Ажәaбжь ҿыцқәa
Аусбарҭабжьаратә координациатә хеилак аӡбара ала, хымчыбжь аҿҳәарала аҧкрақәак шьақәгылазаауеит
FaceBook Twitter
E-mail Print
Қырҭтәылагьы, адунеи аҿгьы аепидемиологиатә ҭагылазаашьа аицәахара атенденциа анализ азуны, Аусбарҭабжьаратә координациатә хеилак аҧкрақәа рышьақәыргыларазы аӡбара аднакылеит.

Аҧыза-министр Иракли Ҕарибашвили инапхгарала иахьа аиҳабыра русмҩаҧгарҭаҿы имҩаҧгаз аилатәараҿы ишазгәаҭаз ала, адунеи зехьынџьара еиҧшҵәҟьа, Қырҭтәылагьы аштамм ҿыцқәа (Дельта аштамм) рциркулиациа амшала аепидемиологиатә ҭагылазаашьа уадаҩуп. Аепидемиологиатә арбагақәеи атенденциақәеи анализ рзуны, аиммунизациа апроцесс активла ишымҩаҧысуагьы, Акоординациатә хеилак алахәылацәа ифармацевтикам интервенциа мҩаҧгатәуп ҳәа ирыӡбеит.
Аусбарҭабжьаратә координациатә хеилак аӡбара ала, нанҳәа 14 инаркны цәыббра 4-нӡа, хымчыбжь рыҩнуҵҟа амч рымазаауеит абарҭ аҧкрақәа:
• амуниципалтә транспорт аусура ҧкызаауеит. Ақалақьбжьаратә транспорт абри аҧкра адкьыслом;

• иарбанзаалак афестивальқәеи, агәырҿыхаратә уснагӡатәқәеи, аконцертқәеи, аспорттә аицлабрақәеи рымҩаҧгара ҟалом;

• ахәыҷтәы агәырҿыхаратә центрқәа аусура азин рымам;

• акрыфаратә обиектқәа, ҵхыбжьон асааҭ 00:00 ацынхәрас, асааҭ 23:00-нӡа аусура азин рымоуп;

• аҳәынҭқарратә усбарҭақәа адҵа роуит русзуҩцәа, излауа ала, анахаралатә усуратә режим ашҟа ииаргарц, Акоординациатә хеилак абри аҩызаҵәҟьа абжьагара ҟанаҵоит хазхаҭалатәи аусураҭаҩцәа рзгьы;

• авакцинациа апроцесс излауа ала арҭбаареи аманшәалара аизырҳареи амзызла, алаҵақәа рыҟаҵара апроцесс рхы аладырхәоит арратә ҳақьымцәа рыла еиҿкаау абригадақәа; амуниципалтә транспорт аусура аҧкра иадҳәаланы, аҳәынҭқарра, алаҵақәа ахьыҟарҵо ахадаратә усбарҭақәа рахь еиҧҟьарада ауааҧсыра рымҩангара еиқәнаршәоит;

• авакцинациа апроцесс излауа ала арҭбаареи аманшәалара аизырҳареи амзызла, алаҵақәа рыҟаҵара апроцесс рхы аладырхәоит арратә ҳақьымцәа рыла еиҿкаау абригадақәа; амуниципалтә транспорт аусура аҧкра иадҳәаланы, аҳәынҭқарра, алаҵақәа ахьыҟарҵо ахадаратә усбарҭақәа рахь еиҧҟьарада ауааҧсыра рымҩангара еиқәнаршәоит;

• • амч змоу арегулиациақәа рықәныҟәара апроцесс излауа ала идырџьбароит, урҭ рыбжьара, ачарақәеи аҧсхәарақәеи уҳәа, асоциалтә уснагӡатәқәа зегьы рымҩаҧгаразы ишьақәыргылоу аҧкрагьы уахь иналаҵаны. Зыӡбахәы ҳәоу асоциалтә уснагӡатәқәа рымҩаҧгаразы, аобиектқәа 10 нызқь лари ахараҧса рықәырҵоит, аҩынтәраан апҟара аилагаразы - аобиект адыркуеит;

• иара убас, Акоординациатә хеилак иахьатәи аилатәараҿы, Ачымазарақәа рхылаҧшра амилаҭтә центр анапхгаҩы, абжьагара ҟаиҵеит цәыббра инаркны, акрыфаратә обиектқәеи, спа салонқәеи, афитнесклубқәеи, урҭ иреиҧшу аобиектқәеи рахь ауаа нарышьҭарц алаҵак ма авакцинациа акурс наӡеи, аҵыхәтәантәи 72 сааҭ рыҩнуҵҟала иҟаҵоу Pჩღ атест ма аҵыхәтәантәи 24 сааҭ рыҩнуҵҟала иҟаҵоу антиген азы атест лас иҵоурам аҭаки ашьаҭа мацарала. Ахеилак алахәылацәа абри азҵаара иахәаҧшны, ирыдыркыло аӡбара ажәлар ирыларҳәоит.

Қырҭтәыла акоронавирус раҧхьатәи афакт анаарҧшыз инаркны иахьанӡа, атәылаҿы акоронавирус адиагноз рзышьақәырҕәҕәоуп 466 326-ҩык, урҭ рҟынтә 412 420-ҩык ачымазара иалҵит, 6 279-ҩык апациентцәа иҧсит.
уажәазы акарантин аҿы иҟоуп 64ҩык, аклиникатә сасааирҭақәа рҿы - 3 288-ҩык, астационар аҿы - 6 627-ҩык апациентцәа.

Аҧыза-министр инапхгарала аус зуа Аусбарҭабжьаратә координациатә хеилак аусура активла иалахәып Қырҭтәыла апарламенти атәыла ахада лусмҩаҧгарҭеи.
Print E-mail
Twitter
Ари aмaтериaлқәa
2020 шықәсазы арҵаҩы имилаҭтә ҳамҭа лоуит
12:44 / 08.10.2020
2020 шықәсазы арҵаҩы имилаҭтә ҳамҭа лоуит
Қириаа рҭаацәара есышьыжь иангылалак, ашәҭқәа рхылаҧшра иалагоит.
15:58 / 30.09.2020
Қириаа рҭаацәара есышьыжь иангылалак, ашәҭқәа рхылаҧшра иалагоит.
Акоронавирус

Асоветтә репрессиақәа
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала