Aмультимедиа
Аҭынчраҿ амузыка абжьы ахьуаҳауа „Афольклор аҩны“ [афото]
FaceBook Twitter
E-mail Print
Знык адамхаргьы, Жәыргьыҭ Ҭамар аҳҧҳәыс лымҩа шәанылар, шәылаҧш иааҵашәоит архитектура ҷыдала иргылоу ахыбра, уи шәгәынкылараҿы иаанхоит - 5 еихагылак змоу, акьырмыт иалху абааш. Уи "Афольклор аҩны" ауп, аетнографиатә музеигьы аҳостельгьы ахьӡуҵар ҟалоит. Иара убас, Жәыргьыҭ ари аҩны колхидатәи абааш ҳәа иашьҭоуп. Абраҟа хаҵак дынхоит - Бесик Ҷиҭанава, иара иакымкәа азанааҭқәа қәҿиарала еилеигӡоит.

Афольклорист, адирижиор, жәлартә напҟазара азҟаза, абаҳчаааӡаҩы-декоратор, ачысҟаҵаҩы, ажәытә маҭәарқәа реизгаҩ ихәыҷраахыс дзызгәышьыз аҩны аргылара далагеит 2008 шықәсазы. Апандемиа иҧырхагахеит, ари аус аҵыхәанӡа изнеимгеит. Аха, уезгьы, иеиҿикааз 2 еихагылак рҿы атәым асасцәа рхы маншәаланы ирбоит. "Афольклор аҩны" еиуеиҧшым атәылақәа рҟынтә иазгәыку аҭааҩцәа амоуп.

"Сара соуп афольклор аҩны зыргылаз. Аинтериер, аеқстериер, адизаин уҳәа, зегьы схала иҟасҵеит. Сҩызцәеи суацәеи сыцхраауан. Фактла иуҳәозар, ашәа ҳәо аҩны ҳаргылеит. Сасык даҳҭаауеит, хынтә даахьеит, Қырҭтәыла сааны абрахь смааир ҟалома ҳәа иҳәоит, абри аҭыҧ убас бзиа ибоит. Абра алак, ашәыгақәа ҳәа, акымзарак схы иасмырхәит, акьырмыт мацароуп. Ҳасас ишиҳәо ала, абра, аҭынчраҿгьы, амузыка абжьы уаҳауеит", - иҳәеит аҧшәма.

Аҵыхәтәантәи ҩышықәса рзы, апандемиа амшала, Бесик Ҷиҭанава иҩнаҿы асасцәа маҷхеит, аха, игәы каижьуам. Игәалаҟазаара аныцәгьоугьы, иара ихаҭеи егьырҭ ауааҧсыреи ргәы ирҿыхырц азыҳәан ашәаҳәара далагоит. Ажәытә агыруа ажәеинраалақәа рыла иара ииҩыз ажәақәа роуп бжеиҳарала инаигӡо. Арҳәагақәа рацәаны имоуп.

Апандемиа аан жәлартә напҟазара аҟаза бзиа иибоз аус игәалаиршәан, ақәҵара далагеит. Афольклор аҩны аҭӡамцқәа дырҧшӡоит иара ихала асахьақәа қәҵаны иҟаиҵаз аныхақәеи апеизажқәеи. Бесик Ҷиҭанава иусумҭақәа аҳәаанырцәҟа иганы, ацәыргақәҵа еиҿикаар иҭахуп, избанзар, аҳәаанырцә иусумҭақәа иаҳа еиҕьны иҭиуеит ҳәа игәы иаанагоит.

Ишиҳәо ала, ҭагылазаашьа хәыҷы-хәыҷла еиҕьхоит, уажәшьҭа гәҽанызаарыла, арегулиациақәа рыла, аха, уезгьы асасцәа рыдкылара илшоит.

Сынтәа агәырҕьара ҷыда инаҭеит Қырҭтәыла иҟоу Америка ацҳаражәҳәаҩ Келли Дегнан лвизит. Лара уаанӡагьы знык "Афольклор аҩны" даҭаахьан. Абри аҩны архитектура мацара акәӡам ҷыдарас иамоу. Аҧшәма ҷыдала асасцәа идикылоит. Аҭааҩцәа рҿаҧхьа, ажәытә агыруа методқәа рыла агыруа чыс рзыҟаиҵоит. Иаҳҳәап, гебжалиа иагәылаҵатәу ашьыхәи еиуеиҧшым ахәсхәеи ажәытәӡатә колхидатәи ахаҳә - аҳаҟьа аҿы иххуеит.

"Абри [аҳаҟьа] колхидатәи акультура иаҵанакәеит. Фактла иуҳәозар, колхидатәи ачысҟаҵара ахаҳтә аамҭа инаркны иалагоит", - иҳәеит Бесик Ҷиҭанава.

Иара ихаҭа асасцәа колхидатәи акультуреи атрадициақәеи ирызкны ирзеиҭеиҳәоит. "Афольклор аҩны" аҿы иҟоу амаҭәар цыҧхьаӡа ахатә ҭоурых амоуп. Урҭ реиҳара Гыртәыла ақыҭақәа рҟынтә иааигеит. Аколлекционер амаҭәарқәа реизгараҿы иҩызцәа ицхраауеит.

Бесик Ҷиҭанава аҳәаанырцәынтәгьы аинтерес зҵоу амаҭәарқәа ҳамҭас изааргоит. Ихаҭагьы аҳәаанырцә даныҟоу еиуеиҧшым амаҭәарқәа ааихәоит. Аҩбатәи аихагылаҿ адкыларатә уада арҧшӡоит Франциантә иааигаз ажәытәӡатә ашьқьаҧ.

"Абри ашьқьаҧ аҩадатәи Франциа саныҟаз афранцыз ҧҳәыск ҳамҭас исылҭеит. Ишсалҳәаз ала, ланду хаҵа данҵоз абри ашьқьаҧ лыцырҵеит. Аҧҳәыс лхаҭа 92 шықәса лхыҵуан, нас, абри ашьқьаҧ иахыҵуа шәхаҿы ишәзаагома", - иаҳзеиҭеиҳәеит Бесик Ҷиҭанава.

Апандемиа амшала ицәырҵыз апроблемақәа дырмыхәаҧшкәа, "Афольклор аҩны" аҿы аиҭакрақәа рымҩаҧгара дазҿлымҳауп. Жәлар рашәақәеи аҭыҧантәи ачысҟаҵареи амастерклассқәа инрываргыланы, Бесик Ҷиҭанава аҭааҩцәа ирыдигалоит ақәҵара аурокқәагьы.

Убри адагьы, имаҷымкәа апланқәа имоуп. "Афольклор аҩны" изаанаго аҧара зегьы уи аҿиареи аргылареи иалеиҵоит. Абааш хыхьтәи аихагылақәа ирҽеиуеит, иара убас, агәараҿы аҩцара аргылара даҿуп, уаҟа колхидатәи ажьхкқәа ирылхны аҩыҟаҵара дагалар иҭахуп.
Print E-mail
Twitter
Ари aмaтериaлқәa
Апандемиа амшала анахарала имҩаҧысуаз аҵаратә процесс иахьа,
09:12 / 19.10.2021
Апандемиа амшала анахарала имҩаҧысуаз аҵаратә процесс иахьа,
4 октября, в школьных зданиях возобновился учебный процесс,
11:48 / 12.10.2021
4 октября, в школьных зданиях возобновился учебный процесс,
Жәыргьыҭтәи амуниципалитет ақыҭақәеи ақалақьқәеи ирықәынхо
11:31 / 21.09.2021
Жәыргьыҭтәи амуниципалитет ақыҭақәеи ақалақьқәеи ирықәынхо
Акоронавирус

Асоветтә репрессиақәа
Ажәaбжь ҿыцқәa
Қырҭтәыла аҧыза-министр Иракли Ҕарибашвили,
2020 шықәсазы арҵаҩы имилаҭтә ҳамҭа лоуит
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала