Ауaaжәлaррa
Аҧсуа аибашьра аветеран, ақырҭуа медиа аинтервиу анеиҭа ашьҭахь, аҭамзаара шьҭеиҵеит
FaceBook Twitter
E-mail Print
Ауаа еинааланы рҽеидыркылар рҭахымхар, аӡәгьы мчыла изрыдицалом. Ирҭаххар, иузаанкылом. Знымзар зны абас иҟалоит, - иҳәеит аҧсуа аибашьра аветеран Даур Кәыҵниа Мамука Ҟуҧараӡе истудиаҿы сасра даныҟаз. Уи раҧхьӡа Қырҭтәыла дшааз атәы еиҭеиҳәеит, аҧсуаа ирыдҳәаланы Қырҭтәыла имҩаҧырго аполитикеи, аҧсуаа рызныҟәашьеи ибзианы дахцәажәеит. Иара ишиҳәаз ала, аҵыхәтәантәи фышықәса рыҩнуҵҟала, аҧсуа уаажәларра Қырҭтәылазы ргәаанагара рыҧсахит, аҕатә ҳәынҭқарра аҳасаб ала иахәаҧшуам.

Даур Кәыҵниа игәаҕьны иҟаиҵаз аҳәамҭа Аҧсны изгәамҧхаз рацәаҩуп. Аҵыхәтәаны, Даур Кәыҵниа авидеоааҧхьара ҟаҵаны, аҧсуаа рҿаҧхьа аҭамзаара шьҭеиҵеит, ҷыдала, зыҷкәынцәа ҭахаз анацәа рҿаҧхьа. Иара ишиҳәаз ала, ақырҭуа медиа аинтервиу ахьаиҭаз агха дуны иҧхьаӡоит. Аибашьра аветеран иҳәамҭала, Қырҭтәыла даауеит аҽыхәышәтәра амзызла. Иажәақәа рыла, аҧсуаа абраҟа ирыдаргало амедицинатә маҵзура ада, ргәабзиара аиҕьтәразы уаҳа изакәызаалак лшарак рымам. Иара ихаҭагьы абри аҩызацәа аҭагылазаашьа дҭагылан. Уи араҟа имҩаҧысуа апрограммақәа игәаҧхоит, ишиҳәаз ала, арҭ апрограммақәа ҳаҧхьҟагьы инагӡатәуп, иаҳа ирҭбаатәуп.

"Урыстәылаҿ ибзиоуп ма ицәгьоуп, иашоуп ма ииашам ҳәа сызшәаҳәом. Урыстәыла аҧара мацароуп ирбо. Аҧсуааи ақырҭуааи мацара ракәым абас изхәаҧшуа, руаажәларгьы абасҵәҟьа ирызныҟәоит. Қырҭтәыла хәыда-ҧсада асасааирҭа, адиагностика, ахәышәтәра, апрограммақәа шыҟоу, амалаҳа аоперациақәа шыҟарҵо ихазымҵо рацәаҩуп. Аха Қырҭтәыла ианаалак, дара рхалагьы ирбоит убасҵәҟьа ишыҟоу, абри зегьы шиашоу", - иҳәеит Даур Кәыҵниа.

Иара ишиҳәаз ала, фышықәса раҧхьа аҧсуаа ақырҭцәа ицәгьаны ирызныҟәон, иахьазы аҭагылазаашьа аҽаҧсахит, Қырҭтәыла аҕатә тәылоуп ҳәа уажә шьҭа изымҳәо маҷым, уи иаҵанакуа рацәоуп. Аибашьра аветеран иҳәамҭала, ҳәарада, ҽакала ихәыцуагьы иҟоуп, аха ауаа реиҳара Қырҭтәыла агуманитартә шьаҿақәа шыҟанаҵо еилыркаауеит.

Даур Кәыҵниа ишазгәеиҭаз ала, ақырҭуа медицинатә маҵзура Аҧсны ишахәҭам ала иахцәажәо ауаа иҟоуп. Урҭ рыхәҭак, аполитикцәагьы нрылаҵаны, аполитикатә ҭагылазаашьа иазҧхьагәаҭаны, ҽакала иахьзымцәажәо азоуп абас изырҳәо. Аха, иҵабыргны, ус ргәы иаанамгозар ҟалап.

"Џьоукы рҭыҧқәа рцәыӡыр ҳәа ишәоит. Џьоукы ишәаӡом, ргәаанагара рҳәоит", - иазгәеиҭеит Даур.  Даур Кәыҵниа иҳәамҭала, иарбан еибашьразаалак, аҭынчреи ахҭысқәа реиҭахәшьареи ала ихыркәшахоит. Аха, ишиҳәаз ала, иҟалаз зегьы ухашҭыр ҟалом.
Аибашьра аветеран игәаанагарала, Қырҭтәыла Аҧсны азы астратегиатә партниорс иҟалароуп.

"Ҳара ҳстратегиатә партниорцәа, аурысцәа ҳрацәажәозар, ҳгәылара иҟоу егьи агангьы ҳрацәажәароуп, урҭгьы ҳстратегиатә партниорцәас иҟалароуп. Ауаа ҳрызхәыцроуп. Ауаа еинааланы рҽеидыркылар рҭахымхар, аӡәгьы мчыла изрыдицалом. Ирҭаххар, иузаанкылом. Знымзар зны абас иҟалоит", - иҳәеит Даур Кәыҵниа.

Абри аинтервиу иаланарҵәеит аҧсуа медиахархәага "Аҧсны лаив", уи авебдаҟьа ишанырҵаз ала, аханатә, Иуҭуб ихатә канал аҿы, ари авидео иалаирҵәеит атәылауаҩ Давиҭ Жваниа, аха, нас, хара имгакуа, ианихит. "Студиа Ре", аинтернетҭыжьымҭа ахаҭарнакцәа рҳәамҭала, урҭ ари аинтервиу рхатә вебдаҟьа ианырымҵеит.

Аҭыжьымҭа адыррақәа рыла, аҧсуа уаажәларра рыхәҭак асоциалтә аҳаҿы ари аинтервиу ибзиамкуа иахцәажәеит. Урҭ ишырҩыз ала, ауаа аҽыхәышәтәразы Қырҭтәылаҟа ишцо еилкаауп, аха ақырҭуа медиахархәага аинтервиу аҭара заҭахыз рзеилкаауам.
"Ҳара ҳашьцәа аҧсҭазаара рҭахӡамзи? Мамзар, урҭ ҳара ҳзы имцхәызма? Сара ас еиҧш иҟоу ахымҩаҧгашьа сзақәшаҳаҭхом. Аҧсуаа абас рхы ахьымҩаҧырго сгәы иалоуп".

"Ақырҭуа телеканал аҿы Аҧснытәи аибашьра аветеран ихәаҧшра уадаҩуп, уи хьаагоит. Иара гәҽанызаарыла иалихуа афразақәеи ажәақәеи хьаада рзыӡырҩра ҟалом", - иануп "Аҧсны лаив" аҿы.

"Студиа Ре" анапхгаҩы Мамука Ҟуҧараӡе иҳәамҭала, Даур Кәыҵниа аинтервиу имихит мызкы аҧхьа. Уи, ирзеиҧшу рҩызак ицхыраара ала, Даур аинтервиу аҭара дақәшаҳаҭхаратәы иҟаиҵеит. Нас, Иуҭуб ирку аканал ала, ирмазеиз аматериал аресподент изишьҭит. Хара имгакуа, аресподент изааицҳаит аматериал аларҵәара дшақәшаҳаҭу. Ҟуҧараӡе абас ихы мҩаҧигеит аимак атемазы аусура аҷыдарақәа иазҧхьагәаҭаны, иҟалар зылшоз ашәарҭа аҽацәыхьчаразы. Изааигәаз ауаа иреиҳәеит хара имгакуа ишалаирҵәоз Аҟәа инхо хаҵак иҟны аинтерес зҵоу аинтервиу. Ауаа аҭыхымҭа рбаратәы иҟаиҵеит, иҩызцәақәак азхьарҧшгьы риҭеит, аха асоциалтә аҳа аума, ателевизор аума, џьаргьы ицәыримгеит.

"Аинтернет абас ауп ишыҟоу, иаразнак иаладырҵәеит. Мышқәак рышьҭахь, Даури сареи ҳаибазырдырыз сҩыза ҭелла дысзасын, Иуҭуб аҟынтә ари анҵамҭа ианысхырц дсыҳәеит, избанзар Даур апроблемақәа имоуп ҳәа иҳәеит. Иара иуаажәлар абри зегьы ргәамҧхеит, гәыбҕан ирҭеит. Зны ателевизор ала ақырҭуа версиа иоужьҭны, нас Феисбуқ ала иаласырҵәар сҭахын. Иҟалаз ансаҳа, ианысхит, аха сахьымӡеит, амедиахаҭарнакцәа ихҩааланы иаладырҵәахьан", - иҳәеит Мамука Ҟуҧараӡе "Лаипресс" акорреспондент данлацәажәоз.

Иара иҳәамҭала, аматериал аларҵәараҿы ирҧырхагахашаз аиуристтә ҭагылазаашьақәагьы дрызхәыцуан, аха, нас, Даур Кәыҵниа аҭамзаара ахьышьҭеиҵо анҵамҭа ибеит. Ишиҳәо ала, абри аҩыза аҭагылазаашьа ҟалоит ҳәа дыҟамыз, аресподент абас ахьыҟаиҵаз уамашәа ибеит. Мамука Ҟуҧараӡе иҳәамҭала, ас еиҧш иҟоу аформат аҽалархәра иақәшаҳаҭхо ауааҧсыра, ишаҧу еиҧш, дара рхала рхы рыхьчоит, аха уи мариам.

"Студиа Ре" анапхгаҩы иҳәамҭала, де-факто анапхгара ари аус рҽаларымгалеит, аҧсуа жәлар роуп Даур Кәыҵниа иқәыҕәҕәоз. Иара иажәақәа рыла, аҧсуаа рыхәҭак Даур Кәыҵниа игәыҕьны абас иахьыҟаиҵаз азы ддырҽхәеит. Аха, Мамука Ҟуҧраӡе ишиҳәаз ала, Даур Кәыҵниа иҟалар зылшоз ашәарҭақәа иазҧхьагәеимҭеит, убри азоуп аҭамзаара ашьҭаҵара зиқәшәаз.

Зыӡбахәы ҳәоу аинтервиу аҿы аибашьра аветеран ишиҳәаз ала, Женеватәи аиҿцәажәарақәа алҵшәа рхылымҵит, убри аҟынтә, аизыҟазаашьақәа рҭыҧқәҵразы аҿыц беркетқәа ҧшаатәуп. Аибашьра аветеран игәаанагарала, кавказаа ашьакаҭәареи агәалеи акыраамҭа ирхашҭӡом, аха анажьра ауп аимак ала еиҟәшоу ажәларқәа азеиҧш бызшәа аҧшаараҿы ирыцхрааша.
Print E-mail
Twitter
Ари aмaтериaлқәa
Аишьцәеи аиаҳәшьцәеи иахьынхоз аӡәгьы издырӡом.
11:40 / 30.04.2019
Аишьцәеи аиаҳәшьцәеи иахьынхоз аӡәгьы издырӡом.






Хәышықәса ҵуеит жәыргьыҭтәи аҿар анимациа иазҿлымҳаижьҭеи,
18:45 / 29.01.2019
Хәышықәса ҵуеит жәыргьыҭтәи аҿар анимациа иазҿлымҳаижьҭеи,






Нико ихан аиҭашьақәыргыларатә усурақәа ихыркәшоуп. Асантехника,
аканализациа уҳәа,
23:24 / 26.01.2019
Нико ихан аиҭашьақәыргыларатә усурақәа ихыркәшоуп. Асантехника, аканализациа уҳәа,






Автор: Ҭамар Занҭараиа

Галаа, апротесттә акциа шымҩаҧыргазгьы, де-факто администрациа
рҟынтә ирҭахыз аҭак рмоуит,
23:30 / 25.01.2019
Автор: Ҭамар Занҭараиа

Галаа, апротесттә акциа шымҩаҧыргазгьы, де-факто администрациа рҟынтә ирҭахыз аҭак рмоуит,
Ажәaбжь ҿыцқәa
Жәыргьыҭтәи амуниципалитет Рухи ақыҭаҿ,
Ҳаҕа акырӡа иҽазишәит, аха ҳара аенергетика аусхкы аҿы аҵакырадгьылтә
Сара аиааирагаҩыс сҟалоу сҟамлоу ҳәа сахьазхәыцуамыз.
Аинаалареи атәылауаҩратә аиҟарареи рызҵаарақәа рзы аҳәынҭқарратә
Амультимедиa
Европа амшқәа Жәыргьыҭ ақалақь аҿы  [афото]
Гыртәыла – Хыхьтәи Шәантәыла аокругтә администрациа аҧхьа аҿар,
Ацирк агыгшәыгқәа рыда - Жәыргьыҭ имҩаҧгаз акциа
Жәыргьыҭ, ацирктә гыгшәыгқәа рыдгыларатә акциа мҩаҧысит.
Алилачақь зну апаскақәа [афото]
Аишәа иқәгылоуп ашәыгахьшьыгақәа рыла иҭәу абанка,
8 шықәса зхыҵуа Анастасиа иналыгӡаз аҧсуа ашәа  „Шьишь нани“  аҭоурых  [авидео]
Амҳаџьырқәа агарашәа ҳәа ззырҳәо „Шьишь нани“ аҧсуа ашәоуп.
Аихатә ҭелқәа рыла еиҟәшоу аҧсы иуацәа [афото]
Абри ақыҭаҿы абарҭ ауаа рыгәҭа схәыҷра зегьы мҩаҧызгеит,