Ауaaжәлaррa
Жәлар рашәақәа бзиа избо адирижиор хәыҷқәа Ҵаленџьихантә
FaceBook Twitter
E-mail Print
Ашкол акласстә ауадантә жәлар рашәақәа уаҳауеит. Ашә ҧшьала иааҳартит, ҳамыскәа. Ахәыҷқәа ашәаҳәара нарыгӡоит. Ишубарҭоу ала, ҳара ҳарҧырхагамхеит. Адирижиор хәыҷы, инапқәа рыла, иқәлацәа рашәаҳәара анапхгара азиуеит. Ҵаленџьихатәи адирижиортә школ аҵаҩцәа абра ес-сабша еизоит.

Арепетициазы иазҧхьагәаҭоу аамҭа ирласны ицоит, избанзар гәыкала бзиа ирбо аус иаҿуп. Гәахәара ду ала абрахь иаауеит, нас, анеҩстәи асабша иазыҧшуп. Ишырҳәо ала, ачангәыр ала инарыгӡо ашәақәа рыбзоурала атрадициақәа иаҳа ирзааигәахоит. Ирзымариоуп. Дара рашәаҳәашьа атәыла еиуеиҧшым акәакьқәа рҿы ирдыруеит, зехьынџьара иргәаҧхоит.

Аҳәаанырцәгьы ирзыӡырҩуеит, арҭ ахәыҷқәа уаҟа ақырҭуа кулуьтуреи, аҧсабареи, аҟазшьеи ӡырыргоит. Хы-бжьыктәи ашәақәа рыла Қырҭтәыла аҭоурых еиҭарҳәоит.

«Ҳара ҳфольклор иуникалуп, абри аҩыза хы-бжьыктәи, ҧшьы-бжьыктәи ашәақәа апланетаҿы, Қырҭтәыла ада уаҳа џьаргьы иуҧылом», - иҳәеит Мурҭаз Циминтиа.

5 шықәса ҵуеит адирижиортә школ дахагылоижьҭеи. Ишиҳәо ала, афольклор иаҳа аиҷаҳара аҭахуп, иахәҭоу хшыҩзышьҭра амам, абри угәы иалоуп. Иара иажәақәа рыла, атәымуаа арҭ ашәақәа ргәаҧхоит, ирҵоит, ҳара абри зегьы хәыҷы-хәыҷла иаҳцәыӡуеит. Аха, адирижиор аентузиастцәа дрықәгәыҕуеит.

"Адоуҳатәра аиқәырхара ауп ҳазлацәажәо, адоуҳатәра. Сара аклассикатә музыкеи, аџьази мап рцәыскуам, уигьы бзиоуп, аха ахәыҷқәа рабдуцәеи рабацәеи рашәақәа рҳәар рҭахызар, ансамбльқәа рзеиҿумкаар ҟалома, абри зегьы рымухыр ҟалома?", - иҳәеит Марҭаз Циминтиа "Лаивпресс" акорреспондент данлацәажәоз.

«Атәымтәылаҿ ҳаныҟоу, анагӡаҩцәа ахьырацәоу иарбан фестивальзаалак, еснагь, аҵыхәтәаны асценашҟа иҳаҧхьоит. Избанзар, ахәаҧшцәа, афестиваль ахыркәшара аан ҳара ҳшықәгыло идырны, ақырҭуа жәлар рмузыка иазыӡырҩырц азыҳәан анҵәамҭанӡа иаанхоит», - иҳәеит ашкол анапхгаҩы.

Ҵаленџьиха адирижиортә школ аадыртит 2015 шықәсазы. Усҟан, афольклортә центр ахаҭарнакцәа, иҵегьы иакымкәа амуниципалитетқәа рҿы, абри аҩыза ашколқәа ишьаҭаркит. Арепетициақәа ахьымҩаҧырго актәи абжьаратә школ ауада усҟаҟ идуум, аҿар рацәа иакуам. Убри амшала, изҭаху ишырацәоугьы, иахьазы ҩажәаҩык мацара аҵаҩцәа имоуп. Афинансқәа рыҟамзаара амшала, усуҩцәақәак рхы иақәиҭыртәит. Иахьазы Мурҭаз Циминтиа зацәы иоуп ари ашкол аҿы арҵаҩыс иҟоу. Амуниципалитет анапхгара ашкол аҧхьаҵәҟьа игылаз хыбрак аҿы ауадақәа рырҭеит, аха ҩышықәса раҧхьа ари ахыбра амца ацралан, иблит.

Адирижиори Ҵаленџьиха аҳаҭыртә тәылауаҩи иҳәамҭала, аҭыҧантәи анапхгара амузыкатә школ аргылара ргәы иҭоуп, уаҟа ауадақәа рырҭар ҟалап.

«Аконтигент маҷ ала џьара ҳанцо, амаршруттә таксик ҳазхоит, ахәыҷқәа иаҳа ианырацәо автобус ҳҭахуп, уи азыҳәан иацҵаны аҧара ҳҭахуп, аха уи еиҧш алшара ҳамам. Иахьазы, џьара ицатәызар, Афольклортә центр аҟынтә аҭыҧантәи ахадара рахь ашәҟәы дәықәырҵоит, нас, убри ашьаҭа ала, аҧара ҳзоурышьҭуеит. Абас ҳгәаҟуеит», - иҳәеит Мурҭаз Циминтиа.

Иара ихаҭа 60 шықәса ашәа иҳәоит. 47 шықәса ашкол аҿы арҵаҩыс аус иухьеит. Иахьа иара дызхагылоу адирижиортә школ еиуеиҧшым афольклортә уснагӡатәқәа ирылахәып. Атәыла аҩнуҵҟагьы анҭыҵгьы ақәҿиарақәа рымоуп, зехьынџьара еснагь ирзыҧшуп.

Жьҭааразы адирижиортә школ аҵаҩцәа Чехиаҟа, жәларбжьаратә фестиваль ашҟа идәықәлоит.
Print E-mail
Twitter
Ари aмaтериaлқәa
Џьаҧариӡеаа Местиа абнаҿы „Аҵысҭра“ аргылара иаҿуп.
11:21 / 12.02.2020
Џьаҧариӡеаа Местиа абнаҿы „Аҵысҭра“ аргылара иаҿуп.
Афранцыз ныҟәаҩ Готие Ҳен хышықәса Қырҭтәыла дынхон, анеҩс,
англыз-ақырҭуа-агыруа аиҿцәажәага ҭижьит.
13:34 / 31.01.2020
Афранцыз ныҟәаҩ Готие Ҳен хышықәса Қырҭтәыла дынхон, анеҩс, англыз-ақырҭуа-агыруа аиҿцәажәага ҭижьит.
Ҳара, ҳахьыҟоу аҭыҧ аҟынтә аҳәамҭақәеи апротести ҟаҳҵоит, џьоукы
аџьыкала,
10:17 / 24.01.2020
Ҳара, ҳахьыҟоу аҭыҧ аҟынтә аҳәамҭақәеи апротести ҟаҳҵоит, џьоукы аџьыкала,
1915 шықәса лаҵара 10 рзы ииз Наҭела Беранӡе аӡынра мҩаҧылгоит
Жәыргьыҭтәи амуниципалитет Хецера аҟыҭаҿ иҟоу лхатә ҩнаҿы,
12:48 / 30.12.2019
1915 шықәса лаҵара 10 рзы ииз Наҭела Беранӡе аӡынра мҩаҧылгоит Жәыргьыҭтәи амуниципалитет Хецера аҟыҭаҿ иҟоу лхатә ҩнаҿы,
Асоветтә репрессиақәа
Ажәaбжь ҿыцқәa
Қырҭтәыла апарламент аҿы иҟоу амилаҭтә библиотека иаҵанакуа арыцхәтә
Аҧснынтә ихҵәоу асахьаҭыхҩы Џьумбер Беҷваиа ақырҭуа шрифт ҿыц - Аҧсны иаҧиҵеит.
Аҧсны де–факто ареспублика ахада инапынҵақәа назыгӡо Валери Бганба идҵа ала,
Аӡиудо аҿы, аҳәса рыбжьара Қырҭтәыла ачемпионат мҩаҧысит.
Амультимедиa
Ақырҭуа ашә ажәытәтәи аҿыци ахкқәа Жәыргьыҭтәи ацәыргақәҵаҿы  [афото]
Апырпыл злоу ашә, еиуеиҧшм ахәсқәа рыла иҟаҵоу ашә, саҧерави иӡаашьу ашә,
Аботаникатә баҳча аартранӡа мызкы шагу [авидео]
Жәыргьыҭтәи аботаникатә баҳчаҿы аиҭашьақәыргыларатә усурақәа мҩаҧысуеит
Голландиатәи ашьынка арҧхарҭа Жәыргьыҭ [афото]
Жәыргьыҭ, Цаишьи ақыҭаҿ 65 шықәса зхыҵуа Гено Асаҭиани
Европа амшқәа Жәыргьыҭ ақалақь аҿы  [афото]
Гыртәыла – Хыхьтәи Шәантәыла аокругтә администрациа аҧхьа аҿар,
Ацирк агыгшәыгқәа рыда - Жәыргьыҭ имҩаҧгаз акциа
Жәыргьыҭ, ацирктә гыгшәыгқәа рыдгыларатә акциа мҩаҧысит.