Aмультимедиа
Олапиниа, ахәыҷы инапала ииӡахуа ахәмарга [авидео/афото]
FaceBook Twitter
E-mail Print
Аиаҳәшьцәа Малашхиаа – 30шықәса зхыҵуа Нуции 25 шықәса зхыҵуа Софиеи ҵыҧх ақырҭуа ахәмарга ҟарҵарц рыӡбеит. Дара аусура иалаган, ҧхынҷкәын азы аџьармыкьаҿ ицәырҵит агыруа ахьӡ змоу абренд – «Олапиниа», ақырҭшәахь уи еиҭоугар, ахәмарга ауп иаанаго.

Иахьазы Олапиниа иамоуп 10ҩык афырхацәа хадақәа Қырҭтәыла еиуеиҧшым акәакьқәа рҟынтәи – Гыртәыла, Кахеҭи, Имереҭи, Шәантәыла. Хара имгакәа, ари аколлекциа хадырҭәаауеит Аҧсни Уаҧстәылеи рфырхацәа рыла. Олапиниа авторцәа иреиу Нуци Малашхиа «Лаивпресс» акорреспондент ишлалҳәаз ала, уи DIY хәмаргоуп, ҽакала иаҳҳәозар, ахәыҷы иара инапала иҟаиҵо хәмаргоуп.

Нуци Малашхиа: Сареи саҳәшьа Софиеи ҳхәыҷқәа ҳрыцхәмаруа, ҳаныӡахуаз, аидеиа ҳазцәырҵит. Нас, аусура ҳаналага, еснагь аидеиа ҿыцқәа ҳрызхәыцуан. Аҵыхәтәаны, ари ахәмарга уажәы ижәбо аформа аанахәит.

Лаивпресс: Агыруа ахьӡ зашәҭеи?

Нуци Малашхиа: Ҳара ахаангьы Гыртәыла ҳнымхацт, аха уезгьы, шьҭрала ҳгырқәоуп. Жәыргьыҭ ҳиит, убри азоуп абренд абас изахьӡаҳҵаз. Ҳбренд аконцепциа ианаалаша ақырҭуа ахьӡ амазар ҳҭахын, избанзар ҳфырхацәа зегьы Қырҭтәыла еиуеиҧшым акәакьқәа ирылҵит. Абызшәақәа зегьы рыла инеибанеиҧшу ахьӡ амазар ҳҭахын. Ажәагьы ҳаҧшааит - Олапиниа, уи даараӡа иҳгәаҧхоит.

Лаивпресс: Шәгәы ишҧаанаго, абри ахьӡ ҷыда аалыҵ иаиуз ақәҿиаразы анырра амазма?

Нуци Малашхиа: Ааи, ус акәзар ҟалап. Ахәмарга иахьӡу анеилыркаалак, раҧхьа иргыланы иҳазҵаауеит ари ажәа иаанагои ҳәа. Убри ашьҭахь ауп ахәмарга ианахәаҧшуа. Ажәа аҵакы здыруа агыруаа роуп зегьы реиҳа ахәмарга згәаҧхо.

Лаивпресс: ахәмаргақәа ирызкны иаҳзеиҭашәҳәа – урҭ излеиҧшыми?

Нуци Малашхиа: Олапиниа акәалаҧ иҭоуп абаҿы икьыҧхьу аперсонаж аҧхьатәи ашьҭахьтәи ахәҭақәа. Ҳара абаҿы акьыҧхьра атехнологиа ҳхы иаҳархәоит, уи ахәыҷқәа рзы ишәарҭам. Иара убас, акәалаҧ иҭоуп агәыри арахәыци. Агәыр ахы ҵагәып, ахәыҷы изилалом, абамбагьы иҟоуп, ахәмарга анырӡахлак, абамба ҭарҵоит. Уааҵәҟьа аӡахразы аинструкциа иҟоуп. Ари ахәмарга 4-5 шықәса зхыҵуа ахәыҷқәа ирызкуп. Ахәмарга анырӡахуа - рҭаацәа ирыцхраароуп. Аҭаацәа рылахәызаара ари ахәмарга иамоу абзиарақәа иреиуп ҳәа сгәы иаанагоит. Ахбыџқәа дара рхалагьы Олапиниа рӡахыр рылшоит. Иаҳҳәап, сара схылҵ жәашықәса ихыҵуеит, аха гәахәарыла ахәмарга иӡахуеит.

Лаивпресс: Уажәазы ахәмарга шаҟа хкы шәымои?

Нуци Малашхиа:
Олапиниа макьана 10 персонажк амоуп. Урҭ Қырҭтәыла 4 кәакьк – Гыртәылеи, Кахеҭии, Шәантәылеи, Имереҭии ирхаҭарнакцәоуп. Иара убас, аколлекциа ахарҭәааразы иаҭаху иҵегьы аперсонажцәа ҳамоуп. Иаҳҳәап, акәты, ажә, ашәануатә бааш, убас егьырҭгьы. Олапиниа аколлекциа хаҳарҭәаар ҳҭахуп. Ҳәарада, Аҧни Уаҧстәылеи рперсоналцәагьы ҟаҳҵоит. Иҵегьы имаҷымкәа аинтерес зҵоу аидеиақәа ҳамоуп. Урҭ ирызкны ҧыҭрак ашьҭахь ишәзеиҭаҳҳәоит.

Лаивпресс: Раҧхьатәи Олапиниа ишҧаҟашәҵа, иабаҟашәҵа. Насгьы, уи иабарҭиуа?

Нуци Малашхиа: Аџьармыкьаҿ ҳцәырҵит ҧхынҷкәын анҵәамҭазы. Ауаа иаразнак ари абренд иазҿлымҳахеит, уи даараӡа ҳаигәырҕьоит. Феисбуқи Инстаграми рҿы адаҟьақәа ҟаҳҵеит, ауаа абарҭ адаҟьақәа рыла дара ирҭаху ахәмарга аархәар рылшоит. Фырхаҵас ирҭаху ҳзырҩуеит, ҳара аҭыҧашҟа ирызнаҳгоит. Уажәгьы абри арежим аҿы аус аауеит. Уи адагьы, ҳара ҳаалыҵ Қарҭ ҩҭыҧк рҿы ирҭиуеит – Супер адәқьанқәеи Ҳаамҭазтәи аҟазара амузеи рҿы. Ахәмарга 45 лари иаҧсоуп, ҳара ҳҿгьы, Супер адәқьанқәа рҿгьы. Амузеи аҿы хәыҷык ахә еиҳауп.

Лаивпресс: Ишыздыруа ала, Олапиниа аҟаҵара шәалагаанӡа, ҭҵаарақәак мҩаҧыжәгеит, убри иазкны иаҳзеиҭашәҳәа.

Нуци Малашхиа: Аханатә, сареи саҳәшьеи афырхацәа зцыҟаҳҵашаз артист ҳишьҭан. Ас еиҧш иҟоу артист дҳаҧшааит, Мака Заделашвили, убри дҳацырхрааны аперсонажқәа ҟаҳҵеит. Иара убас, абрендингтә агентра «Коллектив» аус ацаауон, урҭ алоготипи алаҳәагақәеи ҳзыҟарҵеит, аҧштәқәа ралхраҿы иҳацхрааит. Ахәыҷқәа зегьы реиҳа ирнаалаша аҧштәқәа ирыдҳәаланы ахәыҷтәы ҧсихолог иҟны аконсультациа ҳахысит. Ахәмарга аҟаҵара апроцесс аҿы иҳацхраауеит 5ҩык – 6ҩык ауааҧсыра. Олапиниа аҵыхәтәантәи аҧшра аиурцаз 2 - 3 мшы аҭахуп.

Абизнес арҭбаара амзызла, Олапиниа аҧҵаҩцәа Аекономикеи иҭышәынтәалоу аҿиареи рминистрра иадҵаалар рҭахуп – «Иҟаҵа Қырҭтәылаҿ», ари апрограмма иалоуп ақырҭуа ахәмарга аекспорт иацхраауа акомпонент.

Нуци Лашхиа ишылҳәаз ала, арегионқәа рҿгьы ахәмарга аазхәар зҭаху ауаа цәырҵит, уажәазы арҭ ауаа Олапиниа ишрызнаргаша ауп изызхәыцуа.

Print E-mail
Twitter
Ари aмaтериaлқәa
Гыртәыла – Хыхьтәи Шәантәыла аокругтә администрациа аҧхьа аҿар,
10:31 / 10.05.2019
Гыртәыла – Хыхьтәи Шәантәыла аокругтә администрациа аҧхьа аҿар,
Жәыргьыҭ, ацирктә гыгшәыгқәа рыдгыларатә акциа мҩаҧысит.
19:40 / 08.05.2019
Жәыргьыҭ, ацирктә гыгшәыгқәа рыдгыларатә акциа мҩаҧысит.
Аишәа иқәгылоуп ашәыгахьшьыгақәа рыла иҭәу абанка,
11:32 / 30.04.2019
Аишәа иқәгылоуп ашәыгахьшьыгақәа рыла иҭәу абанка,
Амҳаџьырқәа агарашәа ҳәа ззырҳәо „Шьишь нани“ аҧсуа ашәоуп.
10:31 / 15.04.2019
Амҳаџьырқәа агарашәа ҳәа ззырҳәо „Шьишь нани“ аҧсуа ашәоуп.
Ажәaбжь ҿыцқәa
Жәыргьыҭтәи амуниципалитет Рухи ақыҭаҿ,
Ҳаҕа акырӡа иҽазишәит, аха ҳара аенергетика аусхкы аҿы аҵакырадгьылтә
Сара аиааирагаҩыс сҟалоу сҟамлоу ҳәа сахьазхәыцуамыз.
Аинаалареи атәылауаҩратә аиҟарареи рызҵаарақәа рзы аҳәынҭқарратә
Амультимедиa
Европа амшқәа Жәыргьыҭ ақалақь аҿы  [афото]
Гыртәыла – Хыхьтәи Шәантәыла аокругтә администрациа аҧхьа аҿар,
Ацирк агыгшәыгқәа рыда - Жәыргьыҭ имҩаҧгаз акциа
Жәыргьыҭ, ацирктә гыгшәыгқәа рыдгыларатә акциа мҩаҧысит.
Алилачақь зну апаскақәа [афото]
Аишәа иқәгылоуп ашәыгахьшьыгақәа рыла иҭәу абанка,
8 шықәса зхыҵуа Анастасиа иналыгӡаз аҧсуа ашәа  „Шьишь нани“  аҭоурых  [авидео]
Амҳаџьырқәа агарашәа ҳәа ззырҳәо „Шьишь нани“ аҧсуа ашәоуп.
Аихатә ҭелқәа рыла еиҟәшоу аҧсы иуацәа [афото]
Абри ақыҭаҿы абарҭ ауаа рыгәҭа схәыҷра зегьы мҩаҧызгеит,