Aмультимедиа
Алакә афырхацәа аниматорцәа рҭаацәара аҟынтә
Раҧхьаӡа акәны абгахәыҷы аформа ҟаиҵеит иӡҕаб хәыҷы ашьыжьқәгылара анлымаз. Нас, асыраӡыц, аҵанқәа, Ани Елзеи, алакә егьырҭ афырхацәа. Иахьа иҧҳәыси иареи анимациақәа рфырхацәа ҟарҵоит. Уаанӡа иҟасҵахьоу афырхацәа зегьы гәыкала ибзиа избоит ҳәа иҳәеит.

Занааҭла аспорт арҵаҩы, ахәыҷқәа зегьы, рықәра иахьыҧшымкәа, дырҩызоуп, рҳәатәы еиқәшәоит, абри адоуҳатә аизааигәара аусура аҿгьыы ицхраауеит.

40 шықәса зыхҵуа Нукри Габрава ари аус инапы аиркит шықәсқәак раҧхьа. Зны, аперсонаж дҭихуеит, нас, игәылҧҟаны, иара иҭаху аформа аҭаны, аба акәиршоит. Абас, ахәыҷқәа иргәаҧхаша аформақәа аҧиҵоит. Ари аус аҿы иҧҳәыс длыцхраауеит.

Афырхацәа рхаҿсахьақәа иара ихала иаҧиҵоит, амаҭәа лӡахуеит Манон Шерозиа. Рхылҵгьы, 11 шықәса зхыҵуа Марии 10 шықәса зхыҵуа Никушеи аусуратә процесс активла иалахәып. Акостиумқәагьы дара ргәаанагара иазҧхьагәаҭаны ауп ишыҟарҵо.

Хаҵеи ҧҳәыси русумҭақәа зхы иазырхәо ауаа рацәоуп. Бжеиҳарала, қьырала иргоит, зны-зынла аҿаҵатәқәагьы роуеит. Ахәыҷқәа зегьы реиҳа алакәқәа рфырхацәа ргәаҧхоит, аныҳәамшқәа инрықәыршәаны акостиумқәа рӡахуеит. Ашықәс ҿыц азы асыраӡыц, аҵанқәа, Ани Елзеи, аҧстәқәа. Ааҧынразы ашәҭқәа рформақәеи ацкқәеи рӡахуеит. Нукри, ашкол адагьы, аниматорс аус иуеит. Иара ауаа ргәалаҟазаара ҟаиҵар иҭахуп, уи иҧсҭазаашьатә пҟараны иҟалеит. Ахәыҷқәа дышрацәажәаша, ргәы шыҟаиҵаша идыруеит.

"Лаивпресс" акорреспондент данлацәажәоз игәалаиршәеит аинтернети ауаа бзиақәеи рыцхыраара ала раҧхьаӡа акәны абагахәыҷы аформа шыҟарҵаз. Нас, ари аус иазҿлымҳахан, уажәазы ахәыҷқәа ирҭаху иарбан формазаалак, уадаҩрада иҟарҵоит. Костиумк аӡахразы, инақәырҧшны, 150 лари аҭахуп. Аха акостиум ахә анимациатә персонажи, аба ахки, акостиум адуреи ауп изхьыҧшу.

Нукри Габрава иҧҳәыс Манон Шерозиа ишылҳәаз ала, хышықәса раҧхьа егьырҭ ауааҧсыра аформақәа рыҟаҵараҿы дрыцхраауан, нас, лара лхаҭа ари аус лнапы алылкырц лыӡбеит. Лхәыҷраахыс аӡахреи ажәытә маҭәақәа рырҿыцреи дазҟазан. Лхала илҵеит, аӡәгьы длыцхрааӡомызт. Аҧышәа бзиа лоун, аусура лзымариахеит.

"Схаҵеи сареи аус еицаауеит, ахәыҷқәа ргәы ҳарҿыхоит. Ҩыџьа ахәыҷқәа сымоуп, ргәы иаахәаша ак ҟасҵар сҭахын. Ари аус алагара еицыҳаӡбеит. Ҳара афырхацәа ҷыда ҟаҳҵоит, егьырҭ ас еиҧш иҟоу афырхацәа рымам, убри аҟынтә, лассы-лассы аҿаҵатәқәа ҳарҭоит. Ари аус ахарџь ацуп. Убри аҟынтә, ҳара иаҳҭаху ҳзыҟаҵом, иҳалшо ауп иҟаҳҵо, аха, ҳусура ҳарҭбаар ҳҭахуп", - иҳалҳәеит Манон Шерозиа.

Ахәыҷқәа аҿаҵа цыҧхьаӡа аҟынтә 10 лари роуеит. Мариам ишылҳәаз ала, Ашықәс Ҿыц азы 200 лари аҟара еизырган, дара рхашәалахәы ишырҭахыз еиҧш инырхит. Зны-зынла раб аинтерес зҵоу аидеиақәа ирҭоит. Аҿаҵа анырго, лашьеи лареи, гәахәара ду ала раб ицны ицоит.

"Ашықәс ҿыц азы ельфқәа рформақәа ҳашәҵаны ҳицын. Ҳхәыҷқәоуп, ахәыҷқәа ауаа ргәырҿыхара иаҳа ирзыманшәалоуп ҳәа сгәы иаанагоит", - иҳалҳәеит Мариам. Ҳаҧхьаҟа ари аҭаацәара рус иаҳа идырҭбаар рҭахуп. Жәыргьыҭ еиқәыршәоу асервисқәа иреиҧшым ахәыҷтәы агәырҿыхаратә центр аадыртыр рҭахуп.