Аилыркaaрa
Аҿар ҳара ҳҟны аиҩызаразы ихиоуп - Аҧснытәи аблогер
FaceBook Twitter
E-mail Print
Гела Хасиа импыҵахалоу Аҧсны далҵит. Иахьа иара Қырҭтәыла анапхгара изхылаҧшуа аҵакырадгьыл аҿы дынхоит, аха, изгәакьоу Галтәи араион аҿы ауаа рзинтә ҭагылазаашьа иазкны лассы-лассы иҩуеит. Убри азыҳәан Феисбуқ блог "Аҧсуа хҭысқәа" аҧиҵеит. Уаҟа, ажәабжь ҿыцқәа инрываргыланы, афотоҭыхымҭақәеи авидеонҵамҭақәеи жәбар шәылшоит.

Лаивпресс: Раҧхьа иргыланы, аҧхьаҩцәа шәара ишәызкны ирзеиҭашәҳәар ҳҭахуп. Шәызусҭоу, шәызҿу.

Гела Хасиа: Сара Аҧсны, Галтәи араион Саберио ақыҭа салҵит. Суацәа зегьы уажәгьы уа инхоит. Гал ашкол салгеит. Нас, Аҧснытәи аҳәынҭқарратә университет аҭалара сҽазыскит. Абри аҩыза аӡбара адкылара мариамызт, избанзар уи иҵоуроугьы иҵоурамгьы аганқәа амоуп.

Лаивпресс:
Абри аӡбара бзиарас ма цәгьарас иамази?

Гела Хасиа: Ҧаса аҧсуа аҩызцәа сыман. Афбатәи абыжьбатәи акласс санҭаз проблемақәак ҳабжьалеит, алагерқәа рҿгьы аимадара ҳцәыуадаҩын. Еснагь галааи аҟәааи ҳәа хаз-хазы, ҳҽеиҩшаны ҳаҟан. Иарбанзаалак проект ҳаицалахәхәо, уҳәа, уи еиҧш акгьы сгәалашәом.

Лаипресс: Избан? Шәеиҩызшодаз? Мамзаргьы, шәара шәхала уи еиҕьашәшьозма?

Гела Хасиа: Ари аганахьала аҩ-ганк ҳаиҧшын, азнеишьак акәын иҳамаз. Ҳара еснагь ҳгәы иаанагон дара ҳара ҳҟны аиҩызара рҭахым ҳәа. Даргьы убасҵәҟьоуп ргәы ишаанагоз. Галаа ҳаргәаҧхом ҳәа. Аҭаацәагьы, ашколгьы, ҳахьынхоз алагылазаарагьы, ажәларгьы, дара роуп абри зегьы зхароу. Избанзар, уара ушрызнеиуа ауп даргьы ушрыдыркыло. Галтәи араион иқәынхо ахәыҷқәа еснагь хазы ҳаҟан. Ауадақәа ҳаныҩнарҵозгьы, галаа хазы ҳаҩнарҵон, дара хазы иҟан, сара еснагь уи сгәы иалан, исгәаҧхомызт, еснагь апротест ҟасҵон. Аха, нас, хәыҷы-хәыҷла аицәажәара ҳалагон, ҳаиҩызцәахон. Сара уи сгәаҧхон, избанзар ҳаизыҟазаашьақәа рҿы ак сыҧсахыр сҭахын. Даараӡа интересс исыман ауниверситет аҿы ҳаиҩызцәахару ҳәа. Аха, егьи аганахьала, ҳара ҳҿы еснагь ирҳәалоит Аҧсуа ауниверситет уалгар, Гес ма ашкол аҿы аусура уқәшәоит, уаҳа усурҭа уоуам ҳәа, сара уи хасҵомыз, аха, аҵаратә процесс аан еилыскааит уи шиашаз, Аҟәа ма Очамчыра аусурҭа сшырымҭоз.

Насгьы, аурыс пропаганда сзаҿагыломызт, абри ауп иҵоурам аганс исыҧхьаӡо. Заанаҵы издыруан уаҟа иаартын сгәаанагара шысзымҳәоз. Иара убас, алекторцәа ҳара ишҳазныҟәозгьы здыруан, изныкымкәа исаҳахьан дара ақырҭуа хәыҷқәа ҽакала ишрызныҟәоз, рбаллқәа дырмаҷуан. Саргьы убас сзыруит. Алекторцәа реиҳара сбаллқәа дырмаҷуан. Уара уқырҭуам, угыруоп ҳәа зҳәозгьы иҟан. Раҧхьатәи апроблема сызцәырҵит Аҧсны аҭоурых азы аҧышәа анысҭиуаз. Ишьҭысхыз абилеҭ зынӡаскгьы даҽа зҵаарақәак анын, аха, дара, цасҳәа, аибашьра иазкны азҵаарақәа сырҭо иалагеит. Хышықәса уаҟа аҵара сҵон, нас, Қарҭ иҟоу Аҟәатәи ауниверситет ашҟа сиасит.

Лаипресс: Избан, абри аҩыза аӡбра зшәыдышәкылеи?

Гела Хасиа: Амзызқәа рацәоуп, аха амзыз хада шәасҳәоит. Цқьа сазхәыцын, еилыскааит Гес ма галтәи ашкол мацараҿ аусура сшықәшәоз, уаҳа изакәызаалак перспективак соуӡомызт. Насгьы, еснагь аполициашҟа унеины темақәак урылацәажәар акәын. Иаҳҳәап, ауниверситет ахь инеины иҵаауан акурс аҿы ақырҭуа-агыруа дыҟоума ҳәа. Нас иҳаҧхьон. Қырҭтәыла аимадара шәымоума, ишәымазар изакәытә еимадароу ҳәа иҳазҵаауан. Аусеицура ҳадаргалон, ҳара мап рцәаҳкуан. Аха, абри зегьы бзиарак ацын. Уаҟа сахьынӡаҟаз, хышықәса рыҩнуҵҟа, ауниверситет астудентцәа рҟны, акурс аҿы исыцҭаз сҩызцәа рҟны, сгәылацәа рҟны, аҿар рҟны изакәызаалак проблемак сымамызт. Уимоу, алектор иҿаҧхьа исыдгыланы санырыхьчозгьы имаҷымкәа афактқәа сгәалашәоит. Апротест ҟарҵон, абас шәиацәажәар ҟалом ҳәа.

Лаивпресс: Шәстереотипқәа ибгеит...

Гела Хасиа:
Ааи. Аҧсуа аҿар ҳара ҳҟны аимадареи аиҩызареи иазыхиоуп. Аха, аимадара ҟаларцаз ахадаратә закәанк уақәныҟәароуп - дара рполитикеи аҵакырадгьылтә акзаареи алацәажәара ҟалом. Даргьы, Аҧсны ҳара ишаҳтәу еилукаароуп ҳәа, сатәамбакәа исацәажәомызт. Саргьы, ус акәӡам ишыҟоу ҳәа раҳәара схы иаҭәасшьомызт.

Лаивпресс: Аҧсны шәықәҵит, аха, иахьагьы уаатәи ахҭысқәа ирызкны аҩра шәаҿуп. Феисбуқ аҿы аблоггьы аҧышәҵеит. Шәҳәатәы шәҳарцаз абри аформа залышәхи? Абри зегьы зызкуи?

Гела Хасиа: Аҧсноуп зегьы реиҳа идуу апроблема ахьыҟоу, аха, ари араатәи аганаҿы иҟоу ауаа уаҟа иҟоу рыдзырӡом, аинформациа рымам. Қарҭ иҟоу Аҟәатәи ауниверситетахь санааи аҿар исазҵаауан, урысшәала аҵара шҧашәҵоз, ақырҭшәала иҟамлаӡози? Абри аҩыза азҵаарақәа ансырҭоз Аҧсны архынҳәра иадҳәаланы исымаз агәыҕрақәа зегьы сцәыӡуан. Ажәлар аинформациа ииаша рымамзар, ари аус иазҿлымҳамзар, аизыҟазаашьақәа ҳзеиҭашьақәыргылом ҳәа сгәы иаанагоит. Сара Аҟәа саныҟазгьы активра ду сылан. Ахҭысқәа зегьы срызхәыцуан, абри шәарҭазар ҟалап ҳәа схәыцуан. Аҟәа агәҭанынтә алиав аҿакны, ақырҭшәала сцәажәон. Даӡәымкәа ақырҭуаа рыҩнқәа дсырбеит. Арахь санааи, ибзиаҵәҟьаны еилыскааит саргьы аҭакҧхықәра шсыду. Блогерс сҟалар сҭахуп ма сара сыблогеруп ҳәа ахаангьы исымҳәацызт. Аха, аӡәы идымхаргьы, аинформациа ииаша исҭар, уигьы акраҵанакуеит. Сара издыруа, избахьоу рзеиҭасҳәар бзиоуп ҳәа сгәы иаанагоит. Нас дара рхала ирыӡбааит аиаша ахьыҟоу.

Лаивпресс: Шәара, иаартны, аргама галаа рзинқәа шәанрылацәажәо, уаҟа иҟоу шәуацәа проблемақәак рызцәырҵыр ҳәа шәымшәаӡои?

Гела Хасаиа:
Аҧсны саныҟаз абри апроблема сыман. Усҟан сшьаҿа цыҧхьаӡа иаҳа иацклаҧшуан. Сҭаацәа ирзаарыцҳауан шәихылаҧш ҳәа. Аха, иахьа… Сахьынӡаиашоу сыздырӡом, аха, иахьа активра аасырҧшуеит. Ателееилахәыра алагьы сықәгылеит, аргама темақәак срылацәажәон, аха, суацәа аӡәгьы дырзымнеит. Иаҳҳәап, абни аҷкәын, Гал аҧсуа бираҟ зыблыз, абри аҩыза ахҭыс 6-7 шықәса раҧхьа иҟалазҭгьы, агәра ганы сыҟоуп уааҵәҟьа дшыршьуаз. Уи ала исҳәарц исҭаху акоуп, ҳара иҳшазҳауа, ҳашҿиаауа еиҧшҵәҟьа, Аҧсныгьы иҿиаауеит.

Лаивпресс: Ауниверситет аҿы аҵара шәыцызҵоз шәҩызцәа рҟны аимадара шәымоума?

Гела Хасаиа: Ааи, исымоуп. Феисбуқ ала аимадара ҳамоуп. Ақырҭшәала изыҩуа спостқәа зегьы урысшәала иаҧхьар рылшоит, Феисбуқ абри аҩыза афункциа амоуп, даргьы иаҧхьоит. Сара сгәаанагара сҳәоит. Убри аҟынтә, дара санрылацәажәо, еснагь сгәы сҽануп, иҟамыз сҳәар сҭахым.

Лаивпресс: Аҧсны атемазы аусура нашәыгӡома? Аконкреттә план шәымоума? Уахь ацара шәгәы иҭоума?

Гела Хасиа: Иахьатәи аиҿкаарақәа реиҳара реиҧш акәымкәа, абри ахырхарҭала реалла аус зуша иҳәынҭқарратәым аиҿкаара еиҿыскаар сҭахуп. Аҧсны иқәынхо ауааҧсыра рпроблемақәа рыӡбараҿы ирыцхрааша аиҿкаара ҳҭахуп. Импыҵахалоу аҵакырадгьыл аҿы инхо ауаа ахьнеиша, ак ахьыҟарҵаша ҭыҧк, қәыҧшыларак, аконкреттә локациак иҟам. Аиҿкаарақәа реиҳара ацәажәара ада акгьы ҟарҵом. Аҧсны шәхашәмыршҭын ҳәа акадрқәа ҳдырбоит. Реалра иуҳәозар, аӡәык - ҩыџьак рыда, аус ҟазҵо ҳәа уаҩ дсыздырӡом.

Анеиааира иазкны исҳәар сҭахуп. Аҧснытәи аҳәынҭқарратә университет сынҭазгьы, аамҭалатәи адокумент акәын исымаз. Уаатәи апаспорт сымамызт. Административтә аҳәаа ҩышықәса сахымсыцт, убри аҟынтә сдокумент аҧырхуп. Адокумент сзыҟаҵар, хымҧада сцоит, избанзар цәгьарак ҟасымҵеит, проблемак сызцәырҵып ҳәа сыҟам.

Лаивпресс: Иҵегьы ак шәҳәар шәҭахызар?

Гела Хасаиа: Импыҵахалоу аҵакырадгьыл иқәынхо ауаа арегулиациақәа ма азинҷыдақәа анырзышьақәдыргыло, уи аҧсуаа ма ақырҭуаа мацара рзы иҟазар ҟалом. Ауаа зегьы абарҭ азинқәа рхархәара алшара рымазароуп. Аҧсуаа галаа рзинқәа ладырҟәоит ҳәа ҳҳәоит, аха, аамҭакала, Қырҭтәылагьы абарҭ азинқәа ладырҟәоит, абри ауп рыцҳарас иҟоу. Иаҳҳәап, агәабзиарахьчара, аҧсуаа агәабзиарахьчара иадҳәалоу ахарџьқәа зегьы 100%-ла ирзыршәоит. Ҳҳәынҭқарра уи ахьыҟарҵо сгәы иаахәоит, аха, уаҟа инхо ақырҭуаагьы абри аҩызаҵәҟьа азин рымазароуп.

Ҳара ҳҭагылазаашьа ҩынтә еицәоуп. Алхрақәагьы срылацәажәар сҭахуп. Аҳәынҭқарра аганаҟынтә ҳәамҭакгьы ҟаҵамызт, абарҭ ауаа алхрақәа рылахәызаара ахьрылымшо ҳаргәамҵуеит ҳәа аӡәгьы имҳәеит. Абри аус иадҳәаланы изакәызаалак платформак рхы иадмырхәит. Даргьы абжьыҭира азин ахархәара рылшаратәы ак ҟаҳҵап ҳәа иагьазымхәыцит. Абри ала исҳәарц исҭаху абри ауп: аҧсуаа ҳагәхьаа ркым, аха, рыцҳарас иҟалаз, ақырҭуа агангьы уамак иҳазҿлымҳам.
Print E-mail
Twitter
Ари aмaтериaлқәa
Галтәи араион Саберио ақыҭан иҟоу ахәышәтәырҭа ацхырара лас
амаҵзура Гал 8 қыҭаки 1000ҩык раҟара Егры Гес аусзуҩцәеи рымаҵ
ауеит. Импыҵахалоу аҵакырадгьыл аҿы апандемиа ишахылаҧшуа, аимак
иалахәы аганқәа ари ахырхарҭала аус шеицыруа атәы
19:54 / 16.02.2021
Галтәи араион Саберио ақыҭан иҟоу ахәышәтәырҭа ацхырара лас амаҵзура Гал 8 қыҭаки 1000ҩык раҟара Егры Гес аусзуҩцәеи рымаҵ ауеит. Импыҵахалоу аҵакырадгьыл аҿы апандемиа ишахылаҧшуа, аимак иалахәы аганқәа ари ахырхарҭала аус шеицыруа атәы "Лаивпресс" акорреспондент илзеиҭалҳәеит ацхыраара лас амаҵзура адиректор Хаҭуна Гаргулиа.

Лаивпресс: Аинтервиу ҳалагаанӡа шәара ишәызкны хәыҷык иаҳзеиҭашәҳәа.

Хаҭуна Гаргулиа: 2005 шықәса инаркны Галтәи араион аҿы аус зуеит, ЕгрыГес аиланхарҭаҿы, лымкаала, Саберио ахәышәтәырҭаҿы иҟоу амедицинатә цхыраара лас амаҵзура санапхгаҩуп. Сҭаацәароуп, 3ҩык ахылҵ сымоуп, Қарҭтәи аҳәынҭқарратә университет адокторантура сҭоуп. Уаанӡа еиуеиҧшым жәыргьыҭтәи амедицинатә клиникақәа рҿы аус зуан, аха, апандемиа сҧырхагахан, шықәсык ҵуеит Саберио сыҟоижьҭеи.

Лаивпресс: Еиуеиҧшым аклиникақәа рҿы аус зуан ҳәа шәҳәеит, нас, Галтәи араион изеиҕьашәшьеи?

Хаҭуна Гаргулиа: Сара Саберио салҵит, ашколгьы абра салгеит, схәыҷра зегьы абра имҩаҧызгеит. Убри азоуп абри азанааҭгьы залсхыз.

Усҟан, ҳшәаны, аҧенџьыр ҳкылҧшуамызт. Ҳқыҭаҿ ҧҳәыск дынхон, Мимоза Миқаиа, иахьа амедиеҳәшьас аус луеит. Уажәы сара исхыҵуа ауп аибашьараан илхыҵуаз, 35 шықәса. Лыҩны санахәаҧшуаз, уаҟа алашара анызбоз, агәыҕра сызцәырҵуан, избанзар усҟан амедпунктгьы ахәышәтәырҭагьы иҟамызт, Мимоза заҵәы лакәын иҟаз. Лара, феидак лымамкәа, егьа амш цәгьазаргьы, аҽылагьы, атрактор алагьы, шьапылагьы, ацхыраара зҭахыз ауаа дрызнеиуан. Зегьы ҳаҭыр лықәырҵон, лара лзы изакәызаалак ҧынгылак иҟамызт. Санлыхәаҧшуаз еснагь гәазыҳәарак акәын исымаз, сандухалак Мимоза леиҧш, саргьы ауаа срыцхраауеит ҳәа. Абри аҧҳәыс ҿырҧшыгас дысзыҟалеит, лара лыбзоуралоуп абри азанааҭ шалысхыз.

Лаивпресс: Шәара уадаҩрақәас ишәымази, апандемиа иахылҵыз апроблемақәа ӡбашьас ирышәҭои?

Хаҭуна Гаргулиа: Апандемиа алацәажәара ианалага, ҩнуҵҟала сгәамҵуа салагеит, избанзар апроблема дуқәа шцәырҵуаз здыруан. Аҧсны раҧхьатәи аковид - пациент сара дсыдыскылеит. Лара Урыстәылантә дааит, амцашоура лыман, акоронавирус ҿылкаазар ҟалап ҳәа ҳгәы иаанагеит. Апациент лымҩангаразы аџьабаа ду аабеит. Убри ашьҭахь еснагьтәи ахиазаара арежим ашҟа ҳаиасит.

Лаивпресс: Шәара аус ахьыжәуа ақыҭаҿ ҭагалан ауаа рацәа акоронавирус ҿыркааит, абри аамҭа иазкны иаҳзеиҭашәҳәа.

Хаҭуна Гаргулиа: Цәыббразы ҽнакала 28ҩык акоронавирус адиагноз рзышьақәдырҕәҕәеит, убри ашьҭахь авирус аларҵәара ацәқәырҧа иалаган, мызкибжаки инагӡахеит. Аамҭа цәгьа ҳҭагылан. ЕгрыГес администрациеи анапхгаҩы Леван Мебониеи ракәымзҭгьы, иаҳа иаҳцәыуадаҩхон. Иара, хаҭала, ПЦР атестқәа рыла ҳаиқәыршәареи, апациентцәа рымҩангареи апроцесс далахәын, дҳадгыланы, ҳара ҳаиҧшҵәҟьа аус иуан, апандемиа ахылаҧшра апроцесс аҿы аџьаабаа ду ибеит. Аха, ацентртә напхгара абри аҵакырадгьыл изахылаҧшуам, Қырҭтәыла егьи ахәҭаҿы иҟоу аменеџьмент абра ирзеиқәдыршәом. Де-факто анапхгарагьы Галтәи араион иқәыყхо ауааҧсыра хшыҩзышьҭра рырҭом, убри аҟынтә, ҳара ҳхала, хаҭалатәи аимадарақәа ҳацырхрааны, иҳалшо ала аусура наҳагӡоит. Аха, иахьа иҟаҳҵо уаҵәы иаҳзыҟамҵар ауеит, избанзар апандемиа ахылаҧшра аганахьала иаку астратегиа ҳамам.

Лаивпресс: Шәусурамш ишҧамҩаҧысуа?

Хаҭуна Гаргулиа: Имариоуп ҳәа сызшәаҳәом. Апациентцәа рхылаҧшра мацара акәӡам ҳазҿу. Сара сҳақьымуп, апациент данаарго, агәаҭара-аужьҭратә пункт аҟынӡа днаскьазгароуп, апациент диагатәызар идокументқәа еиқәсыршәароуп. Аҭыҧаҿы адиагностика аҟаҵара ҳцәыуадаҩуп, ҳара макьана аинспекциеи апальпациеи аҩаӡаараҿ ҳаҟоуп, абри ауп рыцҳарас иҟалаз.
Уажәтәи сусуратә ҭагылазаашьеи уаанӡа аус ахьызуаз Қарҭтәи агастроентерологиатә центри жәыргьыҭтәи аклиникақәеи рҿы иҟаз аҭагылазаашьеи зынӡаскгьы еиҧшым. Уаҟа адиагностика мацара снапы ианын, абра, Саберио ҽакалоуп ишыҟоу. Иаҳҳәап, иузымдыруа ауаҩы дузасны, иуаиҳәоит иҭаацәара алахәылак игәы бзиам, аха, административтә аҳәаа ахысразы иаҭаху адокументқәа еиқәыршәам ҳәа. Нас, иара ҳицхраарц азыҳәан, альтернативтә мҩақәак рыҧшаара ҳалагоит, де-факто анапхгара еиуеиҧшым русбарҭақәа ҳрыдҵаалоит, хаҭалатәи аимадарақәа ҳхы иаҳархәоит. Зны-зынла, 6, 7 сааҭ аужьҭратә пункт аҿы сыҟоуп. Ҳәарада, иуадаҩуп, абри аус аџьабаа дуи, аамҭеи, аҧышәеи аҭахуп, ауаа урыцхраарц азыҳәан аганқәа агәреибагара рыбжьазароуп. Иуадаҩӡоу аҭагылазаашьаҿы аус аауеит, избанзар ҳара ҳзы апротоколқәа иҟам, аконсультациақәа ҳзымҩаҧыргом.

Лаивпресс: Аимак иалахәы аганқәа апандемиа ахылаҧшразы аус еицыруеит. Егры ацҳаҿы апациентцәа иоурыжьҭуеит, шәгәы ишҧаанаго, апандемиа ашьҭахь арҭ аимадарақәа аанхарыма?

Хаҭуна Гаргулиа: Ҳара агәабзиарахьчара ахырхарҭала кыршықәса рыҩнуҵҟа аус еицаауеит, аҭыҧаҿы зхәышәтәра ҟамлоз апациентцәа ацҳа ахысраҿы уаанӡагьы ҳрыцхраауан. Аха, уи мариамызт. Зҭагылазаашьа цәгьаз апациентцәа риагаразы 24 сааҭ анаҳҭаххозгьы иҟан, усҟан ареанимациатә уснагӡатәқәа рымҩаҧгара ҳақәшәон, аҭыҧаҿы ҳархылаҧшыр акәын, апандемиа аан апациентцәа риагара иаҳа имариахеит, аха акоронавирус ҿызкааз апациентцәа мацара роуп сызлацәажәо, избанзар де-факто анапхгара Аҟәа, ма Гәдоуҭатәи аковид-центр аҿы Гал ауааҧсыра рыдыркыларатәы алшара рымамызт. Акоронавирус ала ичмазаҩыз апациентцәа уадаҩрада административтә аҳәаа иахысуеит, аха, Егры анхыҵ аҽыхәышәышәтәра зҭаху егьырҭ ауааҧсыра, ачымазара лаҿқәеи акьыба ачымазареи змоу апациентцәа апланла ирыхәҭоу аконсультациақәа рыда иаанхеит. Убри аҟынтә, апандемиа ашьҭахь апациентцәа рымҩангара нарыгӡап ҳәа сыҟам.

Лаивпресс: Ацентртә напхгара ишәыцхраауама?

Хаҭуна Гаргулиа: Авирус аларҵәара ианалага хыла-гәыла ҳаилан, аха ацентртә напхгара иҳадгылеит, акоронавирус адиагноз ззышьақәдырҕәҕәоз апациентцәа зегьы ацентртә напхгара изхылаҧшуа аҵакырадгьыл ашҟа ииаган. Раҧхьатәи апациентцәа Сачхеретәи аклиникаҿы ишьҭан, анеҩстәи апациентцәа егьырҭ аклиникақәеи аковидсасааирҭақәеи рышҟа инаргон.
Аха, ацентртә напхгара, импыҵахалоу аҵакырадгьыл аҿы аус зуа аҳақьымцәа рҟны иаҳа аимадара рымазароуп. Ҳара изныкымкәа, ҳпроблемақәа ирыдҳәаланы еиуеиҧшым аусбарҭақәа ҳрыдҵаалахьеит. Аматериал-техникатә база аиҕьтәра, аџьаусҧса ацҵара уҳәа, имаҷымкәа апроблемақәа ҳамоуп. Шәара харантә ишыжәбо еиҧш акәӡам Аҧсны аҭагылазаашьа шыҟоу, аҭагылазаашьа иаҳа ицәгьоуп. Ҳаргьы убри азоуп абра ҳзыҟоу, абри зегьы ҳалацәажәароуп, иаҳҳәо иазыӡырҩны, ҳпроблемақәа лабҿаба ирбар ҳҭахуп. Амашьына анҽеим, ихьанҭоу апациент автобусла имҩангара ануқәшәо даараӡа иуадаҩуп. Сара сџьаусҧса Егры анхыҵ аус зуа сколлегацәа рџьаусҧса аҵкыс хынтә имаҷуп, убри азоуп апрофессисоналтә кадрқәа араантә иқәҵны изцо.
Аха, уезгьы, ҳара ишахәҭоу еиҧш аҭагылазаашьа ҳахылаҧшуеит, сгәыҧ алахәылацәа зегьы убри азыҳәан ҭабуп ҳәа расҳәар сҭахуп. Апандемиа ианалага инаркны иахьанӡа акоронавирус ала ичмазаҩыз 500ҩык раҟара апациентцәа ҳадаҳкылеит, урҭ рҟынтә 300ҩык иреиҳаны Егры анхыҵ риагара ҳалшеит.
Аҧсны де-фaкто aхaдa Аслaн Бжьaниa изныкымкәa иҳәaхьеит aқырҭуa
aгaн рҟны aдиaлог aлaгaрa дшaзыхиоу.
14:55 / 17.07.2020
Аҧсны де-фaкто aхaдa Аслaн Бжьaниa изныкымкәa иҳәaхьеит aқырҭуa aгaн рҟны aдиaлог aлaгaрa дшaзыхиоу.
Аҳақьым Оҭар Маршава импыҵахалоу Аҧснынтә Жәыргьыҭҟа дхынҳәит мшаҧы
12 рзы.
20:20 / 16.04.2020
Аҳақьым Оҭар Маршава импыҵахалоу Аҧснынтә Жәыргьыҭҟа дхынҳәит мшаҧы 12 рзы.
Аҵыхәтәантәи амшқәа рзы Аҧсны иҟалаз ахҭысқәеи аҿыц алхрақәа
рымҩаҧгара
10:04 / 20.01.2020
Аҵыхәтәантәи амшқәа рзы Аҧсны иҟалаз ахҭысқәеи аҿыц алхрақәа рымҩаҧгара
Акоронавирус

Асоветтә репрессиақәа
Ажәaбжь ҿыцқәa
2020 шықәсазы арҵаҩы имилаҭтә ҳамҭа лоуит
Қириаа рҭаацәара есышьыжь иангылалак, ашәҭқәа рхылаҧшра иалагоит.
Қырҭтәылагьы адунеи аҿгьы, ҭагалан-аӡынразы, агрипп аҽыхьчаратә лаҵа актуалтә ҵакы аиуеит,
Амультимедиa
Апандемиа аан иаҧҵаз ашәақәа - Лизеи Ликеи  рмузыкатә карантин
Бара бзы ашәа иаанагои ҳәа Лиза улазҵаар, уамашәа ибаны
Онлаин аурокқә арҟынтә акласстә ауадашҟа
Актәи акласс иҭоу Ерекле шьыжьнаҵы агылара дашьцылам, ихашҭхьеит,
Аҧсҭазаарауазықәҧароуп - 97 шықәсазхыҵуааветеранакоронавирусачымазарадалҵит
Ашәараулазарҟалом. Уқәҧароуп. Уараухаҭауҧсҭазаарауазықәҧароуп, - иҳәеит
Қьырсатә „Алило“ ауахәама аҭааҩцәа рыда имҩаҧысит [афото]
Ишаҧу ала Қьырса аныҳәаз имҩаҧысуа аныҟәара "Алило" апандемиа амшала
Жәыргьыҭтәи ельфқәа  -  аҳәса активистцәа егьырҭ рыцхрааразы [афото]
Аҧҳәызбацәа ааҵәа дуқәа ирыҵоуп. Икапанны, ишаны,