Ауaaжәлaррa
Аиҟәыҭхара иаҿагылоу, де-факто адепутат иқәгәыҕуа Галаа
FaceBook Twitter
E-mail Print
Автор: Ҭамар Занҭараиа

Галаа, апротесттә акциа шымҩаҧыргазгьы, де-факто администрациа рҟынтә ирҭахыз аҭак рмоуит, уажәазы урҭ Гал адепутат заҵәы иқәгәыҕуеит.

Де-факто ареспублика апарламент адепутат Каха Пертаиа Галтәи алхырҭа аҟынтә аҧсуа журналистцәа данрацәажәоз ишиҳәаз ала, апроблемақәа зегьы закәанла рыӡбара амзызла, аҭыҧантәи ауааҧсыреи де-факто ахада Рауль Хаџьымбеи рыбжьара абжьацәажәаҩс дықәгылоит.

Галаа Игры ацҳаҿы ҩ-ганклатәи аиҭаҵра аиҭашьақәыргылара иаҳәоит. Иара убас, зыҿҳәара нҵәаз аҧсуа паспортқәа рцынхәрас, ирласу аҵасла, аҿыц паспортқәа ргар рҭахуп. Абарҭ аҳәарақәа иқәыргыланы, ажьырныҳәа 23 рзы Галтәи администрациа аҧхьа акциа мҩаҧырган, анеҩс, де-факто ахантәаҩы Ҭемур Надараиа иацәажәеит.

Администрациа аиҳабы иҟны аиҧылара. Афото: "Гал инфо"

„ Ажәлар Надараиа иҧылеит, аха изакәызаалак гәыҕрак рымамкуа идәылҵит. Шәара ахаангьы апаспорт шәоуӡом, избанзар араатәи атәылауаа шәакәӡам ҳәа иҳәеит. Иара ихатә принципқәа имоуп, излауа ала ҳкыдицалар иҭахуп. Уажәы Пертаиа ҳизҧшуп. Уи еснагь дҳацхраауан. Уажәгьы иара ҳиқәгәыҕуеит, игәра ҳгоит“, - иҳәеит Гал инхо ареспондент „Лаивпресс“ акорреспондент ҭелла данлацәажәоз. Ареспондент ашәарҭадара амзызла ихьӡ имҳәеит.

Гал дефакто амажоритартә депутат Каха Пертаиа. Афото: Асоциалтә аҳа

Гал де-факто администрациа аиҳабы ишиҳәаз ала, Галаа апаспортқәа рырҭом, Аҟәа ахаангьы уи иақәшаҳаҭхом.Ҭемур Надараиа ари иҳәеит аҭыҧантәи ауааҧсыра данырҧылоз. Аиҧылара авидеонҵамҭа иоурыжьҭит Галтәи ателееилахәыра ала:

„Қырҭтәыла атәылауаа иҩбоу атәылауаҩра рыҭара ауп шәара шәзыҳәо. Ҽакала иаҳҳәозар, аамҭакала Қырҭтәылагьы Аҧсныгьы шәыртәылауаазар шәҭахуп. Аҟәа иҟоу, дарбанызаалак, аҳәынҭқарратә маҵзуҩык уи дақәшаҳаҭхом“, - иҳәеит Надараиа.

Де-факто администрациа аиҳабы ауаа ишреиҳәаз ала, Игры ацҳа дыркит H1N1 агрипп аларҵәара аҽацәыхьчара амзызла мацара, аҳақьымцәа иҟарҵаз абжьгара ашьаҭа ала:

Ҭемур Надараиа. Афото: "Гал инфо"

„Ҳара ачымазацәа иоуҳашьҭуеит. Ахимиотерапиа зҭаху, С агепатит змоу. Иара убас, астудентцәагьы иоуҳажьҭуеит“, - иҳәеит Ҭемур Надараиа.

Аха, Галтәи ареспондент ишиҳәаз ала, де-факто аиҳабыра азинҷыдақәа ззышьақәдыргылаз ауаагьы апроблемақәа рымоуп. Аҧснынтә Қырҭтәыла егьи ахәҭахьы иасыр зҭаху ачымазацәа ргәабзиара иазку аилыркааи, иара убас, аҳәынҭқарратә шәарҭадара амаҵзура аҟынтә азинтә документи рыцзароуп. Абарҭ ашәҟәқәа реиқәыршәаразы акыраамҭа аҭахуп:

„Аҳәынҭқарратә шәарҭада амаҵзуреи ахәышәтәырҭа аҳақьым хадеи рҿы убриаҟара ауаа гылоуп, агәара ааигәарагьы узнеиуам“, - иҳәеит Гал инхо ахаҵа.

„Лаивпресс“ ареспондентцәа ишырҳәаз ала, Игры ацҳа аркра амшала, Галтәи аџьармыкьаҿы ахәқәа шьҭыҵит. Урҭ ражәақәа рыла, хара имгакуа ацҳа аадмыртыр, апротесттә акциақәа еиҭалагоит.

Игры ацҳа акарантин ашьҭахь. Афото: "Лаивпресс"

14 мшы ҵуеит Игры ацҳаҿы аиҭаҵразы аҧкрақәа шьақәдыргылеижьҭеи. Ҩ-ганктәи аиҭаҵра азин рымоуп Игрыгес аусзуҩцәа мацара. Де-факто аиҳабыра аханатә ишаарыцҳаз ала, акарантин ҩымз инагӡахоит, аха Галаа агәыҕра ду рымоуп хара имгакуа де-факто анапхгара рыӡбара рыҧсахып ҳәа.

Қарҭгьы де-факто анапхгара рахь ааҧхьара ҟаҵаны, рыӡбара еиҭахәаҧшырц ирыбжьаргеит.
Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала