Ауaaжәлaррa
Аҵысҭра - аҭаацәара қәыҧш рбизнес Местиа абнаҿы [авидео/афото]
FaceBook Twitter
E-mail Print
Џьаҧариӡеаа Местиа абнаҿы „Аҵысҭра“ аргылара иаҿуп. Уаҟа идыргыло 10 котеџьк аҧсагәра иалагылоуп, Ушба ацәқәа рахь рхы рханы. „Аҵысҭра“ аргыларатә усурақәа активла имҩаҧысуеит, аҧхынразы, аамҭакала 30ҩык раҟара аҧсшьацәа рыдкылара рылшоит.

Ари аидеиа рызцәырҵит хаҵеи-ҧҳәыси Гьаргь Џьаҧариӡеи Ҭаҭиа Ҭеҭрашвилии. Ҿыц еибагаз хаҵеи-ҧҳәыси абизнес алагараҿы ирыцхрааит Гьаргь иҭаацәа. Дара ари аусхкы аҿы аҧышәа ду рымоуп - Местиа агәҭаны аҭаацәаратә сасааирҭа рымоуп.

Афото: Гьаргь Џьаҧариӡеи Ҭаҭиа Ҭеҭрашвилии

31 шықәса зхыҵуа Ҭаҭиа Ҭеҭрашвили Қарҭ диит, аха ашәануа ҷкәын даницца, Местиаҟа анхра диасит. Ажәлар дышрацәажәаша лдыруеит, абизнесусурагьы лцәыуадаҩым. Қарҭ данынхоз аҳостель лыман, ари аҧышәа араҟа дызлагаз аус аҿгьы илыцхраауеит ҳәа лгәы иаанагоит.

„Аханатә абизнесплан ҳамамызт. Адгьылҭыҧ ҳаман, ҳхазы аҩны хәыҷык иргыланы, ҳаҩналар ҳҭахын. Акыраамҭа абри ҳазхәыцуан, нас, абизнесидеиа ҳазцәырҵит, избанзар абра акоммуникациақәа иҟамызт, урҭ реиҿкааразы аҧара ду аҭахын, ҩнызаҵәык аргылара иаҧсамызт. Убри аҟынтә, иаҳа ирацәаны иҟаҳҵарц ҳаӡбеит“, - илҳәеит Ҭаҭиа Ҭеҭрашвили „Лаивпресс“ акорреспондент данлацәажәоз.

Шәантәыла атуризм аҿиара ианалага, ари аҭаацәара абизнес ҿыц алагаразы агәызҭаҵага роуит. Ҭаҭиа хәышықәса раҧхьа Местиа аҧсшьара даннеи, арҭ аҭыҧқәа зеиҧшраз лгәалалыршәоит. Ишҳалҳәаз ала, усҟан лҩызцәеи лареи акрахьырфаша аҭыҧ иашьҭан, избанзар 2 - 3 ресторанк рыда уаҳа акгьы иҟамызт.

Ҭаҭиа ишылҳәаз ала, уи ашьҭахь илҵаз рацәоуп – аҭаацәаратә сасааирҭа дыргылеит, ахархәаҩцәа ирыдаргало асервис еиҕьхеит. Аҧҳәыс қәыҧш ишҳалҳәаз ала, уажәшьҭа атуристцәа, рҩызцәа рыбжьагара алоуп абрахь ишаауа:

„Местиа, ҳҭаацәаратә сасааирҭаҿы атуристцәа есышықәса иаҳа ирацәахоит. Знык иааиз, анеҩстәи ашықәс азы рҩызцәеи руацәеи рыманы еиҭаауеит“.

Убри аҟынтә, Ҭаҭиа агәыҕра ду лымоуп дара рбизнесгьы ақәҿиара аиуп ҳәа. Ас еиҧш агәыҕра лызҭо даҽа факторкгьы иҟоуп, хаҵеи-ҧҳәыси иаҧшьыргаз аус ари аҭыҧ аҿы макьана аӡәгьы иҟаимҵаӡацт.

"Аҵысҭра" ахьдыргыло адгьылҭыҧи Местиа ацентри километрк рыбжьоуп. Ари аҭыҧ Ҭеҭнулдеи Ҳаҵвалии рымҩеихысырҭаҿы ишьҭоуп. 4000 акв. м. адгьылҭыҧ, ишеибгоу, абнара агәҭаны ишьҭоуп. Абнареи Ушба аҧшреи адагьы, ари аҭыҧ даҽа ҧыжәаракгьы амоуп, уаанӡа анеира мариоуп.

"4 котеџьк ҧшьҩык - ҧшьҩык рзы иазҧхьагәаҭоуп. Аҩнуҵҟа антрессоль ҟаҳҵоит. Ҩыџьа хыхь ишьҭалоит, ҩыџьа ҵаҟа. Егьырҭ ф-коттеџьк ҩыџьа-ҩыџьа рзы, аха- рхәыҷқәа ма рҩызцәа рыманы иааир, иҵегьы ҩыџьагьы акуеит", - иҳалҳәеит "Аҵысҭра" аҧшәмаҧҳәыс.

Акотеџьқәа инарываргыланы, уааҵәҟьа аресторангьы дыргылоит. Ҭаҭиа Ҭеҭрашвили ишҳалҳәаз ала, аресторан андыргылалак, уи аҧсшьацәа мацара ракәымкәа, изҭаху ауаа зегьы рхы иадырхәар рылшоит.

Аргыларатә усурақәа мҩаҧызго хазхаҭалатәи аилахәыра акотеџьқәа рыргылара иалгароуп мшаҧы 15 рзы. Анеҩс ашҭа аиҿкаара иалагоит. Хаҵеи-ҧҳәыси ҧхынәгы 1 инаркны асасцәа рыдкылара рылшап ҳәа ргәы иаанагоит.

„Хәыҷы-хәыҷла ауникалтә сервис алаҳарҵәар ҳҭахуп. Ауаа ҳадаҳкылан, ишьҭаҵаны иҳарҵәоит ҳәа акәӡам ҳгәы ишҭоу. Алагылазаара ҷыда еиҿаҳкаар ҳҭахуп. Убри азоуп „Аҵысҭра“ изахьӡаҳҵаз. Иаҳзаауа ауаа дара ирҭаху зегьы рыла еиқәҳаршәар ҳҭахуп. Ҳара џьара аҧсшьара ҳанцо, зегьы реиҳа иаҳҭаху, зегьы реиҳа иаҳзыманшәалоу ҳамдыруеит, абри аҩызаҵәҟьа алагылазаара араагьы еиқәҳаршәар ҳҭахуп“, - илҳәеит Ҭаҭиа.

„Аҵысҭра“ аҿы уахыки ҽнаки аҟазаара, ҩыџьа рзы, 150 лари иаҧсазаауеит. Сынтәа Шәантәыла ӡынгьы - ҧхынгьы атуристцәа аднаҧхьалоит. Аҧхынра инаркны "Аҵысҭрагьы" аҧсшьацәа рыдкыларазы ихиазаауеит.
Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала