Аилыркaaрa
Гал инхо Нено Габелиа лҭоурых, уи лусумҭа европатәи ауниверситетқәа рҿы иддырҵоит
FaceBook Twitter
E-mail Print
28 шықәса зхыҵуа Нено Габелиа, Италиа иҟоу Қырҭтәыла иқәыҧшу ацҳаражәҳәаҩуп. Лара аполитикатә ҵарадыррақәа рдоктор лоуп, Аҧснытәи аимак иазку лусумҭақәа иакымкуа ауниверситетқәа рҵаратә силабусқәа ирылоуп. Уажәы Нено Аҧсны иазкны алакә лҩуеит, избанзар лхылҵгьы "илаҧшхкыгоу ахҭыс ҧшӡа" идыруазар лҭахуп.

Лаивпресс: Шәҭоурых ҳзеиҭашәҳәа. Италиа шәназгеи?

Нено Габелиа: Аҧсни Гали сгәалашәом, избанзар усҟан даараӡа схәыҷын. Аҧсны иазкны сани саби исзеиҭарҳәон. Насыҧ ҳаманы, ҳгәырҕьаҵәа ҳшыҟаз зныҧшуа авидеонҵамҭақәа сымоуп. Аҭыхымҭақәа руакы Аҧсны аибашьра иалагаанӡа мызкы аҧхьа иҭыхын, сашьа зынӡаск дсабиан, ҳазынтәгьы ҳикәшаны ҳгылоуп. Сҭаацәара Гал инхон. Саб уаҟа аус иуан. Галтәи аполициа аиҳабы ихаҭыҧуаҩс дыҟан. Сан аҧҭекак аҿы фармацевтс дыҟан. Ахҵәара аҭоурых Галынтә иалагоит. 4ҩык асабицәа уманы, уҩны ааныжьны, ҿыц анхара алагара мариам. Аха сҭаацәа абри зегьы рылшеит. Қарҭ ҳанааи, саб акыршықәса рыҩнуҵҟа Аҩнуҵҟатәи аусқәа рминистрраҿы аус иуан. Иахьазы атәанчара дцахьеит, Қырҭтәыла атехникатә университет аҿы алекциақәа дрыҧхьоит. Аҧсни Галтәи аполициа аусзуҩцәеи ирызкны иакымкуа ашәҟәқәа иҩхьеит. Ашәҟәыҩра сгәазырҧхаз иара иоуп. Ҳәарада, дарбан хаҵазаалак, аҧҳәыс лоуп уи дзырҕәҕәо. Сара ахылҵ заҵәык дсымоуп, усҟантәи аамҭазы сан ҧшьҩык ахәыҷқәа шылааӡаз нысгәаласыршәо, уамашәа дызбоит. Насгьы, убас ҳлааӡеит, ҳаҧшьҩыкгьы аӡәы ҳихьҧшымкуа ҳшьапы ҳақәгылеит. Қарҭ ашкол салгеит, Қарҭтәи аҳәынҭқарратә университет аҿы абакалавриат сахысит. Ерасмус Мундус аиҭныҧсахларатә программа иазкны иансаҳа аиуристтә факультет сҭан. 2009 шықәсазы ари апрограмма иазкны издыруаз маҷын. Евроеидгыла иаланарҵәаз ҩ-даҟьак ирныз ада уаҳа акгьы ҳаздырӡомызт, аха, схы сҧышәап сҳәан, аппликациа ҳасырҭәааит. Абас ауп, раҧхьаӡа акәны, аҵара анагӡаразы Болгариа сышцаз, даараӡа исыхәаша аҧышәа шсоуа еилыскааит. Аха аҵара назыгӡар сҭахын, аҳәаанырцә саангылан, зыӡбахәы ҳәоу апрограмма аҳәаақәа ирҭагӡаны, Рим, Ла Сапиенца ауниверситет аҿы аҵара назыгӡеит. Афакультет сыҧсахит. Аполитикатә ҵарадырра ахырхарҭа алсхит, уигьы аинтерес ду аҵоуп. Абас ала, 2011 шықәсазы Рим аҵара салагеит.

Лаивпресс: Уажәазы Италиа шәызҿуи?

Нено Габелиа: Италиа сыҟоуп Қырҭтәыла иқәыҧшу ацҳаражәҳәаҩ иҳасаб ала, ари аусура сгәаҧхоит, аҭакҧхықәра ду ацуп. Шықәсыктәи амандат иалагӡаны, Италиа аҵакырадгьыл аҿы утәыла иаҳа ибзианы идурдыруеит, ақырҭуа культуреи, аҭоурыхи, акулинариеи, аҩи рӡыргара улшоит. Италиа еиуеиҧшым ақалақьқәа рҿы еиуеиҧшым апроектқәа мҩаҧызгоит, Италиа арегионқәа зегьы рҿы Қырҭтәыла иазкны ирдыруазарцаз. Иара убас, Аахыҵ Кавказ арегион аҿы иҟоу аимакқәагьы ҭысҵаауан. Адокторантура санҭаз, ауниверситет аҿы афинансыркразы аконкурс рыларҳәеит. Италиатәи сҩызак Роминеи сареи Аҧсны иазкны аҭҵаарақәа мҩаҧаагарц ҳаӡбеит, Аҧснытәи аимак афедерализм амодель ианаалозар еилаҳкаар ҳҭахын. Ҳпроект ақәҿиара ду ахылҵит.

Кембриџьтәи ауниверситет аҿы, рхатә харџьла ҳусумҭа ркьыҧхьит, имаҷымкуа аҧара аларҵеит. Ари атемазы алитература маҷуп, ҷыдала атәым бызшәала. Убри аҟынтә, ари ашәҟәы иакымкуа ауниверситетқәа рҵаратә силабусқәа ирылоуп. Ашәҟәы ҩ-хәҭак амоуп, аҭоурыхтә хәҭа сара соуп изҩыз, асоциологиатә хәҭа Рамина итәуп.

Лаивпресс: Шәара ақырҭуа-аҧсуа аимак шәышҧахәаҧшуа, уи аҭыҧқәҵаразы мҩас иҟои?

Нено Габелиа: Шаҟа аамҭа ицо аҟара, жәларбжьаратә уаажәларра ари аимак иазкны хәыҷы-хәыҷла ирхашҭуеит. Ари атема ҧаса, 1993 шықәсазы ишыҟаз еиҧш акәымкуа, уажәшьҭа усҟаҟ актуалра амам. Аимак аҭыҧқәҵаразы мҩа заҵәык ауп избо - аҧсуаи ҳареи ҳаизыҟазаашьақәа реиҕьтәра. Ҳара ҳабжьара адиалог иҟам ҳәа сгәы иаанагоит, уи даараӡа ицәгьоуп. Убри аҟынтә, Аҧсныҟа ҳхынҳәыр ҳҭахызар, ҧаса ҳара ҳабжьара иҟаз аизыҟазаашьақәеи агәреибагареи еиҭашьақәыргылатәуп.

Лаивпресс:
Қырҭтәыла ари аимак аҭыҧқәҵаразы иаҭаху аполитика мҩаҧыргоит ҳәа шәгәы иаанагома?

Нено Габелиа: Ари азҵаара уадаҩуп, аха аинтерес аҵоуп. Сара ари ахырхарҭала Қырҭтәыла имҩаҧнаго адәныҟатәи аполитика сҽалазгалар сҭахым, аха сгәы ишаанаго ала, аҧсуа жәлар рҟны аизыҟазаашьақәа реиҭашьақәыргыларазы аиҳабыра мацара ракәымкуа, ҳара ҳазынтәгьы иаҳа ирацәаны иҟаҳҵар ҳалшоит, избанзар аҧсуаа рыда Аҧсны ҳзырхынҳәуам.

Лаивпресс: Ҳаҧхьаҟа планқәас ишәымои, урҭ Қырҭтәыла, лымкаала Аҧсны иадҳәалоума?

Нено Габелиа:
Уажәазы стәыла аӡыргара ауп сзызҿлымҳау, ҳаҧхьаҟагьы ари аус назыгӡар сҭахуп. Иқәыҧшу ацҳаражәҳәаҩ имандат анынҵәалак, еиҭах аимак атема сазааҭгылар сҭахуп. Аҧсуааи ақырҭуааи аҿар, аишәа гежь иахатәаны, иахьазы иҳамоу апроблемақәа рылацәажәара ахьрылшаша аҧхынтәи ашкол еиҿыскаар сҭахуп.
Print E-mail
Twitter
Ари aмaтериaлқәa
Иуaне Џьaвaхьишивили ихьӡ зху Қaрҭтәи aҳәынҭқaррaтә университет aҿы
иҟоу
12:24 / 17.06.2019
Иуaне Џьaвaхьишивили ихьӡ зху Қaрҭтәи aҳәынҭқaррaтә университет aҿы иҟоу
Аҧснытәи астудент Гьаргь Циколиа Дырмит Гәлиа ихьӡ зху астипендиа
ирҭеит.
14:42 / 24.02.2019
Аҧснытәи астудент Гьаргь Циколиа Дырмит Гәлиа ихьӡ зху астипендиа ирҭеит.






Автор: Нино Ҭолорaиa

Шықәсқәa рaҧхьa, Аҟәa, «Склaд» зaхьӡу aкультурaтә aшҭaхәыҧш
еиҿыркaaит.
10:00 / 09.12.2018
Автор: Нино Ҭолорaиa

Шықәсқәa рaҧхьa, Аҟәa, «Склaд» зaхьӡу aкультурaтә aшҭaхәыҧш еиҿыркaaит.






Автор: Нино Ҭолорaиa

Биҷико (Гaри) Кодуa Жәыргьыҭ дынхоит, уи aгыруa-aқырҭуеи
aқырҭуa-aгыруеи жәaрқәa
15:07 / 08.11.2018
Автор: Нино Ҭолорaиa

Биҷико (Гaри) Кодуa Жәыргьыҭ дынхоит, уи aгыруa-aқырҭуеи aқырҭуa-aгыруеи жәaрқәa
Асоветтә репрессиақәа
Ажәaбжь ҿыцқәa
Жәыргьыҭ имҩаҧгаз колхидатәи аҩы афестиваль аҿы кәакьк Аҧсны иазкын.
Гыртәылеи импыҵахалоу Аҧсни еимыздо агәаҭара-аужьҭратә пункт аҿы,
Жәыргьыҭ ақырҭуа аҩы афестиваль "Диа" имҩаҧысит.
Жәыргьыҭ, aреферaлтә хәышәтәырҭеи aклиникa «Агәы»-и рмедперсонaл
Амультимедиa
Ақырҭуа ашә ажәытәтәи аҿыци ахкқәа Жәыргьыҭтәи ацәыргақәҵаҿы  [афото]
Апырпыл злоу ашә, еиуеиҧшм ахәсқәа рыла иҟаҵоу ашә, саҧерави иӡаашьу ашә,
Аботаникатә баҳча аартранӡа мызкы шагу [авидео]
Жәыргьыҭтәи аботаникатә баҳчаҿы аиҭашьақәыргыларатә усурақәа мҩаҧысуеит
Голландиатәи ашьынка арҧхарҭа Жәыргьыҭ [афото]
Жәыргьыҭ, Цаишьи ақыҭаҿ 65 шықәса зхыҵуа Гено Асаҭиани
Европа амшқәа Жәыргьыҭ ақалақь аҿы  [афото]
Гыртәыла – Хыхьтәи Шәантәыла аокругтә администрациа аҧхьа аҿар,
Ацирк агыгшәыгқәа рыда - Жәыргьыҭ имҩаҧгаз акциа
Жәыргьыҭ, ацирктә гыгшәыгқәа рыдгыларатә акциа мҩаҧысит.