Нико ихан аиҭашьақәыргыларатә усурақәа ихыркәшоуп. Асантехника, аканализациа уҳәа, хәыҷӡак ауп иаанхаз ари аус аҵыхәанӡа анагӡаразы. Зыӡбахәы ҳәоу ахан, ҳаамзаҭтәи астандартқәа инрықәыршәаны, излауаз ала, аханатәтәи аҧшра азыхынҳәуп. Еиҭашьақәыргылоу ахыбраҿы еиқәыршәоуп амузеитә експонатқәа рыхьчаразы иаҭаху аклиматхылаҧшреи, арлашареи, авидеохылаҧшреи. Адашьма ҿыци ахыби ҟарҵеит, аҭуан рыҧсахит. Арҧхагатә система шьақәдыргылеит.

Актәи аихагыла 2 хәҭак амоуп. Хәҭак аҿы Дадианиаа рбиблиотека афонд еиҿкаауп, уаҟа ахәаҧшцәа ирбар рылшоит Гыртәыла аҳцәа Европантә иааргоз ашәҟәқәеи, еиуеиҧшым абызшәақәа рыла икьыҧхьыз агазеҭқәеи, ашәҟәеимдарақәеи. Ахан егьи ахәҭаҿы еиҿыркаауа археологиеи аетнографиеи акәакьқәа рҿы ицәырыргоит ажәытәӡатә експонатқәа.
Ацәыргақәҵатә зал ду хада аҩбатәи аихагыла аҿоуп иахьыҟоу.

„Аҵәахырҭаҿы ишьҭоу аекспонатқәа зегьы ахәаҧшцәа идҳарбар ҳҭахуп, абри ауп хықәкыс иҳамоу. Дадианиаа ирымаз ажәытәӡатә уникалтә маҭәарқәа ахәаҧшцәа даараӡа иргәаҧхап ҳәа ҳгәыҕуеит. Аҟазаратә ҧҵамҭақәа, аҿыханҵаратә усумҭақәа, аграфика, амармалташь, абри зегьы цәыраагоит“, - илҳәеит Дадианиаа рҭоурых-аритектуратә музеи адиректор Лили Бераиа „Лаивпресс“ акорреспондент данлацәажәоз.

Лара лажәақәа рыла, уаанӡа ахаан ицәыргамыз имаҷымкәа амаҭәарқәа цәырыргараны иҟоуп. Експонатқәак реиҭашьақәыргылара иаҿуп. Урҭ иреиуп хә - гобеленкгьы.
Ахан аадыртыр рҭахуп Екатерине Ҷавҷаваӡе лирамш аҽны, хәажәкыра 19 рзы.

19-тәи ашәышықәса 80-тәи ашықәсқәа рзы иргылаз Нико ихан ас еиҧш иҟоу шьаҭанкылатә аиҭашьақәыргыларатә усурақәа уаанӡа азымҩаҧырымгацт. Ахан аиҭашьақәыргылара иалагеит 2015 шықәса нанҳәазы. Аусурақәа ирылаҵоу 3 миллион лари ахан иазоунашьҭит афонд „Қарҭу“. Аусурақәа инагӡоуп Қырҭтәыла акультуратә ҭынха ахьчара амилаҭтә агентра аҿаҵара ала.Ахан аиҭашьақәыргылареи Дадианиаа Европа имҩаҧыргаз аамҭеи амузеи адиректор далацәажәеит адырраҭара „Ишиашоу Лаивпресс аҟны“ ҳәа захьӡу адырраҭараҿы.