Aмультимедиа
Рухи ақыҭан иҟоу ашьхааӡаратә нхамҩеи „Аҳҧҳәыс цәыш” араҧтәи аҧеиҧши
FaceBook Twitter
E-mail Print
Жәыргьыҭ, аҳәаа иаҧну Рухи ақыҭан ашьхааӡаратә нхаҩма еиҿкаауп. Импыҵахалоу Аҧсны иазааигәаӡаны. Уаҟа 200 раҟара ашьхымӡақәа иҟоуп. Аҭыҧаҿы иҟарҵо ацха иазҿлымҳахеит араҧтәи атәылақәа. Ҟатар аҳҭнықалақь Доҳаҟа аекспорт иалагахьеит, егьырҭ аҳәынҭқаррақәа рышҟа ацха агаразы аиқәшаҳаҭрақәа реиқәыршәара иаҿуп. "Аҳҧҳәыс цәыш" ахьӡала идыру анхамҩа анапхгара азылуеит 25 шықәса зхыҵуа Ҭамар Кварацхелиа.

Ҩышықәса раҧхьоуп Ҭамар аҭаацәаратә бизнес даналагаз. Абри аус хҭыск абзоурала дазҿлымҳахеит. Усҟан атуристтә еилахәыраҿы аус луан. Ҽнак, лҩыза, атәым студент илеиҳәеит ақырҭуа ацха аахәаны агьама анызба, уи шыцқьаз агәра сзымгеит ҳәа. Ҭамар, аҩны иҟарҵоз ацха цқьа ҳамҭас илҭеит. Атурист иаб абри ацха убас исгәаҧхеит, Ҭамар, иҧсадгьылахь, Саудтәи Аравиаҟа игарцаз ицегьы ацха илҭеит. Хара имгакәа, ацха асахьақәа Инстаграмм аҿы ицәырылгеит. Убри ашьҭахь аҿаҵақәа лоуа далагеит. Нас, абри аус лнапы алыркын, лара лхаҭа амаркетинг ахырхарҭала аусура далагарц лыӡбеит.

Лбизнес аофициалтә сахьа аиуит 2019 шықәса анҵәамҭазы, убасҟан аофициалла ашәҟәы иҭагалан. Аханатә "Рухи 2" акәын иҟаз, нас, абренд аӡыргаразы даҽа хьӡык амазар еиҕьуп ҳәа илыҧхьаӡеит. Абас ауп "Аҳҧҳәыс цәыш" шаҧҵаз – ақырҭуа ашьхыц цәыши уи аҳҧҳәыси.

Хара имгакәа, ажьырныҳәазы, Ҟатар аҳҭнықалақь Доҳа имҩаҧысуаз афестиваль аҟынтә ааҧхьара лоит, абри ауснагӡатә иалахәын 124 ҳәынҭқарра. Лара лаалыҵ даараӡа иргәаҧхеит. Уахь иналгаз ацха зегьы мчыбжьык ала илҭиит. Усҟан Доҳашҟа иргеит аминдали, арасеи, акакани злаз ацха. Аҧхынразы абри аҩыза ацха аҟаҵара далагарц лгәы иҭоуп. Аинвестор Доҳа ақырҭуа ацха адәқьан аартра лыдигалеит, аха, апандемиа амшала, абри аус ихырҧан.

Акоронавирус шыҟоугьы, ацха аҭира иаҿуп. Адунеи аҿы аҭагылазаашьа анеиҕьха, аекспорт ахырхарҭалагьы аусура иалагеит. Аҧхынразы 80 кьыла ацха Доҳашҟа идәықәырҵеит, анеҩс, иҵегьы 600 кьыла. Уажәазы Саудтәи Аравиеи Баҳреини рҟны аиҿцәажәарақәа мҩаҧыргоит. Аиқәшаҳаҭра адкыларанӡагьы инеихьеит. Мшаҧы азы аинвестор Қырҭтәылаҟа даараны дыҟоуп. Егьырҭ аҳәынҭқаррақәа рҟынтәгьы ажәалагалақәа лымоуп, аха, еиқәшаҳаҭхаанӡа, урҭ рылацәажәара лҭахым.

"Ҳацха агьама даараӡа иргәаҧхоит. Ҷыдала араҧтәи атәылақәа рҿы. Абанка ахҩа анахырхлакҵәҟьа, ацха афҩы хаа раҳауеит. Ҳара иҟаҳҵо ацха еснагь ахаҭабзиара ҳаракуп. Агәабзиара иаҧырхагоу антибиотикқәа ҳхы иаҳархәом. Ачыстә ацҵатәқәа аҳҭом. Ацха цқьазарц азыҳәан, ашьхыцқәа рхатә базаҿы аус руроуп", - иҳалҳәеит Ҭамара.

Иахьа, асоциалтә аҳа ала, Қырҭтәыла арегионқәа зегьы рҿы лаалыҵ лҭиуеит. Кьылак ацха 30 лари иаҧсоуп.

Рухи инаваргыланы, Џьихашькаригьы Ҵаленџьихагьы ашьхымӡқәа лымоуп. Инеизакны, лынхамҩаҿ 400 раҟара ашьхымӡақәа иҟоуп. Анхамҩаҿы 10ҩык аус руеит, шықәсык ала 8 тоннанӡа ацха роуеит.

Ҭамар Кварацхелиа ишылҳәаз ала, лара аҳәаа иаҧну ақыҭа далҵит, абри зегьы Аҧсны ааигәара ауп иахьыҟоу, уи лара лзы иаҵанакәа рацәоуп.

"Аҳҧҳәыс цәыш" аҿы аус иуеит 32 шықәса зхыҵуа Лери Гучуагьы. Ацха бзиа уоурц азыҳәан, ашьхааӡаҩы бзиа думазароуп, ахәшә бзиақәа умазароуп, антибиотикқәа шалхтәу удыруазароуп, ашьхыцқәа ахәшә анруҭаша, ишруҭаша удыруазароуп ҳәа лҳәеит. Ҵыҧх атәыла зехьынџьара ашьхааӡарҭақәа азарал ду рыман, ларгьы убасҵәҟьа акәын дшыҟаз, избанзар, ҧырхагара злоу амаҵақәа ишырҿагылашаз цқьа ирыздырӡомызт. Уажәы абри аҩыза агха лыхьыр лҭахым.

Лери бжьышықәса ашьхааӡара даҿуп. Аханатә, анхамҩаҿы 3 шьхымӡак мацара рыман. Нас, абанк рыцхраан, рынхамҩа дырҭбааит. Раарыхра иҵегьы идырҭбаар рҭахуп.

Ашьхаааӡаратә нхамҩа ашьҭахь Аҧсны шьҭоуп. Ишылҳәаз ала, ақырҭуа ашьхааӡаҩцәа, аиҿкаарақәа импыҵахалоу аҵакырадгьыл аҿы ашьхымӡақәа змоу аҭаацәарақәа ирыцхраар бзиоуп. Лара лажәақәа рыла, арҭ ауаа рбизнесгьы апандемиа амшала азарал ду аиуит, избанзар ирҭаху ахәшәқәа раахәаразы Жәыргьыҭҟа изаауам, убри амшала рышьхыцқәа ҧсит. Иара убас, ироуа ацхагьы ахьырҭиша рымам.
Print E-mail
Twitter
Ари aмaтериaлқәa
Апандемиа амшала анахарала имҩаҧысуаз аҵаратә процесс иахьа,
09:12 / 19.10.2021
Апандемиа амшала анахарала имҩаҧысуаз аҵаратә процесс иахьа,
4 октября, в школьных зданиях возобновился учебный процесс,
11:48 / 12.10.2021
4 октября, в школьных зданиях возобновился учебный процесс,
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала