Аилыркaaрa
Ахьыҧшымра ҳамоуп, ҳгәылацәеи ҳареи ҳаизыҟазаашьақәа рҭыҧқәҵара уаанӡагьы ҳалагар акәын - Ахра Аҩӡба
FaceBook Twitter
E-mail Print
Аҵыхәтәантәи амшқәа рзы Аҧсны иҟалаз ахҭысқәеи аҿыц алхрақәа рымҩаҧгара азыҧшреи - Аҟәа имҩаҧгаз акциақәа реиҿкааҩцәа иреиу ауаҩы аиҭакрақәас дыззыҧшу, Аҟәеи Қарҭи рыбжьара аиҿцәажәара алагара алшара дшазныҟәо, аҧсуаа апроцессқәа ррадикализациа ишацәцаз, - абарҭ азҵаарақәа рзы "Лаивпресс" акорреспондент аҭакқәа лиҭеит Ахра Аҩӡба.

Лаивпресс:
Аҧсны ауаажәлар, аамҭа-аамҭала, еиуеиҧшым аҳәарақәа рыла иқәгылон. Хаҭала шәара, ас еиҧш иҟоу арадикалтә формақәа шәхы иашәырхәаратәы ишәыдазцалеи? Шәара ишәыдгыло ауаа изусҭцәада - аоппозициаа рыдгылаҩцәа рацара ракәу, баша ауааҧсырагьы ракәу?

Ахра Аҩӡба: Атәыла аиҳабыра ишахәҭоу еиҧш аус руамызт, акгьы ҟар ҵомызт, убри аҟынтә, аханатә, аминистр данамырхуаз, ҧшь-жәлак рхаҭарнакцәа еизеит. Аҭакра аҿҳәра ду зықәнагаз ауаа иҭарымккәа, аҩнытә баандаҩтәра рықәҵаны, иоурыжьҭит. Нас, арҭ ауаа, аҩнытә баандаҩтәра шрықәызгьы, хҩык ршьит. Аминистр данамырх, иаразнакҵәҟьа ҧшьҩык ааныркылеит. Иаанкылаз ҧшьҩык рҟынтәи ҩыџьа атәыла ахада ихьчара аиҳабы иаб иашьаиҧацәа ракәын. Руаӡәы ҧаса ахада ихьчараҿы аус иуан, егьи - уажәгьы уааҵәҟьа аус иуеит! Абарҭ азҵаарақәа роуп атәыла ахада иахь ҳназгаз, ауаа уи анраҳа, еизеит, избанзар даргьы азҵаарақәа рыман. Нас, аоппозициа уи аҽны аӡбара шрымаз анеилаҳкаа, ҳрызнеины, иҳадгыларц ҳрыҳәеит.

Лаивпресс: Ҳара иаабаз авидео аҿы акциа алахәылацәа мчыла ахыбра иҩналеит. Ашәи аҧенџьырқәеи ҧырҽит. Абарҭ ахҭысқәа рзы аҭак зыҧхықәда, жәларбжьратәи ауаажәларра Аҧсны ишҧахәаҧшуа?

Ахра Аҩӡба: Ҳара ибзианы еилаҳкаауеит амедиахархәагақәа иҽеимкәа ҳшаадырҧшыз, аха ҳара ҳшаадырҧшыз акәӡам аус злоу, ҳажәлар рҧеиҧш иаҳа ихадоуп ҳәа сгәы иаанагоит! Атәыла ахада иакәын аҭакҧхықәра згашаз, аха иара ижәлар иакәымкәа дрызныҟәеит. Аҭакҧхықәра ихы иадиҵоит ҳәа сгәыҕуамызт. Сара ашҭаҿы, ажәлар зегьы рҿаҧхьа сықәгыланы исҳәеит - амчтә структурақәа русзуҩцәа аҩнымаҭәа ала абаррикадақәа ахьыҟарҵоз азы гәыбҕкан раҳҭом, избанзар урҭ аџьар ааныркылар рҭахын. Аха, зегьы реиҳа ихадоу, дара рҟынтәи аӡәгьы инапы шьҭиимхит, ҳаргьы убасҵәҟьа ҳхы мҩаҧаагеит! Иааркьаҿны иуҳәозар, акомиссиа алахәылацәа иҧхасҭоу, иҧҽу зегьы иҧхьаӡаны иҳарҳәоит, нас, ҳазынтәгьы ҳаилаланы азарал ҳахарҭәаауеит! Ажәлар ианеилыҵ, ауасҭацәа неины, аҧенџьырқәеи ашәқәеи ишәаны, Аҳәынҭқарратә Ахьчаратә Маҵзура ирырҭеит! Азинтә ганахьала иуҳәозар, апрокуратурантә исзасит, сара сакәу даҽаӡәы иакәу, изхарарҵо аабап.

Лаивпресс
: Аҿыц алхрақәа рҟынтәи шәыззыҧшуи? Шәгәы ишҧаанаго, аоппозициа аиааира ргаратәы, убри аҟара ауаа рыдгылома?

Ахра Аҩӡба: Ҧасатәи алхрақәа раан аоппозициа иаҵахеит, аха, ишаадыруа ала, изыҧхьаӡо иоуп аиааира зго! Атәыла ахада Аконституциа еилеигеит, абри акәын сара сзы ихадаз. Иара еснагь иажәахәы абас далагон - "Сара Аконституциа ахьчара еиқәсыршәоит". Анеҩстәи алхрақәа рҿы амчреи аоппозициеи ҳәа еилых ҟалом ҳәа сгәыҕуеит. Иаҳзеиҧшу акандидатцәа рықәыргылара ҳалшап ҳәа сгәыҕуеит!

Лаивпресс: Шәара Рауль Хаџьымба ақырҭуа аҕьычцәа дрыдгылоит ҳәа ихарашәҵеит. Конкретла шәызлацәажәоз шәҳәар шәылшома? Дышҧарыдгылоз, зыӡбахәы шәҳәаз ауаа Аҧсны азин ҷыдақәа рымазма?

Ахра Аҩӡба:
Аҕьычцәа рхаҭа, ма дара рхаҭарнакцәа ианаауаз, аминистрцәа рмашьынақәа рыла ирҧылон, аминистрцәа дара рҟынтә аҳамҭақәа ргон. Иҵегьы ииашамкәа иҟарҵоз рацәан! Снапынҵақәа шьҭасҵеит, ари атема усҟаҟ алацәжәара иаҧсам ҳәа сгәы иаанагоит! Бырзентәылантә аҕьыч араатәи ақәлаҩцәеи ацәгьауцәеи драцәажәозар, арҭ ацәгьауцәа атәыла ахада изааигәоу ауаа рахь анеира азин рымазар, уи ииашам ҳәа сгәы иаанагоит!

Лаивпресс: Аҧсны ауааҧсыра рыхәҭак аҧсуа политикцәа ақырҭуа медиахархәагақәа аинтервиу ахьырҭаз ргәамҧхеит. Асоциалтә аҳақәа рҿы ишырҩуа ала, ақырҭуаа Аҧсны ахьыҧшымра иазхарҵаанӡа, рацәажәара иахәҭам. Аха, Алхас Кәыҵниеи, Сергеи Шамбеи, Аслан Бжаниеи Қарҭи Аҟәеи рыбжьара адиалог иалагатәуп ҳәа рҳәеит. Шәара уи иахышәҳәаауеи?

Ахра Аҩӡба: Сгәы ишаанаго ала, раҧхьа иргыланы, ҳара Гал инхо ҳтәылауаа реиҿцәажәара ҳалагароуп, нас, аҳәаа иаҧну аҵакырадгьыл иқәынхо ауааҧсыра ҳрацәажәароуп. Ауаа изыргәамҵуа зегьы еилкааны, убри ашьаҭа ала адиалог ҳалагароуп. Уажәазы уезгьы адиалог иҟоуп - Женеватәи аиҿцәажәарақәа, аха, 27 шықәса рыла изакәызаалак лҵшәак иҟоума? Ауаа абри аҩыза акомментариақәа аныҟарҵо, ҳара Урыстәылантә ҳнаҳәны, Қырҭтәылаҟа ҳхынҳәуазшәа ргәы иаанагоит, убри азоуп ари азҵаара агрессиала изызныҟәо. Ақырҭуа еилыркаароуп ҳара ҳшеигәылацәоу, ҳәынҭқаррак ҳшаҵанамкуа, убасҟан Аҧсны ауааҧсырагьы ас еиҧш иҟоу аҳәамҭақәа ҭынч ирыдыркылоит. Ҳажәларқәа аимадара рыбжьазароуп, аха азеиҧш ҳәынҭқарра ҳалацәажәозар, ҭагылазаашьак аан ауп уи еиҧш алшара аныҟало, Қырҭтәыла Аҧсны аилазаара иалалар.

Лаивпресс: Аҧсны ахада ҿыц иахь аҳәарас ишәымои, иара иҟынтә шәыззыҧшуи? Шәыззықәҧои, алҵшәас ишәоур ишәҭахи?

Ахра Аҩӡба: Ахадаратә аҳәарас исымоу абри ауп - ахада ҿыц ажәлар еидикылароуп, амилаҭреи аполитикатә хәаҧшырақәеи рыла еилых ҟамҵакәа! Агырцәа аиашамра дыриашаратәы алшара раҳҭазар, рпаспортқәа рҿы амилаҭра аграфаҿы ақыруа ацынхәрас агыруа ҳәа ианырҵаратәы азин раҳҭазар, нас, алхрақәа раан апаспортқәа рыҭара азҵаара еснагь изықәҳаргылои, даргьы ҳтәылауаа шракәу игәныргаратәы алшара раҳҭароуп, избанзар ашәамахьцәеи агырцәеи алхрақәа мацара раан иҳгәалаҳаршәоит! Ҳаиҿагыло акәымкәа, ҳаидгыланы ҧхьаҟа ҳанцаша аамҭа ааит! Ахьыҧшымра ҳамоуп, аекономика аҿиареи ҳгәылацәа рҟны аизыҟазаашьақәа рҭыҧқәҵареи уаанӡагьы ҳалагар акәын!!!

Аматериал иалоуп Аҧсны ахархәара змоу атерминологиа.
Print E-mail
Twitter
Ари aмaтериaлқәa
Аҳақьым Оҭар Маршава импыҵахалоу Аҧснынтә Жәыргьыҭҟа дхынҳәит мшаҧы
12 рзы.
20:20 / 16.04.2020
Аҳақьым Оҭар Маршава импыҵахалоу Аҧснынтә Жәыргьыҭҟа дхынҳәит мшаҧы 12 рзы.
Жәыргьыҭ инхо Ҭеимураз Ҭолораиа Казахстан имҩаҧысуаз жәларбжьаратәи
01:01 / 17.01.2020
Жәыргьыҭ инхо Ҭеимураз Ҭолораиа Казахстан имҩаҧысуаз жәларбжьаратәи
Импыҵахалоу Галтәи араион иқәынхо ауааҧсыра Аҟәа имҩаҧысуа
апротесттә акциа иазкны ирдыруа маҷуп.
11:00 / 11.01.2020
Импыҵахалоу Галтәи араион иқәынхо ауааҧсыра Аҟәа имҩаҧысуа апротесттә акциа иазкны ирдыруа маҷуп.
Иуaне Џьaвaхьишивили ихьӡ зху Қaрҭтәи aҳәынҭқaррaтә университет aҿы
иҟоу
12:24 / 17.06.2019
Иуaне Џьaвaхьишивили ихьӡ зху Қaрҭтәи aҳәынҭқaррaтә университет aҿы иҟоу
Акоронавирус

Асоветтә репрессиақәа
Ажәaбжь ҿыцқәa
Аҧсни Гыртәылеи еимыздо ацҳаҿы уаҩ ишимбац ала ҭынчроуп.
Азакәанҧҵаратә дырраҭара инақәыршәаны, ашьауҕатә закәанеидкыла аҧсахрақәа алагалоуп,
Иахьа Жәыргьыҭтәи аботаникатә баҳча иҧшшәылоу аҧсыӡқәа ҳамҭас арҭеит.
Амультимедиa
Жәыргьыҭтәи афермер апандемиа аан ашәҭқәа шиҭиуа [афото]
Хышықәса ҵуеит афермер Леван Берулава, агазаниа, петуниа,
Алакә афырхацәа аниматорцәа рҭаацәара аҟынтә
Раҧхьаӡа акәны абгахәыҷы аформа ҟаиҵеит иӡҕаб хәыҷы ашьыжьқәгылара
Ақырҭуа ашә ажәытәтәи аҿыци ахкқәа Жәыргьыҭтәи ацәыргақәҵаҿы  [афото]
Апырпыл злоу ашә, еиуеиҧшм ахәсқәа рыла иҟаҵоу ашә, саҧерави иӡаашьу
Аботаникатә баҳча аартранӡа мызкы шагу [авидео]
Жәыргьыҭтәи аботаникатә баҳчаҿы аиҭашьақәыргыларатә усурақәа
Голландиатәи ашьынка арҧхарҭа Жәыргьыҭ [афото]
Жәыргьыҭ, Цаишьи ақыҭаҿ 65 шықәса зхыҵуа Гено Асаҭиани