Aмультимедиа
Аихатә ҭелқәа рыла еиҟәшоу аҧсы иуацәа [афото]
FaceBook Twitter
E-mail Print
Абри ақыҭаҿы абарҭ ауаа рыгәҭа схәыҷра зегьы мҩаҧызгеит, - илҳәеит Нани Узарашвили, уи Аҧсны - Гыртәылатәи ампыҵахалатә цәаҳәаҿы дгыланы, харантә алахьеиқәҵаратә процессиа дахәаҧшуеит.

Бжьышықәса илымбац лаб иашьеиҧа дшырҵәыуа дахәаҧшуеит, лхәыҷра зегьы иара дицны, Игры аӡхықә аҿы имҩаҧылгеит. Лхаҭа Жәыргьыҭтәи амуниципалитет иаҵанакуа Орсантиа ақыҭаҿ дыҟоуп, аҧсы анышә дарҭоит Галтәи араион иаҵанакуа Отобаиа ақыҭаҿы. Лхәыҷраан ишыҟаз еиҧш акәымкуа, уажәазы абарҭ ақыҭақәа еиҟәызхо Игры аӡиас ахысра мариам.

Нани Узарашвили ацәажәара даҟәыҵит. Амра лҧырхагоушәа лнапы лылахь иақәылҵеит, ҧшьала лылаҕырӡқәа лрыцқьоит. Авидеокамерақәа рҿы дубарҭахар лҭахым. Ақырҭуа медиа ахаҭарнакцәа аихатә ҭелқәа рыла еиҟәшоу ауаа рыҧсы дшырҵәыуа ахьҭырхуа уамашәа илбом. Метрқәак мацароуп зыҧсы дызҵәыуа лыуа гәакьацәеи лареи ирыбжьоу.

Лыбжьы рхәыҷны ишылҳәаз ала, уажәы уаҟа дыҟазар даараӡа илҭахуп - „Изакәытә ҧсҭазаароузеи? Исзеилкаауам, абас изыҟалеи“, - дҵаауеит Нани, егьы аганынтә илыхәаҧшуа луацәа лнапы шьҭыхны аҧсшәа ралҳәоит.

Нани Узарашвили ампыҵахалатә цәаҳәа ахысразы иаҭаху адокументқәа лымам. Лхаҭагьы импыҵахалоу Орсантиа дынхон, аха ахҵәас даныҟала ашьҭахь уахь дымнеиӡацт.

Игры ацҳаҿы лара илыцыз егьырҭ луацәагьы аҧсуа паспорт, аформа аномер жәба, мамзаргьы аамҭала анхара азин зыршҳаҭуа адокумент рымамызт. Абарҭ адокументқәа змоу ауаа, иахьа уадаҩрала Гыртәыла - Аҧснытәи административтә аҳәаа иахысуеит.
Нани Узарашвили, адокументқәа ахьлымам амшала, уажәааны лан лыҧсыжрашҟагьы дзымнеит. „Лнышәынҭра ахьыҟоугьы сыздырӡом“, - илҳәеит лара.

Алахьеиқәҵаратә процессиа амҩа ахаҵәирҭа иҭалеит. Аӡәгьы дубарҭам, аха Нани Узарашвилии луацәеи абарҭ аҩ-қыҭак еимыздо, аихатә ҭелқәа рыла еиҟәшоу ацҳаҿы уажәгьы игылоуп. Аҳәса аҵәыуара иаҿуп, ахацәа, аҵәцақәа аанкыланы, гәыкала бзиа ирбоз ауаҩы аҵыхәтәантәи имҩа рныҳәоит. Ажурналистцәа инрываргыланы, абри зегьы иахәаҧшуан аполициа аусзуҩцәеи ақыҭауааи. Урҭ абри зегьы уамашәа ирбом.

„,Абраантәи (Орсантиантә) Отобаиатәи анышәынҭра зынӡаск иааигәоуп. Убри аҟынтә аҧсы еснагь абри амҩала дыргоит. Абраантә ари апроцесс ибзианы иубарҭоуп. Уахь изымнеиуа ауацәа абраантә иахәаҧшуеит“, - иҳалҳәеит Орсантиа инхо ҧҳәыск, уи лыхьӡ лҳәар лҭахымхеит, избанзар Галҟа лассы-лассы дцалоит. Ишылҳәаз ала, адокументқәа лымоуп, убри аҟынтә, уадаҩрада диасуеит.

Аҧсны - Гыртәылатәи ампыҵахалатә цәаҳәа мышкала шәҩыла ауааҧсыра иахысуеит. Аофициалтә анашьҭратә пункт Игры ацҳа аҿоуп иахьыҟоу. Уаҟа ауаа рдокументқәа гәарҭоит де-факто ареспублика аҳәаахьчаҩцәа. Урҭ рыхәҭак иҧсуаауп, егьырҭ аурыс аруаа роуп.

Уаанӡа, Игры ацҳа инаваргыланы, Аҧсны - Гыртәылатәи аҳәааҿы егьырҭ анашьҭратә пунктқәагьы иҟан, Хурча - Набакевии, Саберио - Ҧахулании, Отобаиа - Орсантиеи агәаҭара-аужьҭратә пунктқәа. 2016 шықәса инаркны, де-факто анапхгара, ампыҵахалатә цәаҳәа иаҳа еиҕьны ахылаҧшра амзызла, етапла, абарҭ апунктқәа дыркит.
Print E-mail
Twitter
Ари aмaтериaлқәa
Хышықәса ҵуеит афермер Леван Берулава, агазаниа, петуниа,
01:40 / 12.04.2020
Хышықәса ҵуеит афермер Леван Берулава, агазаниа, петуниа,
Раҧхьаӡа акәны абгахәыҷы аформа ҟаиҵеит иӡҕаб хәыҷы ашьыжьқәгылара
17:39 / 05.03.2020
Раҧхьаӡа акәны абгахәыҷы аформа ҟаиҵеит иӡҕаб хәыҷы ашьыжьқәгылара
Апырпыл злоу ашә, еиуеиҧшм ахәсқәа рыла иҟаҵоу ашә, саҧерави
иӡаашьу
19:40 / 27.11.2019
Апырпыл злоу ашә, еиуеиҧшм ахәсқәа рыла иҟаҵоу ашә, саҧерави иӡаашьу
Жәыргьыҭтәи аботаникатә баҳчаҿы аиҭашьақәыргыларатә усурақәа
10:52 / 15.10.2019
Жәыргьыҭтәи аботаникатә баҳчаҿы аиҭашьақәыргыларатә усурақәа
Акоронавирус

Асоветтә репрессиақәа
Ажәaбжь ҿыцқәa
Аҧсни Гыртәылеи еимыздо ацҳаҿы уаҩ ишимбац ала ҭынчроуп.
Азакәанҧҵаратә дырраҭара инақәыршәаны, ашьауҕатә закәанеидкыла аҧсахрақәа алагалоуп,
Иахьа Жәыргьыҭтәи аботаникатә баҳча иҧшшәылоу аҧсыӡқәа ҳамҭас арҭеит.
Амультимедиa
Жәыргьыҭтәи афермер апандемиа аан ашәҭқәа шиҭиуа [афото]
Хышықәса ҵуеит афермер Леван Берулава, агазаниа, петуниа,
Алакә афырхацәа аниматорцәа рҭаацәара аҟынтә
Раҧхьаӡа акәны абгахәыҷы аформа ҟаиҵеит иӡҕаб хәыҷы ашьыжьқәгылара
Ақырҭуа ашә ажәытәтәи аҿыци ахкқәа Жәыргьыҭтәи ацәыргақәҵаҿы  [афото]
Апырпыл злоу ашә, еиуеиҧшм ахәсқәа рыла иҟаҵоу ашә, саҧерави иӡаашьу
Аботаникатә баҳча аартранӡа мызкы шагу [авидео]
Жәыргьыҭтәи аботаникатә баҳчаҿы аиҭашьақәыргыларатә усурақәа
Голландиатәи ашьынка арҧхарҭа Жәыргьыҭ [афото]
Жәыргьыҭ, Цаишьи ақыҭаҿ 65 шықәса зхыҵуа Гено Асаҭиани