Ауaaжәлaррa
Ашықәс ҿыцтәи аҽазыҟаҵарақәа зықәрахь инеихьоу ауаа ҽынлатәи рцентр аҿы [афото]
FaceBook Twitter
E-mail Print
Жәыргьыҭ иҟоу зықәрахь инеихьоу ҽынлатәи рцентр аҿы иахьа аҷыда мшуп. Зықәрахь инеихьоу ауаа аҧсаӡ рҩычоит, бжеиҳарала, дара рнапала иҟарҵаз ахәмаргақәа рыла.

Ари апроцесс ашьшьыҳәа имҩаҧысуеит ҳәа шәгәы иаанамгааит. Апроцесс иацуп агыруа ашәақәеи, арҭ ауаа рыбжьы рдуны иадырҧшуа ацәаныррақәеи. Зықәрахь инеихьоу ҧандури адырҳәоит, уи иацырҳәоит зегьы реиҳа бзиа ирбо амелодиақәа.

Абаар, ауада агәҭаны дықәгыланы акәашара далагеит 73 шықәса зхыҵуа Ламазо Ҟобалиа, уи длыцкәашарцаз даацәырҵит 65 шықәса зхыҵуа Елгуџьа Кварацхелиа. Егьырҭ зегьы анапеинҟьара иалагеит. Иахьа абраҟа иҟоуп 82 шықәса зхыҵуа Нора Лагвилавеи, 72 шықәса зхыҵуа Алеко Зарқуеи, 68 шықәса зхыҵуа Лали Сарҭаниеи. Ҧандури алырҳәоит ари ацентр аҿы зегьы реиҳа зықәра маҷу, 57 шықәса зхыҵуа Џьулиета Ҭоҧуриа.

7 мза раҧхьа иаартыз ацентр рхы иадырхәоит 17ҩык ауааҧсыра. Аханатә 8ҩык ракәын иҟаз, аха, етапла, зықәрахь инеихьоу рҭаацәара иаҳа идухеит. Уахь инеир зҭаху ауаа рацәоуп, аха ацентр аҿы уада заҵәык ауп иҟоу, уаҳа ауаа зрыдыркылом.

Ацентр ашҟа иныҟәо ауааҧсыра 7мза рыла иҟазаҩцәахеит, дара рнапала иҟарҵаз амаҭәарқәа рцәыргақәҵа еиҿыркаан, иакымкәа амаҭәарқәа рҭиит. Идырҳаз аҧарала амаҭәарқәа злаҟарҵашаз аматериалқәа аархәеит.
Акьанџьақәа, аҧсаӡқәа, ахәмаргақәа, иҧоу ақалҧадқәа, напыла иҩу аброшиурақәа, - абри зегьы зықәрахь инеихьоу ауаа роуп иҟазҵаз.

Аброшиура аҵакы ҷыда амоуп - уаҟа агыршәала аныҳәарақәеи ақырҭуа-агыруа ажәари иануп. Аброшиура давторуп Елгуџьа Кварацхелиа.

Ацентр анапхгаҩы Нана Шониа „Лаивпресс“ акорреспондент ишлалҳәаз ала, мызкы аҩнуҵҟала 10 мшы зырқәрахь инеихьоу ауаа рцентр аҿы аус иуеит зквалификациа ҳараку апсихолог. Уаҟа аиндивидуалтәи, иара убас, агәыҧтәи асеансқәа мҩаҧысуеит. Асоциалтә усзуҩгьы дрымоуп, иаргьы акреативтә ҟазара дыспециалиступ. Шьыжь инаркны хәлаанӡа ацентр аҿы аус луеит амедиеҳәшьа.

Нана Шониа лҳәамҭала, абенефицарцәа шьыжь инаркны хәлаанӡа ацентр аҿы иҟоуп, убри аҟынтә урҭ акрырҿарҵоит.

Гыртәыла – Хыхьтәи Шәантәыла иахьаҵанакуа зықәрахь инеихьоу ауаа раҧхьатәи рцентр Жәыргьыҭ иаартын 2019 шықәса рашәарамзазы. Уи зда ҧсыхәа иҟам абзазаратә техника ала еибыҭоуп. Абыргцәа, агәырҿыхаратә уснагӡатәқәа инрываргыланы, аекскурсиақәагьы рзеиҿыркаауеит.

Арҭ ауаа ралхра аан аҧыжәара рыман зымацара инхои зсоциалтә ҭагылазаашьа цәгьоуи ауааҧсыра.

Апроект - "Абыргра бзиа еиқәҳаршәап" Евроеидгыла аҧара азоунашьҭит шықәсыктәи аҿҳәарала. Апроект нанагӡоит аиҿкаара „Ҭаназиари“, ари аус аҿы ирыцхраауеит Жәыргьыҭ ахадара. Апроект ианхдыркәшалак, Ҽынлатәи ацентр аҭыҧантәи ахаланапхгара рнапахьы иасроуп.

Зықәрахь инеихьоу ауаа рценр аус ауеит есымша, асааҭ 10:00 инаркны 18:00-нӡа.
Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала