Aмультимедиа
„Чеми морду“ - зықәрахь инеихьоу ауааҧсыра рзы арегион аҿы иаадыртыз раҧхьатәи ацентр аус ишауа [афото]
FaceBook Twitter
E-mail Print
Ахәмарраҿы зегьы раасҭа сманшәалоуп, еснагь аиааира згоит, - иҳәеит 80 шықәса еиҳаны зхыҵуа Валериан, уи уажәгьы изыршаз амацақәа гәахәарыла дрыхәаҧшуеит. Иара жәыргьыҭтәи ацентр "Чеми морду" раҧхьатәи анхаҩцәа дреиуп. Гыртәыла – Аҩадатәи Шәантәыла арегион аҿы зықәрахь инеихьоу ауааҧсыра рзы раҧхьатәи ацентр "Чеми морду" аадыртит жьҭаара 1 азы, импыҵахалоу Аҧсны иаҧну Рухи ақыҭан.

Валериан иқәлацәеи ацентр аусзуҩцәеи дрыдтәаланы, лассы-лассы амаца дасуеит. Зықәрахь инеихьоу ауааҧсыра ргәазыҳәара иазҧхьагәаҭаны, абҩарҵәыреи аныҟәареи инарываргыланы, аишәа хәмаррақәагьы агәырҿыхаратә уснагӡатәқәа иреиуп. Зықәрахь инеихьоу ауааҧсыра аинформациатә дырраҭарақәагьы рыхшыҩ азышьҭны иахәаҧшуеит.

Дара асасдкыларҭаҿы амаца иахьынӡасуа, ачысҟаҵарҭаҿ шьыбжьхьа рыздырмазеиуеит. Амениу иалоуп ацентр анхаҩцәа зегьы раасҭа бзиа ирбо ачыс - асуҧи акәац злоу амакрынеи. Агәырхаага ҳасабала ирыдаргалоит ахаатәқәеи дара ирҭаху еиуеиҧшым ашәырӡы, ачаи, ма акаҳуа. Лассы-лассы агыруа традициатә чысқәагьы ҟарҵоит.

Ацентр аҿы инхо 5ҩык рҟынтәи хҩык амаҵурҭаҿы рҭыҧқәа ааныркылеит. Аҧшьбатәи, 82 шықәса зхыҵуа Бела асақьаҭ лыцырхрааны, ҧшьала дара рахь деихеит, лыбжьы ныҵакны агыруа ашәа лҳәоит "вагиорқо ма, ваморҵонқо ма - ишен қугорҕуаҧуда сқани ҷири ма" (бзиа сумбаӡои?, сугәамҧхаӡои? – уезгьы сукәахшоуп, иухьша сыхьааит). Лара лгәы ҟалҵарцаз ашәа лыцылҳәоит ацентр аусзуҩ Софо Салиа.

Бела лҭыҧаҿ дтәеит, уажәшьҭа ацентр аусзуҩцәа аиарҭа илоу Галина лышҟа ииасроуп. Лара аҭыҧашҟа афатә лызнаргоит.

Софо, абжьааҧнеиҧш, мчхарыла, лгәалаҟазаара бзианы, апациент длызнеины, афатә ҧха лыдалгалоит. Галина абри аҩыза аиҷаҳаразы Софо ҭабуп ҳәа лаҳәаны, дылныҳәоит.

"Абарҭ ауаа гәахәарыла срыҿцаауеит. Исызгәакьоу реиҧш срыхәаҧшуеит. Аҧсынҵра ду роур ауп иаҳҭаху, уи ҳзыҟаҵар, даараӡа сеигәырҕьоит", - иҳалҳәеит Софо Салиа.

Ацентр аусзуҩцәа ишырҳәо ала, зықәрахь инеихьоу ауаа алахьеиқәҵара алшара рырҭом, аха, зны-зынла дара рыҧсҭазаара зыҧсахыз ауадаҩрақәа ргәаладыршәоит. Рызынтәгьы рхатә ҭоурых ду рымоуп. Ацентр иҩноу ауааҧсыра - ахҵәацәа, хылаҧшҩы дызмам, ма аҭаацәараҿы амчылара зхызгаз роуп.

Уажәазы уахгьы - ҽынгьы ацентр аҿы иҟоуп 5ҩык ауааҧсыра, аха, администрациаҿы ргәы ишаанаго ала, хара имгакәа аҭыҧқәа зегьы харҭәаахоит.

„Чеми морду“ еиҿкаауп агәыҳалалратә центр  „Аҧхазеҭи“ (CHCA)ала, ари аус аҿы ирыцхрааит Аҧсны аиҳабыреи, аҭыҧантәи анапхгареи, Германтәылатәи Жәларбжьаратәи аусеицуразы ауаажәларреи (GIZ), ЕАР Аҿиара апрограммеи (UNDP). Зыӡбахәы ҳәоу аҿыцҧшьгара абиуџьет  160,000 адоллар  иаҟароуп.

Ацентр иҩноу ауааҧсыра реиҷаҳара асервисқәеи егьи амаҵзуреи еиқәнаршәоит аиҿкаара "Аҧхазеҭи".

"Аҧхазеҭи" жәыргьыҭтәи аофис аменеџьер Иракли Қоҷуа иҳәамҭала, ацентр аадыртаанӡа, Қырҭтәыла регионқәак рҿы, Гыртәылагьы налаҵаны, асоциал-економикатә ҭҵаарақәа мҩаҧган, урҭ рыбзоурала ишеилкаахаз ала, абри аҩыза аусбарҭақәа хымҧада еиҿкаатәын. Апандемиа иахылҵыз акризис аан зықәрахь инеихьоу ауааҧсыра рҭагылазаашьа еицәахеит, убри аҟынтә, лабҿаба иубарҭахеит аиҷаҳаратә сервисқәа хымҧада ишеиқәыршәатәыз.

"Азкызаара рацәа змоу, зықәрахь инеихьоу ауааҧсыра реиҷаҳаратә центр "Чеми морду" зыӡбахәы ҳәоу ауааҧсыра ирыднагалоит амаҵзура 3 хкык - уахгьы - ҽынгьы аиҷаҳара ацентр, уи 11ҩык рымаҵ ауеит. Абрааҵәҟьа аус ауеит 25ҩык зықәрахь инеихьоу ауааҧсыра ирызку аҩнуҵҟатәи ахылаҧшра апрограмма, иара убас, иазҧхьагәаҭоуп 50 ҩык рымаҵ зуша ауаажәларратә центр аартра", - иҳәеит Иракли Қоҷуа.

Иара иажәақәа рыла, ацентр рхы иадырхәар рылшоит Гыртәылеи, иара убас, импыҵахалоу Аҧсни ирықәынхо ауааҧсыра.

Асоциалтә аиқәыршәаразы агентра адыррақәа рыла, Қырҭтәыла ашәҟәы иҭаҩуп 772,300 ҩык атәанчуаа. Урҭ рҟынтә 41,000ҩык аӡәгьы дрымам, аҕарра иҭагылоуп.
Print E-mail
Twitter
Ари aмaтериaлқәa
Апандемиа амшала анахарала имҩаҧысуаз аҵаратә процесс иахьа,
09:12 / 19.10.2021
Апандемиа амшала анахарала имҩаҧысуаз аҵаратә процесс иахьа,
4 октября, в школьных зданиях возобновился учебный процесс,
11:48 / 12.10.2021
4 октября, в школьных зданиях возобновился учебный процесс,
Жәыргьыҭтәи амуниципалитет ақыҭақәеи ақалақьқәеи ирықәынхо
11:31 / 21.09.2021
Жәыргьыҭтәи амуниципалитет ақыҭақәеи ақалақьқәеи ирықәынхо
Акоронавирус

Асоветтә репрессиақәа
Ажәaбжь ҿыцқәa
Қырҭтәыла аҧыза-министр Иракли Ҕарибашвили,
2020 шықәсазы арҵаҩы имилаҭтә ҳамҭа лоуит
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала