Aмультимедиа
Местиа раҧхьатәи ашьапылампылтә гәыҧ еиҿкаауп - аҭоурыхтә матч
FaceBook Twitter
E-mail Print
Аиҧылара ҭыҧны иалхуп Рухтәи ашьапылампылтә академиа абаза. 2021 шықәса. Аҭыҧантәи ахәаҧшцәеи асасцәеи рцәаныррақәа… Минуҭқәак рышьҭахь, местиатәи аҿар рҽалархәра ала, аҭоурых аҿы раҧхьатәи аиҩызаратә матч иалагоит. Аклуб ашьаҭаркҩи анапхгаҩи аспортсменцәа аҵыхәтәантәи абжьагарақәа риҭоит, атрышәасга абжьы геит.

Ус, уахьахәаҧшуа, уи абжьааҧнытә иофциаллым аиндаҭлароуп, аха, Местиа аспорттә ҭоурых аҿы, раҧхьаӡа акәны, уаҟа ашьапылампылтә клуб еиҿкаауп, иахьа уи алахәылацәа жәыргьыҭтәи "Одишьи 1919" ашьапылампыласҩцәа ирҧылоит.

Леван Қобалиа агәыҧ еиҿикаар шиҭаху ааицҳаит 2018 шықәсазы. Иара ихәыҷраахыс ампыл асра дазгәышьуан, аха, усҟан игәахәтәы изынаимгӡеит, избанзар, Местиа амуниципалитет аҿы аҽазыҟаҵара ма апрофессионалтә аҿиара аиура ахьыҟалоз ашьапылампылтә клуб, ашкол, ма академиа хаангьы иҟамызт. Шықәсқәак рышьҭахь, ахәыҷқәагьы еизиган, игәахәтәы анагӡара далагеит.

Аинфраструктура аиҿкаара, ацхыраара азыҧшра, афинансқәа раиуразы аинвестор иҧшаара уҳәа, абри амҩа мариамызт… Нас, еиликааит уаҟа иҟаз алабҿабара инақәыршәаны аусура ишалагатәыз. Иқыҭаҿ инхо, иара убас, агәылара иҟоу аҳабла Идлиани аҟынтә 17ҩык аҿар ашьапылампыл абзиабара еиднакылеит. Аҽазыҟаҵаразы 2 ҭыҧк рымоуп - Хаишьии Одлиании иҟоу астадионқәа. Аҿар абарҭ ақыҭақәа шьапыла ирыбжьоуп, аха уигьы рҧырхагам.

Леван Қобалиа иара ихаҭа агәыҧ иазыҟаиҵоит. Раҧхьатәи аетап азы иара иидыруа дирҵоит. Апрофессионалтә азыҟаҵаҩ иаагаразы аҧара аҭахуп, аха, иахьазы аҧара имам, ҳаҧхьаҟа ари азҵаарагьы иӡбап ҳәа дгәыҕуеит.

Ҿыц еиҿкаау аклуб аспонсоргьы дамам. Аформақәа раахәаразы рхала аҧара еизыргеит. Абуцқәа ашьапылампыласҩцәа рзаархәеит. Аилахәыра "Аҷарабет" аҟынтә ампылқәеи ашәхарҧақәеи ҳамҭас ироуит. Уажәазы аклуб ашьаҭаркҩы хықәкык ауп имоу, икәша-мыкәша иҟоу ауаа агәра дигар иҭахуп аклуб аҧара алаҵара шахәҭоу.

"Иҳамаз алшарақәа рыла, иҳамаз астадион аҿы аҽазыҟаҵара ҳалагарц ҳаӡбеит. Хаишьи ҳҽазыҟаҳҵоит, мчыбжьыкахь хынтә. Зны-зынла Идлиани ақыҭашҟа ҳхалоит, уаагьы амини стандарт иашьашәалоу, 20/40 метрак астадион иҟоуп. Ақыҭақәа 15 километр рыбжьоуп. Хароуп, убри аҟынтә, зны дара абрахь иаауеит, нас, ҳара уахь ҳхалоит. Аҽазыҟаҵаразы абарҭ 2 ҭыҧк роуп иҳамоу", - иҳәеит Леван Қобалиа "Лаивпресс" акорреспондент данлацәажәоз, иара иажәақәа рыла, уажәазы апроблема хадас ирымоуп амини стадион аҟынтә астандартә стадион ашҟа аиасра.

Апандемиа местиатәи ашьапылампыласҩцәа даарааӡа ирҧырхагахеит. Ҷыдала, хәылбыҽхан асааҭ 21:00 инаркны аиҭаҵразы аҧкра анышьақәдыргыла. Аҿар, ашкол ашьҭахь ауп аҽазыҟаҵарашҟа ацара анрылшоз. Убри аҟынтә, аҭыҧанӡа анеиреи аҽазыҟаҵареи азы аамҭа рызхомызт.

17 шықса зхыҵуа Алеко Ҷкадуа, аҽазыҟаҵаразы агәылара иҟоу Хаишьи ақыҭашҟа днеирц азыҳәан, 15 километр шьапыла дахысуеит. Шьҭахьҟа даныхынҳәуагьы убри аҟараҵәҟьа дахысуеит. Аха, ашьапылампыл убас бзиа ибоит, абарҭ ауадаҩрақәа дрыцәшәом. Иара аханатәгьы гәыкала иҭахын абри аклуб еиҿкаазарц. Иахьазы ашьапылампыл ду деиҧхыӡуеит. Абразил Роберто Карлос диеиҧшхар иҭахуп. Сыҧсҭаазаара аиҳара ашьапылампыл ауп изызку ҳәа иҳәеит, Местиаа ахьӡала раҧхьаӡа акәны ахәмарра алагара деиҧхыӡуеит.

"Ҳара ҳҿы амҩақәа цәгьоуп, атранспорт аҧшаара ҳцәыуадаҩуп, убри аҟынтә, шьапыла ацара ҳақәшәоит. Насгьы, амҩақьырагьы аҭахуп. Убри аҟынтә, ахәыҷқәа зегьы, ҳҽеидкыланы, шьапыла ҳцоит. Ампыл асра убас ҳаргәаҟуеит, абарҭ ауадаҩрақәа ҳрыцәшәом. Ашьапылампыл даараӡа бзиа избоит", - иҳаиҳәеит Алеко.

Раҧхьатәи ҳматч ауп, ацәанырра ду ацуп, - иҳәеит агәыҧ акаҧдан, 17 шықәса зхыҵуа Гьаргь Нижараӡе, иара иҭаиршәыз ампыл абзоурала местиаа аҧыжәара роуит. Азгәыбылҩцәа – асасцәа абри ампыл ҷыдала иеигәырҕьеит.

Ихәыҷраахыс ампыл асра дазҿлымҳан, аха, усҟан уи азы изакәызаалак лшарак иҟамызт. Уажәазы, аклуб алахәызаара ашанс ду инаҭоит ҳәа иҧхьаӡоит, Шәантәыла ахьӡала ақәгыларагьы гәызҭаҵагас изыҟалеит.

"Ҳазынтәгьы аиааирақәа роуп ҳзызхәыцуа. Ачемпионат ҳалахәызар ҳҭахуп. Ҳара уи даараӡа ҳазҿлымҳауп. Уаанӡа ақәҵатә змаз астадионқәа ҳамамызт. Нас аргылара иалагеит. Ақыҭақәа зегьы рҿы идыргылеит. Аҿар хәыҷы-хәыҷла абри аус иазҿлымҳауа иалагеит", - иҳәеит Гьаргь.

Раҧхьатәи аиҩызаратә аиҧылараҿы местиаа аҵахеит, аха, уезгьы, ҩ-мпылк ҭадыршәеит, уи алагамҭа мацароуп. Аҩбатәи ампыл ҭаиршәит Нико Давиҭиани. Ҳаҧхьаҟа имаҷымкәа аиҧыларақәа рзыҧшуп, рымзызра дууп.

Аклуб анапхгаҩы қәрала еиуеҧшым 3 гәыҧк реиҿкаара игәы иҭоуп. Ишыхәмаруа, гәырҵҟәылс ирымоу, ишазыҟаҵоу гәарҭоит, анеҩс, ирыӡбоит акаманда хада аҿы ихәмаруа, насгьы, иарбан чемпионату аклуб адебиут ахьымҩаҧысуа.
Print E-mail
Twitter
Ари aмaтериaлқәa
Апандемиа амшала анахарала имҩаҧысуаз аҵаратә процесс иахьа,
09:12 / 19.10.2021
Апандемиа амшала анахарала имҩаҧысуаз аҵаратә процесс иахьа,
4 октября, в школьных зданиях возобновился учебный процесс,
11:48 / 12.10.2021
4 октября, в школьных зданиях возобновился учебный процесс,
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала