Аилыркaaрa
Егры ацҳа, Аҟәа имҩаҧысуа апротесттә акциақәа раан [афото]
FaceBook Twitter
E-mail Print
Импыҵахалоу Галтәи араион иқәынхо ауааҧсыра Аҟәа имҩаҧысуа апротесттә акциа иазкны ирдыруа маҷуп. Дара ишырҳәаз ала, амедиахархәагақәа иаладырҵәо аинформациа мацароуп ирдыруа.

Аҧснынтә ацҳа дахысны Жәыргьыҭҟа иааиз апасаџьыр "Лаивпресс" акорреспондент ишлеиҳәаз ала, Галтәи араион аҿы ҭынчроуп, ампыҵахалатә цәаҳәа ахысра аганахьалагьы апроблемақәа иҟам.

Уаанӡа аларҵәара зауз аинформациа инақәыршәаны, иҟалар зылшо ашәарҭа амшала, атәылауаа импыҵахалоу аҵакырадгьыл иалҵуеит, аха, Галаа ари аинформациа шьақәыдмырҕәҕәеит, дара ишырҳәаз ала, шьыжьымҭан аҧыҧшырҭаҿы еснагь ауаа рацәоуп, иахьагьы убасҵәҟьа акәын ишыҟаз.

„Шьыжьымҭан еснагь ауаа рацәоуп, шьыбжьон аӡәгьы дыҟаӡам. Ателевизор ала избеит Аҟәа акциа шымҩаҧысуа. Ашәи аҧенџьырқәеи шҧырҽыз збеит.... аурысцәа ишырҭаху ауп зегьы шыҟало“, - иҳәеит Галтәи араион Дихазурга ақыҭаҿ инхо Нугзар Гвагвалиа.

Аоппозициа ахаҭарнакцәа идыруама, Рауль Хаџьымба иамхра иазкны игәы иаанагои ҳәа ажурналист даниазҵаа, Нугзар Гвагвалиа ишиҳәаз ала, Гал инхо ақырҭуаа аҧсуа аполитикцәа рыздырӡом, избанзар аполитикцәа Галаа ирҧылом.

Егьырҭ апассаџьырцәагьы Аҟәа, де-факто ахада иусмҩаҧгарҭаҿы имҩаҧысуа апротесттә акциақәа ирызкны ирдыруа рацәам. Урҭ реиҳара, де-факто ахада Рауль Хаџьымбеи иара иоппонентцәеи рзы ргәы иаанаго рҳәар рҭахым, егьырҭ рҳәамҭала, аполитикцәа рыздырӡом, избанзар ауааҧсыра ирҧыларц азыҳәан Гал аӡәгьы днеиуам.

Гал инхо Нинель Ҟолбаиа ишылҳәаз ала, Рауль Хаџьымба абри аҟара ауаа иҿагылазар, дыбзиамзар ҟалап.

„Иара дыбзиазҭгьы ауаа иҿагыломызт. Аполитикцәа сыздырӡом, урҭ игырцәаӡам, Гал аӡәгьы дзымбацт“, - илҳәеит Нинель Ҟолбаиа.

„Уаҟа, Аҟәа иҟоу сыздырӡом. Гал сахысны уахь сымцаӡацт. Амҩан исаҳаит уа аилаҩынтәра шыҟоу. Сара бзиарак ҟалап ҳәа сгәыҕуеит, ҳшеиҩызцәоу ҳаанхароуп, ҳаинаалароуп“, - иҳәеит Галҟа ицоз Роланд Зарқуа.

Аҧсны ахада иалхрақәа алҵшәақәа раҧыхра аҳәара ала, Аҟәа, аоппоциаа рыдгылаҩцәа апротесттә акциа мҩаҧыргеит ажьырныҳәа 9 рзы. Дара "ахада иусмҩаҧгарҭа" актәи аихагылаҿы аҧенџьырқәа ҧҽны, ахыбра иҩналеит.

Ажьырныҳәа 9 рзы, ҵхыбжьон, 19 бжьы рыла, Аҧсны де-факто апарламент адепутатцәа ақәҵара апроект рыдыркылан, Рауль Хаџьынба инапынҵақәа шьҭеиҵарц ибжьаргеит, ари аӡбара иақәшаҳаҭымхеит ҧшьҩык адепутатцәа. Аха, де-факто ахада ишааицҳаз ала, инапынҵақәа рышьҭаҵара игәы иҭам.

Аоппозициатә мчқәеи урҭ рыдгылаҩцәеи уажәгьы апротесттә акциа мҩаҧыргоит. Аамҭакала, Рауль Хаџьымба идгылаҩцәагьы акциа амҩаҧгара ргәы иҭоуп.
Print E-mail
Twitter
Ари aмaтериaлқәa
Аҳақьым Оҭар Маршава импыҵахалоу Аҧснынтә Жәыргьыҭҟа дхынҳәит мшаҧы
12 рзы.
20:20 / 16.04.2020
Аҳақьым Оҭар Маршава импыҵахалоу Аҧснынтә Жәыргьыҭҟа дхынҳәит мшаҧы 12 рзы.
Аҵыхәтәантәи амшқәа рзы Аҧсны иҟалаз ахҭысқәеи аҿыц алхрақәа
рымҩаҧгара
10:04 / 20.01.2020
Аҵыхәтәантәи амшқәа рзы Аҧсны иҟалаз ахҭысқәеи аҿыц алхрақәа рымҩаҧгара
Жәыргьыҭ инхо Ҭеимураз Ҭолораиа Казахстан имҩаҧысуаз жәларбжьаратәи
01:01 / 17.01.2020
Жәыргьыҭ инхо Ҭеимураз Ҭолораиа Казахстан имҩаҧысуаз жәларбжьаратәи
Иуaне Џьaвaхьишивили ихьӡ зху Қaрҭтәи aҳәынҭқaррaтә университет aҿы
иҟоу
12:24 / 17.06.2019
Иуaне Џьaвaхьишивили ихьӡ зху Қaрҭтәи aҳәынҭқaррaтә университет aҿы иҟоу
Акоронавирус

Асоветтә репрессиақәа
Ажәaбжь ҿыцқәa
Сынтәa Гaли Ахaлгори рҟынтәи 360ҩык aбитуриентцәa Қaрҭтәи иреиҳaӡоу aҵaрaиурҭaқәa
Нaнҳәaзы Анaклиa имҩaҧысуеит aелектронтә музыкa aфестивaль «Лиси aиленд».
Импыҵaхaлоу aҵaкырaдгьылқәa ирықәынхо aбитуриентцәa Қырҭтәылa иреиҳaӡоу
Аҧсни Гыртәылеи еимыздо ацҳаҿы уаҩ ишимбац ала ҭынчроуп.
Амультимедиa
Ишәҳaрдыруеит aботaникaтә бaҳчa иaхылaҧшуa aуaaҧсырa [aфото]
Аботaникaтә бaҳчa aaдыртуеит шьыжьымҭaн aсaaҭ 6 рзы, нaс aусзуҩцәa
Жәыргьыҭтәи афермер апандемиа аан ашәҭқәа шиҭиуа [афото]
Хышықәса ҵуеит афермер Леван Берулава, агазаниа, петуниа,
Алакә афырхацәа аниматорцәа рҭаацәара аҟынтә
Раҧхьаӡа акәны абгахәыҷы аформа ҟаиҵеит иӡҕаб хәыҷы ашьыжьқәгылара
Ақырҭуа ашә ажәытәтәи аҿыци ахкқәа Жәыргьыҭтәи ацәыргақәҵаҿы  [афото]
Апырпыл злоу ашә, еиуеиҧшм ахәсқәа рыла иҟаҵоу ашә, саҧерави иӡаашьу
Аботаникатә баҳча аартранӡа мызкы шагу [авидео]
Жәыргьыҭтәи аботаникатә баҳчаҿы аиҭашьақәыргыларатә усурақәа