Аилыркaaрa
Иааиуа амшқәа рзы иаҳа ирацәаны ахәыҷқәа ашәыхәтәырҭа рҭаххар ҟалап, уи еиҧш ашәарҭара иҟоуп - Иуане Чхаиӡе
FaceBook Twitter
E-mail Print
Акоронавирус Дельта аштамм аларҵәара ианалага ашьҭахь,адунеи зехьынџьара авирус ҿызкаазгьы ахәышәтәырҭақәа ирҭарҵазгьы ахәыҷқәа акырӡа ирацәахеит. Қырҭтәылагьы убасҵәҟьоуп аҭагылазаашьа шыҟоу. Ахәыҷтәы хәышәтәырҭақәа зегьы итәуп. Иацҵаны аиарҭақәа реиқәыршәара аҭаххеит. Аҵыхәтәантәи ҩымш рыла атәылаҿы авирус амшала ҩыџьа асабицәа иҧсит. Руаӡәы Дельта аштамм илан, егьи – британиатәи аштамм. Аҧшьбатәи ацәқәырҧа зегьы раасҭа ахәыҷқәа ирҧырхагахома, насгьы, атәылаҿы ҽнакала шаҟаҩы ахәыҷқәа авирус ҿыркаауа – абарҭ азҵаарақәа рзы "Лаивпресс" акорреспондент длацәажәеит Иашвили ихьӡ зху Ахәыҷтәы хәышәтәырҭа хада амедицинатә директор,аиммунизациа азҵаарақәа рзы абжьагаҩцәа ртехникатә гәыҧ анапхгаҩы, апрофессор Иуане Чхаиӡе.

Лаивпресс: Апандемиа етапқәак раан агәаанагара иҟан ахәыҷқәа усҟак авирус ҿыркаауам, иҿыркааргьы имарианы ирхыргоит ҳәа. Иахьазы абри аганахьала аҭагылазаашьа цәгьахеит. Апедиатриатә аҟәшақәа зегьы иҭәуп. Абри зегьы зыхҟьеи?

Иуане Чхаиӡе: Ҳара иахьагьы ҳгәы иаанагоит акоронавирус адуцәа иаҳа иҿыркаауеит, ахәыҷқәа рыгәҭа усҟак аларҵәара амам ҳәа. Аинфекциа ҿызкааз ауааҧсыра рхыҧхьаӡара ҳахәаҧшыр, урҭ рыгәҭа ахәҷқәа маҷуп. Қырҭтәыла акоронавирус ззышьақәырҕәҕәоу рҟынтәи ахәыҷқәа 9,5-10%роуп иҟоу. Америка ари арбага иаҳа идууп, уаҟа астатистика иаша рымоуп, инақәыршәаны, 14,2% иҟоуп. Иҵабыргны,ахәыҷқәа ракәӡам акоронавирус зегьы раасҭа изҧырхагоу. Аха, авирус ҿызкааз ахәыҷқәа рхыҧхьаӡара – уи акоуп,аҩбатәи азҵаара – ахәыҷқәа абри авирус шырхырго ауп. Абри аганахьала акоронавирус Дельта аштамм ахатә роль нанагӡоит. Авирус ҿызкааз ахәыҷқәа рхыҧхьаӡара акәӡам аус злоу, рчымазара ахьанҭара ауп ҳзыргәамҵуа. Дельта аштамм ахатә ҷыдарак амоуп, уи ахәыҷқәеи ахбыџқәеи рыгәҭа иаҳа аларҵәара амоуп. Дара реиҳараахәышәтәырҭада ҧсыхәа рымамкәа иҟалоит.

Лаивпресс: Дельта аштамм ҟазшьас иамои? Ахәыҷқәаишҧарнубаало?

Иуане Чхаиӡе: Дельта аштамм агрессиатә ҟазшьа амоуп. Ҧаса, китаитәи авирус аан, ачымазара ахьанҭараинақәыршәаны, 100ҩык ахәыҷқәа рҟынтә 3ҩызаҵәык ахәышәтәарҭа рҭаххон, уажәазы ахәышәтәырҭада ҧсыхәа змам ахәыҷқәа рхыҧхьаӡара ҩынтә, хынтә еиҳахеит.

Лаивпресс: Қырҭтәыла британиатәи аштамм амшалагьы иҧсыз ахәыҷқәа иҟоуп…

Иуане Чхаиӡе: Ааи, ҳара Дельта аштамм иаҳа аларҵәара амоуп ҳәа ҳҳәом, аха, зегьы реиҳа ихадоу - адунеи зехьынџьара иҟоу астатистика инақәыршәаны, ес-ҩымчыжьк рыҩнуҵҟала афактқәа рхыҧхьаӡара ҩынтә азҳауеит. Қырҭтәылагьы убасҵәҟьоуп ишыҟоу. Ҩымчыбжь раҧхьа 20% акәын иҟаз. Ҳаҭыр зқәу Амиран Гамҟрелиӡе аҵыхәтәантәи иҳәамҭа инақәыршәаны, авирус ҿызкааз ауаа рҟынтә 40% Дельта аштамм рыдбалоуп. Иахьазы иҟоу апрогнозқәа рыла, нанҳәазы, 2 - 3 мчыбжьы рышьҭахь,авирус ҿызкаауа рыгәҭа Дельта авариант арбага 50%-нӡа ишьҭыҵуеит.

Лавипресс: Атәылаҿы Дельта аштамм аларҵәара азҳара ҳаназыҧшу аамҭазы, аҧшьбатәи ацәқәырҧа зегьы раасҭа ахәыҷқәа ирҧырхагахоит ҳәа ҳҳәар ҳалшома?

Иуане Чхаиӡе: Мап. Ахәыҷқәа акоронавирус зегьы раасҭа изҧырхагоу категориас изыҟалом. Анаӡынатә арбагақәа рыла иуҳәозар, авирус ҿызкаауа рыгәҭа ахәыҷқәа кырӡа имаҷуп, иахьагьы убасҵәҟьоуп ишыҟоу. Аха, ахәышәтәырҭа зҭаххо ахәыҷқәа иаҳа ирацәахар ауеит, уи еиҧш ашәарҭара иҟоуп. Абҵареи ҧхынҷкәыни рзы ахәышәтәырҭақәа рҿы абас ахәыҷқәа рацәамызт. Авирус ҿызкааз рҟынтә 10% ахәыҷқәа роуп ҳәа анаҳҳәо, уи иаанагоит есымша 200-250ҩык ахәыҷқәа авирус ҿыркаауеит ҳәа. Абри арыцхә даараӡа идууп. Убри аҟынтә, апедиатриатә стационарқәа ахьанҭара ду роуеит. Убри азоуп иацҵаны аиарҭақәа реиқәыршәара зыҳаӡбаз. Ҳара абри атенденциа ҳзаанымкылар, уаҵәи уаҵәашьҭахьи авирус аҿкаара есымшатәи арбага иаҳа иазҳар, ҳәарада, авирус ҿызкааз ахәыҷқәа рхыҧхьаӡарагьы ацлоит.

Ҧхынгәы ҳҭагылоуп, ахәыҷбаҳчақәеи ашколқәеи аус руам. Ахәыҷқәа авирус ҿыркаар рылшоит абзазаратә аимадара мацарала, аҭаацәара алахәылацәа рҟынтә. Убри аҟынтә,иаҵшьны иазгәасҭар сҭахуп авакцинациа аҵакы. Ауаҩҧсы авакцинациа дақәшаҳаҭымзар, мап ацәикуазар, иара игәабзиара ашәарҭара иҭаиргылоит, аха, аамҭакала,иҭаацәара алахәылацәагьы ашәарҭара иҭаиргылоит. Абри зегьы аҭакҧхықәра ду ацуп. Арҭ ауаа рпозициа сзеилкаауам.

Лаивпресс: Дельша аштамм ҿызкааз апациентцәагьы абри аҩызаҵәҟьа аметод ала ирхәышәтәума?

Иуане Чхаиӡе: Инеизакны иуҳәозар, акоронавирус ахәыштәразы алҵшәа зхылҵуа хәшәык иҟам. Насгьы,адуцәа рхәышәтәразы ҳхы иаҳархәо ахәшәқәа ахәыҷқәа ирзыҟаҳҵом. Убри аҟынтә, хархәагак ауп иҟоу, ацхырааратә терапиа, асимптомтә терапиа, ахәыҷы иҭагылазаашьа хьанҭахар, арҧҳа иҧсабаратәым авентилиациашҟа диаганы,ихәышәтәра наҳагӡоит.

Лаивпресс: Ахәыҷқәа акоронавирус аҽыхьчаратә алаҵа рзыҟаҵатәума?

Иуане Чхаиӡе: Америка, Канада, Италиа, Франциа,Швеицариа, Лиетува, Иапониа, уҳәа, аҳәынҭқаррақәа рацәа рҿы аҵыхәтәантәи амзазы ахәыҷқәагьы алаҵа рзыҟаҵара иалагеит. 12-15 шықәса зхыҵуа ахәыҷқәа роуп ҳазлацәажәо. Аха, Америка ишырыӡбаз ала, цәыббра - жьҭааразы,аҭҵаарақәа ианрылгалак, иаҳа зықәра маҷу ахәыҷқәагьы алаҵақәа рзыҟаҵара иалагар ҟалап. Макьана ҳара Пфаизер авакцина мацароуп ҳазлацәажәо, абри авакциноуп уажәазы зҧышәара иаҿу. Адунеи зехьынџьаара 3 вакцинак мацароуп ахәыҷқәа рзы зхархәара ҟало - Модернеи, Пфаизери,Астразенекеи. Аха, Пфаизер зегьы раасҭа иаҳа еиҕьны иҭҵаауп, зегьы раасҭа ирацәаны адыррақәа иҟоуп, убри аҟынтә, ақәратә компонент дырҭбаар ҟалап.

Лаивпресс:
Қырҭтәыла ақәратә компонент арҭбаареи 16шықәса зхымҵыц ахәыҷқәа алаҵақәа рзыҟаҵареи ргәы иҭоума?

Иуане Чхаиӡе: Ари азҵаара иалацәажәоит. Раҧхьа иргыланы, ҳара Агәабзиарахьчара адунеизегеьтәи аиҿкаара абжьагара ҳазыҧшуп, уи еиҧш абжьагара ҟалар, 12-15шықәса зхыҵуа ахәыҷқәагьы авакцинациа апроцесс аҽалархәра рылшоит.

Лаивпресс: Шәгәы ишҧаанаго, аҧкрақәа зегьы анаҧырху аамҭазы, абри аҩыза аҭагылазаашьа алҵразы мҩас иҟои. Авакцинациа апроцесс инаваргыланы, аҧкрақәа еиҭашьақәыргылатәума?

Иуане Чхаиӡе: Раҧхьа иргыланы, иаартугьы иаркугьы ақәыҧшыларақәа рҿы асабрада аныҟәгара арегулиациа амч амазароуп, ари апроцесс ахылаҧшра ҕәҕәа амазароуп. Уи зегьы реиҳа зынагӡара мариоу, зегьы реиҳа зхылаҧшра мариоу аҧҟароуп. Ҷыдала, иарку ақәыҧшылараҿы, иахьаари аҧҟара аӡәгьы инаигӡом, аӡәгьы дахылаҧшуам. Абри амеханизм алҵшәа бзиа ахылҵуеит. Есымша ҩынтә иаҳа ирацәаны ауааҧсыра алаҵақәа ҟарҵар, анеҩстәи мызкибжаки рыҩнуҵҟала уи ҳалшар, авакцинациа апроцесс аласра ацаҳҵар, аплан инақәыршәаны амассатә вакцинациа апроцесс мҩаҧаагар, ацәыӡ ду ҳамамкәа ҭагалан ҳаҧылар ҳалшоит.
Print E-mail
Twitter
Ари aмaтериaлқәa
Акоронавирус ахәбатәи ацәқәырҧеи аӡынтә сезони ҳанрызҧшу аамҭазы,
атәылаҿы авакцинациа
20:09 / 14.10.2021
Акоронавирус ахәбатәи ацәқәырҧеи аӡынтә сезони ҳанрызҧшу аамҭазы, атәылаҿы авакцинациа
Сынтәа аҧсуа школқәа арҵагашәҟәы ҿыц ала ахәыҷқәа аҧсуа бызшәеи
алитературеи
11:39 / 14.07.2021
Сынтәа аҧсуа школқәа арҵагашәҟәы ҿыц ала ахәыҷқәа аҧсуа бызшәеи алитературеи
Хышықәса ҵуеит импыҵахалоу Аҧсны иқәынхоабитуриентцәа Жәыргьыҭҟа
00:12 / 11.07.2021
Хышықәса ҵуеит импыҵахалоу Аҧсны иқәынхоабитуриентцәа Жәыргьыҭҟа
Акоронавирус

Асоветтә репрессиақәа
Ажәaбжь ҿыцқәa
Қырҭтәыла аҧыза-министр Иракли Ҕарибашвили,
2020 шықәсазы арҵаҩы имилаҭтә ҳамҭа лоуит
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала