Ауaaжәлaррa
Ауҭраҭыхтә конфетқәа „Копешон“ аҟынтә [афото]
FaceBook Twitter
E-mail Print
Аҟәа иалҵыз Екатерина Ҧарулава занааҭла дҳақьымуп. Аиҭакрақәа дышрышьҭаз, аекспериментқәа шымҩаҧылгоз, лхобби ахашәалахәы лзаанаго иалагеит.

Знык, ҧҳәыск лхәыҷы бзиа иимбоз ауҭраҭых иалхны аканфетқәа шизыҟалҵаз аинтернет аҿы ианылба, ларгьы ацукатқәа рыҟаҵара дазҿлымҳахеит.

„Аҟабақ даараӡа бзиа избоит. Уи асезон анааи, иаахәаны, счысҟаҵарҭаҿы иҟасҵеит. Зегьы раҧхьа сыҧшәа агьама исырбеит, иара афатә атехнолог иоуп. Еиуеиҧшым авариантқәа рыҟаҵара салагеит. Арецептқәа аинтернет аҿы исыҧшаауан. 15 минуҭ аинтервал ала изжәыр акәын, аха сынӡаскгьы изжәуам. Ашьақаргьы еиҵастәит. Иансырҩо атемпература 100 градус иреиҳам, убри аҟынтә, аҟабақ ахатә хырҳагара ацәыӡуам“.

Раҧҳхьатәи лаалыҵ - аҟабақ иалху ацукат акарицеи аванили аҭаны, Қьырса аныҳәамшқәа раан аџьармыкьашҟа илгеит.

„Сҩызцәа агьама рбеит, аха изакәыз рзеилымкааит. Аҟабақ шакәыз анеилыркаа, ари аус иаҳа сыхшыҩ азысышьҭырц сыбжьаргеит. Аҟабақ агыршәала копешьиа ахьӡуп, убри аҟынтә, сҩыза ари аалыҵ „копешони“ ахьӡалҵеит. Абас ала, ахобби ахашәалахәы сзаанаго иалагеит“.

Убри ашьҭахь, агранттә конкурск лхы алалырхәит, уи абзоурала, ауҭраҭых аҧҟага аалхәан, еиуеиҧшым ауҭраҭыхқәа рыла аекспериментқәа рымҩаҧгара далагеит.

„Амарковка сҧышәеит, алимон аҭаны иҟасҵеит, нас, аҷархал сҧышәеит. Уи ашьҭахь, асезон аныҟаз, цукини, арозмарини ашьыхәи аҭаны, апомидор иаҵәеи анашеи ацитрус ауҭар даараӡа ихаауп, макьана ауҭраҭыхқәа роуп интересс исымоу. Егьырҭ ауҭраҭыхқәагьы сҧышәар сҭахуп“.

Уажәааны, Америкатә жәларбжьратәи аҿиара агентра имҩаҧнаго апроект „Азҳара“ аҟынтәи ауҭраҭых арҩага лоуит, уи абзоурала, анаплакҩы, лбизнес арҭбаареи, иаҳа ирацәаны аалыҵ аҟаҵареи, агьырҭ ауаааҧсыра аусурҭа ала реиқәыршәареи лылшоит.
Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала