Aмультимедиа
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо ауааҧсыра акоронавирус аҽыхьчаратә алаҵа ҟарҵар рылшоит ҷыдала еибыҭоуп амикроавтобус аҿгьы.

Амш иалагӡаны, авакцинациа атранспорт, аихшанҵа инақәыршәаны, еиуеиҧшым араионқәа рҿы еиҭаҵуеит.

Уи, еиуеиҧшым амзызқәа рымшала амедицинатә центр ашҟа изымнеиуа ауааҧыра роуп бжеиҳарала изызку.

Амуниципалитет аҿы авакцинациа автобус аус адыруит цәыббра 6 рзы.

Жәыргьыҭтәи Ауаажәларратә гәабзиарахьчара ацентр ахаҭарнак Маиа Џьинџьолава ишылҳәаз ала, автобус аҿы алаҵақәа ҟарҵахьеит 300ҩык раҟара атәылауаа. Урҭ рхыҧхьаӡара есымша ацлара иаҿуп.

Автобус аҿы атәылауаа аиммунизациа иахысыр рылшоит атәылаҿы иҟоу авакцинақәа зегьы рыла, заанаҵы арегистрациа иахымскәа.

Иеиҭаҵуа автобус инаваргыланы, ауаа алаҵа ҟарҵар рылшоит ақыҭатә амбулаториақәеи ақалақь аҿы иҟоу амедицинатә усбарҭеи рҿгьы.

Қырҭтәыла акоронавирус раҧхьатәи афакт анаадырҧшы инаркны иахьанӡа, атәылаҿы авирус ҿыркааит 595 926ҩык, урҭ рҟынтә 563 530ҩык ачымазара иалҵхьеит. 8575ҩык апациентцәа иҧсит.