Aмультимедиа
Ашколахь асабрадала - Ашколтә уадақәа рҿы аҵара еиҭалагеит [афото]
Апандемиа амшала анахарала имҩаҧысуаз аҵаратә процесс иахьа, жьҭаара 4 рзы, ашкол ахыбрақәа рҿы еиҭалагеит.

Аҵаратә процесс аиҭалагара амш аҽны Жәыргьыҭ ақәа леиуан, аха, амшцәгьа амшала аҵаҩцәа ргәалаҟазаара еицәамхеит.

Аҵара аминистрра аинформациа инақәыршәаны, ашколқәа зегьы иаҭаху адезинфекциатә маҭәашьарқәеи, асабрадақәеи, атермоскрининг апаратқәеи, адезобариерқәеи рыла еиқәыршәоуп.

Дара ринформациа ала, авирус апревенциазы иаҭаху аресурсқәа рҭаҵәах дууп, аҵаратә ашықәс анҵәамҭанӡа ирызхоит.

Аминистрра адҵала, аҭаацәа уажәгьы алшара рымоуп анахаралатә аҵаратә режим алырхырц.

Аҵаҩцәа зегьы, I-XII аклассқәа нрылаҧхьаӡаны, хымҧада асабрадақәа ныҟәыргалароуп.

Арҵаҩцәа зегьы, ҧасеиҧш, аҳәынҭқарра ахарџьла атестқәа рзыҟарҵоит.

Уажәазы ашколқәа рырҵаҩцәеи администрациа аусзуҩцәеи рҟынтәи алаҵақәа ҟарҵахьеит 67%.

Аминистрраҿы ишаарыцҳаз ала, жьҭаара 2 рзы алхырҭақәа ахьыҟаз ашколқәа рҿы адезинфекциатә усурақәа мҩаҧгоуп.

Қырҭтәылаҿ, аепидемиологиатә ҭагылазаашьа аицәахара амшала, цәыббра 15 рзы аҵаратә процесс анахарала иалагеит.

Акоронавирус аҿкаара арбагақәа анылаҟәха, Акоординациатә хеилак ашколқәа рҿы аҵара аиҭалагаразы аӡбара рыдыркылеит.