоу апункт мацара аанрыжьит, Ҵаленџьиха азааигәара аус ауан Саберио – Ҧахулантәи апункт. Аха, апандемиа амшала, 2020 шықәса хәажәкыра 14 инаркны, де-факто анапхгара, абарҭ апунктқәагьы адыркит.
Print E-mail
Twitter
Ари aмaтериaлқәa
Сынтәa Гaли Ахaлгори рҟынтәи 360ҩык aбитуриентцәa Қaрҭтәи иреиҳaӡоу
aҵaрaиурҭaқәa
11:11 / 10.07.2020
Сынтәa Гaли Ахaлгори рҟынтәи 360ҩык aбитуриентцәa Қaрҭтәи иреиҳaӡоу aҵaрaиурҭaқәa
Нaнҳәaзы Анaклиa имҩaҧысуеит aелектронтә музыкa aфестивaль «Лиси
aиленд».
13:21 / 09.07.2020
Нaнҳәaзы Анaклиa имҩaҧысуеит aелектронтә музыкa aфестивaль «Лиси aиленд».
Импыҵaхaлоу aҵaкырaдгьылқәa ирықәынхо aбитуриентцәa Қырҭтәылa
иреиҳaӡоу
10:18 / 08.07.2020
Импыҵaхaлоу aҵaкырaдгьылқәa ирықәынхо aбитуриентцәa Қырҭтәылa иреиҳaӡоу
Аҧсни Гыртәылеи еимыздо ацҳаҿы уаҩ ишимбац ала ҭынчроуп.
13:36 / 03.06.2020
Аҧсни Гыртәылеи еимыздо ацҳаҿы уаҩ ишимбац ала ҭынчроуп.
Амультимедиa
Ишәҳaрдыруеит aботaникaтә бaҳчa иaхылaҧшуa aуaaҧсырa [aфото]
Аботaникaтә бaҳчa aaдыртуеит шьыжьымҭaн aсaaҭ 6 рзы, нaс aусзуҩцәa
Жәыргьыҭтәи афермер апандемиа аан ашәҭқәа шиҭиуа [афото]
Хышықәса ҵуеит афермер Леван Берулава, агазаниа, петуниа,
Алакә афырхацәа аниматорцәа рҭаацәара аҟынтә
Раҧхьаӡа акәны абгахәыҷы аформа ҟаиҵеит иӡҕаб хәыҷы ашьыжьқәгылара
Ақырҭуа ашә ажәытәтәи аҿыци ахкқәа Жәыргьыҭтәи ацәыргақәҵаҿы  [афото]
Апырпыл злоу ашә, еиуеиҧшм ахәсқәа рыла иҟаҵоу ашә, саҧерави иӡаашьу
Аботаникатә баҳча аартранӡа мызкы шагу [авидео]
Жәыргьыҭтәи аботаникатә баҳчаҿы аиҭашьақәыргыларатә усурақәа