Ауaaжәлaррa
Ашәыри, ауҭраҭыхи, ахшлыҵқәеи афермер ҧҳәыс лҟынтә [афото]
FaceBook Twitter
E-mail Print
38 шықәса зхыҵуа Лела Қобалиа Дарчели ақыҭаҿ хаҵа данца ашьҭахь, афармацевтә усура даҟәыҵны, ақыҭанхамҩа дазҿлымҳахеит. Уаанӡа арасеи аџьықәреи мацара ахьеиҭаҳаз адгьылҭыҧ аҿы аргәыцтә культурақәа рааӡара лҽазылкит. Абри аҽазкра ақәҿиара лзаанагеит. Усҟан ақыҭанхамҩа атәы уамак ззымдыруаз аҧҳәыс қәыҧш аҵыҵындра аҽаҩра бзиа лоун, гәызҭаҵагас илзыҟалеит. Хара имгакәа, егьырҭ акультурақәа рааӡара далагеит. Иахьазы Лела Гыртәыла иреиҕьу афермерцәа дреиуп.

Лҭаацәара Дарчели ақыҭаҿ 8 гектарк адгьылҭыҧ рымоуп, уаҟа еиҭаҳаны ирымоуп 4 тоннак аҵыҵындреи, 18 тонна анашеи, 600 кьыла апомидори, 1 тоннак аџьықәреи, 3тоннак арасеи, 700 раҟара адацқәа акарпыжәи ашьынкеи, апатырџьани, акартоши, 2 хкык апырпылбагәеи.

Ҳаҧхьаҟа лынхамҩа арҭбаара лгәы иҭоуп. Адгьылҭыҧ клуква ашьхаражьтә аплантациазы илырмазеиуеит. Дарчелтәи аалыҵ аҭыҧантәи аџьармыкьаҿ илҭиуеит, аха европатәи аџьармыкьа ашҟагьы идәықәылҵар лҭахуп, абри ауп хықәкыс илымоу.

Лела Қобалиа ишылҳәаз ала, ақыҭанхамҩаҿы ақәҿиара аиуреи лидеиақәа рынагӡареи аҿы илыцхрааит иҳәынҭқарратәым аиҿкаарақәеи лхаҵа агрономи.

„Аханатә, ариа ус саналагоз, схаҵа сиҳәеит аргәыцтә культурақәа рааӡара ҳалагап ҳәа. Иҳәынҭқарратәым аиҿкаара гектарбжак азы аҧара ҳзоунашьҭит. Аханатә ари аус акгьы алымҵыр ҳәа ҳшәон, убри аҟынтә, 2000 аквадраттә метр мацара еҭаҳҳаит. Аргәыцтә культура ахашәалахәы бзиа ҳзаанагеит. Насгьы, уи ашықәс азы амармалташь каҵа рацәан, араса аҽаҩра маҷын. Убри ашықәс азы аргәыцтә культурақәа роуп ҳаиқәзырхаз“, - иҳалҳәеит Лела Қобалиа.

Афермер ҧҳәыс лҭаацәара зегьы ақыҭанхамҩатә усурақәа ирылахәып. Аҽаҩра аҭагалара аан, ҩыџьа лхылҵгьы аусуҩцәа ирывагыланы аус руеит.

Лела лхаҵа Мурад Шаҟланӡе ишиҳәаз ала, иҧҳәыс лыбзоуралоуп абри аҩыза ақәҿиара шроуз, убри аҟынтә, аусхкқәа зегьы рҿы, ҷыдала ақыҭанхамҩаҿы, аҳәса рылахәызаара аҵакы ду амоуп ҳәа игәы иаанагоит.

Лела лхаҵа диақәшаҳаҭуп, убри аҟынтә, аусуҩцәа аналылхуа, аҳәса еиҕьалшьоит. Ишылҳәо ала, ақыҭаҿ инхо аҳәса реиҳара аусурҭа рымам, аарлаҳәа рхәыҷқәа рааӡоит, убри аҟынтә, дрыцхраар лҭахуп. Лела, ари аус знапы азыркыз иқәыҧшу афермерцәа лҧышәа рыдалгалоит.

Ақыҭанхамҩа инаваргыланы, арахәааӡареи аҧсатәааӡареи дазҿлымҳауп. Ажәқәеи, аџьмақәеи, ашәашәиқәеи, акәытқәеи, аҟызқәеи рымоуп.

Ахшлыҵқәеи аҽаҩреи аҭыҧантәи аџьармыкьаҿ илҭиуеит. Лела ақыҭатә ҳәсақәа ирыбжьалгоит адгьылҭыҧқәа аус анрыдыруло, агроамзари аспециалистцәа рыбжьагарақәеи иазҧхьагәарҭарц. Лажәақәа рыла, аҽаҩра бзиахарц азыҳәан, арҧссаратә системақәа ҽеизароуп, аиҭаҳаразы имазеиу анышә ацеллофантә пакетқәа рыла ихҩатәуп.

Афермер ҧҳәыс агрономиаҿ иҟоу аҧшьгамҭа ҿыцқәа дрызҿлымҳауп, аҵаратә курсқәа дрылахәып, лаалыҵ Европаҟа адәықәҵаразы иаҭаху астандартқәа ирызкны иаҳа ирацәаны еилылкаар лҭахуп.

Қырҭтәылеи Евроеидгылеи ирыбжьарҵаз ахәаахәҭратә қәыҧшылара наӡа иазку аиқәшаҳаҭра (DCFTA) „Ассоциациа иазку аиқәшаҳаҭра“ хәҭак ауп, уи ақырҭуа ааглыхҩцәа раалыҵ Европаҟа агара алшара рнаҭоит. 2014 шықәса инаркны, ақырҭуа ааглыхҩцәа, Евроеидгыла аџьармыкьашҟа раалыҵ анырго, аекспорт азы ашәахтә ашәара рықәшәом.

Убри аҟынтә, афермер ҧҳәыс, иаҭаху зегьы ҟалҵоит лара лаалыҵ европатәи астандартқәа ирышьашәалазарц азыҳәан, адонор аиҿкаарақәа дрыдҵаалоит, аҳәынҭқарратә программақәа ҭылҵаауеит. Азин ҷыдатә агрокредити, агроаҧгаҧсеи, ааҧынратәи аусурақәа ирызку ацхыраареи, иара убас, афермер ҳәсақәа рыдгылара иазку апроектқәеи лхы иалылхәар лҭахуп.
Print E-mail
Twitter
Ари aмaтериaлқәa
Џьаҧариӡеаа Местиа абнаҿы „Аҵысҭра“ аргылара иаҿуп.
11:21 / 12.02.2020
Џьаҧариӡеаа Местиа абнаҿы „Аҵысҭра“ аргылара иаҿуп.
Афранцыз ныҟәаҩ Готие Ҳен хышықәса Қырҭтәыла дынхон, анеҩс,
англыз-ақырҭуа-агыруа аиҿцәажәага ҭижьит.
13:34 / 31.01.2020
Афранцыз ныҟәаҩ Готие Ҳен хышықәса Қырҭтәыла дынхон, анеҩс, англыз-ақырҭуа-агыруа аиҿцәажәага ҭижьит.
Ҳара, ҳахьыҟоу аҭыҧ аҟынтә аҳәамҭақәеи апротести ҟаҳҵоит, џьоукы
аџьыкала,
10:17 / 24.01.2020
Ҳара, ҳахьыҟоу аҭыҧ аҟынтә аҳәамҭақәеи апротести ҟаҳҵоит, џьоукы аџьыкала,
1915 шықәса лаҵара 10 рзы ииз Наҭела Беранӡе аӡынра мҩаҧылгоит
Жәыргьыҭтәи амуниципалитет Хецера аҟыҭаҿ иҟоу лхатә ҩнаҿы,
12:48 / 30.12.2019
1915 шықәса лаҵара 10 рзы ииз Наҭела Беранӡе аӡынра мҩаҧылгоит Жәыргьыҭтәи амуниципалитет Хецера аҟыҭаҿ иҟоу лхатә ҩнаҿы,
Асоветтә репрессиақәа
Ажәaбжь ҿыцқәa
Қырҭтәыла апарламент аҿы иҟоу амилаҭтә библиотека иаҵанакуа арыцхәтә
Аҧснынтә ихҵәоу асахьаҭыхҩы Џьумбер Беҷваиа ақырҭуа шрифт ҿыц - Аҧсны иаҧиҵеит.
Аҧсны де–факто ареспублика ахада инапынҵақәа назыгӡо Валери Бганба идҵа ала,
Аӡиудо аҿы, аҳәса рыбжьара Қырҭтәыла ачемпионат мҩаҧысит.
Амультимедиa
Ақырҭуа ашә ажәытәтәи аҿыци ахкқәа Жәыргьыҭтәи ацәыргақәҵаҿы  [афото]
Апырпыл злоу ашә, еиуеиҧшм ахәсқәа рыла иҟаҵоу ашә, саҧерави иӡаашьу ашә,
Аботаникатә баҳча аартранӡа мызкы шагу [авидео]
Жәыргьыҭтәи аботаникатә баҳчаҿы аиҭашьақәыргыларатә усурақәа мҩаҧысуеит
Голландиатәи ашьынка арҧхарҭа Жәыргьыҭ [афото]
Жәыргьыҭ, Цаишьи ақыҭаҿ 65 шықәса зхыҵуа Гено Асаҭиани
Европа амшқәа Жәыргьыҭ ақалақь аҿы  [афото]
Гыртәыла – Хыхьтәи Шәантәыла аокругтә администрациа аҧхьа аҿар,
Ацирк агыгшәыгқәа рыда - Жәыргьыҭ имҩаҧгаз акциа
Жәыргьыҭ, ацирктә гыгшәыгқәа рыдгыларатә акциа мҩаҧысит.