Ауaaжәлaррa
Хецери ақыҭаҿ инхо, 104 шықәса зхыҵуа анду Наҭелеи лҩызцәа ҳәсақәеи [афото]
FaceBook Twitter
E-mail Print
1915 шықәса лаҵара 10 рзы ииз Наҭела Беранӡе аӡынра мҩаҧылгоит Жәыргьыҭтәи амуниципалитет Хецера аҟыҭаҿ иҟоу лхатә ҩнаҿы, ауаџьаҟ дадтәаланы. Наҭела анду лхаҵа даныҧсы ашьҭахь, 20 шықәса лымацара дынхоит.

Лгәараҿы, ода авара игылоу, 2 еихагылак змоу аҩны иркуп, уаҟа аӡәгьы дынхом. Зхала иаанхаз аҭакәажә уадакгьы лызхоит. Лиарҭагьы ауаџьаҟ ааигәара игылоуп. Аҭӡамц иалоу аҵәымҕ аҿы икнаҳау апакет иҭоуп лара илыдылкыло ахәшәқәеи ашьақәыҕәҕәара ашәагеи.

104 шықәа зхыҵуа аҭакәажә илгәалашәаша рацәоуп - дынкахәыцуа амца дахәаҧшуеит. Лыкәша-мыкәша ҭынчроуп, амҿы аццышәтәра бжьы мацароуп иуаҳауа. Зны-зынла ари аҭынчра еиланагоит Наҭела анду лқәыҧсычҳара. Уи лыҧсҭазаара ду аҿы иҟаз аамҭа хьанҭа анылгәалашәо, ма алаба лыцырхрааны аскам аҟынтә дангыло ауп.

Ишылҳәо ала, аҧсынҵра ду хәарҭам, избанзар гәыкала бзиа иубоз ауаа урхаанхоит.

Дызхысыз аҧсҭазаараҿы дзыхьхуа рацәоуп. Иаҳҳәап, лхаҵа дизыӡырҩны, ааӡатәыс ахәыҷы дахьылымгаз дахьхуеит.

Лхаҵа 20 шықәса раҧхьа дыҧсит, лажәымҭаҽха лымацара дахьаанхазгьы дахашшаауеит.

Импыҵахалоу Галтәи араион Ҷубурхьинџьи ақыҭаҿ илызгылоу лыҩны гәхьаалгоит, хаҵа дцаанӡа уаҟа лаҳәшьеи лашьеи дрыцынхон.

Лыҧсҭазаараҿы анырра лызҭаз ахҭықәа зегьы лгәалашәоит. Лан ҧасаны дыҧсит. Наҭела Беранӡеи, ҩыџьа лаҳәшьцәеи, лашьеи ранҧсы илааӡон. Лаҳәшьа еиҳабгьы Наҭела дылхылаҧшуан.

„Сан даныҧсы, сашьа дышгәыдыскылоз мацароуп исгәалашәо. Ақьызқьыз ҳәа убас иҵәыуан, сыбжьы ажәҩан аҟынӡа ишьҭыҵуан“ , - илҳәеит Наҭела анду, лара агыршәала ацәажәара еиҕьалшьеит.

Уажәазы аҭакәажә лыҧсҭазаара дырҧшӡоит лаҳәшьцәеи лашьеи рхылҵ. Лассы - лассы илҭаауеит. Галҟагьы дыргалоит, аха лара 2-3 мза еиҳаны уаҟа даанхом - лхатә ҩни луаџьаҟи гәхьаалгоит.
Наҭела анду ишылҳәо ала, лгәылацәа бзиақәа ракәымзгьы, дыҧсхьазаарын.

104 шықәса зхыҵуа Наҭела Беранӡе ақыҭаҿы зегьы бзиа дырбоит, еснагь илеиҷаҳауеит. Аӡәы аӡын азы амҿы лзеиқәиршәоит, даҽаӡәы лара бзиа илбо абысҭеи ашәи лызналгоит. Аӡәы данымаауа иҟам, лшьақәыҕәҕәара гәарҭоит, иаамҭаны ахәшәқәа лырҭоит.

„100 шықәса срылгахьеит, 104 шықәса сырҭагылоуп. Аха, уи азыҳәан Анцәа сиаҭабуум. Араатәи аҳәса исхылаҧшуеит. Ҵаҟа, алаҟәыраҿ инхо, схаҵа иаб иаҳәшьа лмаҭа иоуп. Абарҭ хаҵеи ҧҳәыси роуп бжеиҳарала исхылаҧшуа. Сывара инхо агәылацәагьы. Шьыжьымҭан схәы ҟаҵаны иаауеит... Урҭ роуп сзықәгәыҕуа. Аӡәы уиқәгәыҕуа уҧсы ҭазар бзиоума? Аӡәы аӡы сзааигоит, даҽаӡәы абысҭа сзылуеит, уи ҧсҭазаароума?“, - абас Наҭела анду аҧсынҵра ду азы Анцәа гәыбҕан илҭоит.

Еиҳарак илзаауа лҩызцәа ҳәсақәа роуп - 90 шықәса зхыҵуа Назо Абшилавеи 80 шықәса зхыҵуа Еҭер Гергедавеи.

„Аӡҕабцәа“ ауаџьаҟ иадтәаланы, ақыҭаҿ иҟалаз ахҭысқәа лзеиҭарҳәоит:

„Абас ҳтәаны ҳцәажәоит. Сара бзиарак сақәшәар, деигәырҕьоит, саргьы лара хар лымамшәа дшыҟоу анызбалак, сгәы иаахәоит. Уааигәара иҟоу ауаа хара иҟоу ауацәа иреиҕьуп“, - илҳәеит Назо Абшилава.

Абри аҟара шықәса анҵара амаӡа иазкны ҳанразҵаа ишырҳәаз ала, уи зларылшаз рыздырӡом, избанзар аҧсҭазаараҿы имаҷымкәа арыцҳарақәеи агәаҟрақәеи рхыргеит. Еҭер Гергедава лҳәамҭала, махәҿалатәи аусура акәзар ҟалап рықәра ду зызбоуроу.

„Уажәтәи аҿар санрыхәаҧшуа, ашьҭалареи ацәареи бзиа ирбоит. Ҳара еснагь аус аауан, уажәгьы шьапыла ҳныҟәоит“, - илҳәеит 80 шықәса зхыҵуа аҧҳәыс.

Наҭела анду асасцәа бзиа илбоит. Ҵыҧх лтәанчахәы лгәылацәа ирылҭан, Ашықәса ҿыц азы ачыс лзаархәарц дрыҳәеит. Даргьы лыҳәара нарыгӡан, лыҩнаҿы аишәа дырхиеит. Аха, уамак рзымфеит ҳәа лгәы иалан.

Наҭела Беранӡе лыҩнаҿы сынтәагьы Ашықәс ҿыц азы рҽазыҟарҵоит. Аҭакәажә лҩызцәа ҳәсақәа аҧсаӡ аҩычара иаҿуп, ҳаргьы ҳарныҳәеит 104 шықәса зхыҵуа, асасцәа гәхьаазго анду ҳлызнеины дахьаабаз азыҳәан.

Аҧшәма ҧҳәыс агыруа ажәеинраала лгәалалыршәан, убас ҳнаскьалгеит:

Ишәыдысныҳәалоит Ашықәс ҿыц,

Аныҳәатә аҵәа ҟаҧшь ала,

Ачеи ацәи уаҳа исҭахӡам

Шәаара ауп сзыргәаҟуа.


Ҳанынаскьалгоз, Наҭела анду агәара ду аҵыхәанӡа дзахымсит, дааҧсан, ллабашьа лыцырхрааны, ауаџьаҟ амца ахьҭаз луадашҟа дхынҳәит.
Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала