Aмультимедиа
Абизнеси атерапиеи апандемиа аан - ахәдахаҵақәа Анеи Есмеи рҟынтә
FaceBook Twitter
E-mail Print
Зегьы рыла еиҿкаау, еиқәышәшәа иҟоу ауадаҿы аӡахыга машьынеи амаркатыл ала ахсаалага асареи абжьы, мамзаргьы абҕьыцқәа рхьарчбжьы уаҳауеит. Абраҟа, уажәшьҭа имазеиу, мамзаргьы макьана ихыркәшам ахәдахаҵақәа аҵыхәтәантәи рдетальқәа аус рыдырулоит. Аннеи Есмеи ишырҳәо ала, апандемиа аан, уажәааны напыла зыҟаҵара иалагаз ахәдахаҵақәа дара рзы ахобии ауп, аха, ишубарҭоу ала, абри аус ахобби аҳәаақәа ирҭыҵит.

Абри аҭоурых абас ауп ишалагаз - знык, Ана, лара лхазы ахәдахаҵа лӡахырц лыӡбеит. Аусурантә даныхынҳәы аҩны аба ҧшааны, аӡахра иазҟазоу лан длыцхаарц длыҳәеит. Ишылҳәыз ала, ахсаалага асарагьы лыздырӡомызт, аха, лхәыҷраахыс илбон лан лнапаҿы аба еиуеиҧшым аформақәа шаиуаз. Раҧхьатәи лусумҭа апатреҭ ҭыхны, асоциалтә аҳа ианылҵеит, адҩылагьы ҟалҵеит - "Схәыҷраатәи ахобби сазыхынҳәит". Хара имгакәа, раҧхьатәи аҿаҵахьа лоуит. Аханатә мап лкит, аба сымам, насгьы, напыла иҟасҵеит ҳәа. Нас, цқьа дазхәыцын, Есма аӡахра лҭаххар ҟалап ҳәа лгәы иаанагеит. Есма иаразнакҵәҟьа абри аус лнапы алыркын, адырҩаҽны аклиент 2 хәдахаҵак иман.

"Хәажәкыра 24 рзы аӡахра ҳалагеит. Нас, хәыҷы-хәыҷла аҿаҵақәа ҳауа ҳалагеит. Асоциалтә аҳаҿы адаҟьы аартны афотоҭыхымҭақәа аналасырҵәа, аҿаҵақәа иаҳа ирацәахеит. Ахьӡгьы ҳазхәыцит. Сара Ана сыхьӡуп, лара Есма. Убри аҟынтә, "Анес" ахьӡаҳҵарц ҳаӡбеит. Амаркетинг аганахьалагьы иҳаҧхьаӡеит. 20 раҟара ахәдахаҵақәа ҳҭихьеит", - илҳәеит Ана Ҭодуа "Лаивпресс" акорреспондент данлацәажәоз.

Активла аус шыруазгьы, апандемиа рҭаацәаратә биуџьет ианыҧшит. Убри аҟынтә, иацҵаны хашәалак шроуша иазхәыцуа иалагеит.

Цырак ахәдахаҵа 20-25 лари иаҧсоуп. Аӡахга машьынала ирӡахуазаргьы, аимхәыцқәа рыла идырҧшӡозаргьы ахә ацырҵом. Ана Жәыргьыҭтәи аџьармыкьаҿы аӡәы иаҳа ирацәаны ирзишәап ҳәа лгәы иаанагом.

Есмеи Анеи абизнес арҭбаара иазхәыцуеит, избанзар ирҭаху амаҭәахәқәеи аҳамҭатә акартонтә рзақәқәеи уажәгьы рхатә ҧарала иаархәоит. Русура иаҳа ишырҭбааша макьана ирыздырӡом. Аамҭа иаҳнарбап ҳәа рҳәеит.

Аха, дара хашәалак аиура мацараз акәӡам ахәдахаҵақәа зырӡахуа. Абри аус терапиак еиҧшуп, апандемиа изҭанаргылаз астресс алҵраҿы ирыцхраауеит. Аӡахра агәахәара ду рнаҭоит, есымша ргәалаҟазаара еиҕьнатәуеит.

Саныӡахуа сгәалаҟазаара еиҕьхоит, ари апроцесс агәахәара ду снаҭоит - илҳәеит Есма Ҭодуа. Лара, ахәдахаҵақәа инрываргыланы, еиуеиҧшым аксессуарқәагьы рыҟаҵара далагар лҭахуп, иаҳҳәап, ахцәеидкылагақәа, ма амаҕрахагылақәа.

"Ана асахьа ҭылхуеит. Аескиз ҟалҵоит. Саргьы ҧсахрақәак алазгалоит. Аха, ирмазеины иҟоу ахәдахаҵа зҭахым аклиентцәагьы иҟоуп, дара ргьамала иуӡахыроуп, рыцкы ишанаалаша. Иаҳӡахуа ахәдахаҵақәа еиҧшызар ҳҭахым,ахәдахаҵа цыҧхьаӡа ахатә ҷыдарак амазароуп", - иҳалҳәеит Есма.

Ишеилкаахаз ала, аусуратә процесс аҿы аимхәыцқәа ақәӡахра ауп зегьы реиҳа илцәыуадаҩу. Ассиметриа ахьчара, абаҿы аимхәыцқәа реизшара. Иара убас,аҳарџь ахҵарагьы мариам. Ахәдахаҵа цыҧхьаӡа ҷыдала уазнеироуп. Аба ахаҭабзиара аҵакы ду амоуп. Акадифа аус адулара уадаҩуп,аха, хәыҷы-хәыҷла иаҳҵеит ҳәа лҳәеит.

Ана леиҧшҵәҟьа, Есмагьы абри аус лхала илҵеит. Аӡахра агәырҵҟәыл лан лҟынтә илоуит. Лҩызцәеи лгәылацәеи изныкымкәа амаҭәа рзылӡаххьеит, аха, убри ала хашәалак лоур лылшоит ҳәа уажәраанӡа дазхәыцуамызт.

Анеи Есмеи ассоциациа "Меркури" аҿы аус руеит. Кыршықәса ҵуеит абри аиҿкаара амчылара зхызгаз аҳәса рыцхрааразы аус ауеижьҭеи. Уажәы, ирҭиуа русумҭа цыҧхьаӡа аҟынтә 1 лари хазы ишьҭаҵаны ирымоуп, зегьы реиҳа зҭагылазаашьа цәгьоу, ахшара рацәа змоу анацәа амшаҧы аныҳәаз ачысла ирыцхраарц азыҳәан.

Ахәдахаҵақәа, бжеиҳарала, аҩноуп иахьырӡахуа, аха,"Меркури" аҿгьы аус ахьыруша аҭыҧ рымоуп.

"Иаҳцәыуадаҩу ак иҟазар, уахь ҳцаны аус еицаауеит, ихсааланы, иҧҟаны аҩныҟа иаагоит, хаз-хазы иӡахны, апатреҭ ҭаҳхуеит, лара лтәы сара исзаалышьҭуеит, саргьы иҟасҵаз сусумҭа апатреҭ ҭыхны илзысшьҭуеит. Ишалҵыз аабоит. Абри зегьы агәахәара ду ҳнаҭоит", - илҳәеит Ана.

Print E-mail
Twitter
Ари aмaтериaлқәa
Апандемиа амшала анахарала имҩаҧысуаз аҵаратә процесс иахьа,
09:12 / 19.10.2021
Апандемиа амшала анахарала имҩаҧысуаз аҵаратә процесс иахьа,
4 октября, в школьных зданиях возобновился учебный процесс,
11:48 / 12.10.2021
4 октября, в школьных зданиях возобновился учебный процесс,
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала