Ауaaжәлaррa
Галаа акоронавирус ахкҿыци асоциалтә кризиси аҿаҧхьа
FaceBook Twitter
E-mail Print
Урыстәыла ала импыҵахалоу Аҧсны аҵакырадгьыл аҿы хәажәкыра 28 инаркны аҭагылазаашьа ҷыда рыларҳәеит. Уаанӡа уаҟа акарантин апҟарақәа рыла инхон. Хәажәкыра 25 рзы де-факто анапхгара афатәдәқьанқәеи апҭекақәеи рыда, егьырҭ аобиектқәа зегьы рыркразы аӡбара рыдыркылеит. Иара убас, аиҭаҵреи амассатә аизарақәеи рзы аҧкрақәа шьақәыргылан.

Адунеи зехьынџьара апандемиа шрылаҳәазгьы, де-факто анапхгара апрезидентрахь алхрақәагьы мҩаҧыргеит. Аҧсуа медиаҿы аларҵәара змаз акадрқәа рҿы ибзиаҵәҟьаны иубарҭоуп абжьыҭира иалахәыз атәылауаагьы, „алхратә комиссиа“ алахәылацәагьы, акоронавирус аларҵәара апревенциазы аелементартә пҟарақәа шырымхьчоз. Гәыҧ-гәыҧла еизаны игылаз алхыҩцәа амедицинатә сабрадақәеи анапҭарҧақәеи рымамызт.

Жәабран 26 рзы, Қарҭ акоронавиурс раҧхьатәи афакт анышьақәдырҕәҕәа ашьҭахь, Аҧсны анапхгара, Covid-19 аларҵәара апревенциа амзызла, Қырҭтәыла егьи ахәҭаҟны анеиааира иадҳәаланы аҧкрақәа шьақәдыргылеит. Анеҩс, хәажәкыра 14 рзы, де-факто анапхгара Игры ацҳа адыркит. Ацҳаҿы аиҭаҵра рылшоит ИгрыГес аусзуҩцәа мацара.

„Уажәы аҳәаа аркуп. Аҳәааҿы издыруа ауаа рацәоуп, ацҳа ахысра сылшон, зны-зынла, аҧкрақәа аныҟаз, аҧарагьы рысҭон, аха уажәы ҳазбыцхраауам ҳәа сарҳәеит“, - илҳәеит Галтәи араион Тагилони ақыҭа иқәынхо аҧҳәыс „Лаивпресс“ акорреспондент данлацәажәоз.

Лара ишылҳәаз ала, акоронавирус ахкҿыц иазку аинформациа ақырҭуа информациатә хыҵхырҭақәа рҟынтә ирдыруеит, ирылшо ала агәабзиарахьчара ацентр абжьагарақәа ирықәныҟәоит:
„Адәахьы ҳдәылҵӡом, ҳазынтәгьы ҳҽыҧхьакны ҳаҟоуп. Араҟа уезгьы ауаа рацәам, иҟоу зегьы аҩны ҳтәоуп. Уаҵәы инаркны аџьармыкьагьы адыркуеит ҳәа ҳарҳәеит. Ҧсоугьы ишдыркыз аадыруеит, араантәгьы акгьы ааргом. ЕАР ахаҭарнакцәа иҟан, ирылшоз зегьы ааргеит“.

Жәыргьыҭ иаанхаз даҽа респондентк мызкы ҵуеит Тагилонҟа дхынҳәыр илҭахижьҭеи, уаҟа лан аҭакәажә дылзыҧшуп. Инеза Кварацхелиа ишылҳәаз ала, аҭагылазашьа ҷыда анрыларҳәа ашьҭахь, ақырҭуа азинхьчаҩцәагьы ауаа Аҧсныҟа ацара азин рырҭом:

„Аӡәгьы доурыжьҭуам. Аҭагылазаашьа ҷыда амшала, ақырҭуа азинхьчаҩцәагьы ацара азин ҳарҭом“.

Акоронавирус ахкҿыц алаҵәара апроблема инаваргыланы, Галаа асоциалә ҭагылазаашьа еицәахар ҳәа ишәоит. Қарҭ ирырҭо атәанчахәи егьи аҧаратә цхыраареи рзыгом, афатә аҭаҵәах рымам, ахәшәқәа рызхом. Галаа ишырҳәаз ала, аџьармыкьаҿы Урыстәылатәи аалыҵ макьана иҟоуп, аха, хара имгакәа, уигьы нҵәоит.

„Ауаа аҧара рымам, иаархәараны иҟои? Жәыргьыҭ ауп, бжеиҳарала аҧара ахьҳауаз, атәанчахәы, ацхыраара... абри зегьы уаауп ауаа ахьроуаз. Анеиааира ианаҟәырх ашьҭахь ауаа рҭагылазашьа иаҳа еицәахеит“, - илҳәеит Гал инхо Наргиза Арониа.

Уажәазы иҟоу аҧкрақәа рымшала, имыпҵахалоу арегион иқәынхо ауааҧсыра акоронавирус ахкҿыц аҿагылара аус аҿы Қырҭтәыла иақәгәыҕуеит. Агәра ганы иҟоуп раҧхьатәи афакт анаадырҧшлак, де-факто анапхгара иаразнакҵәҟьа „аҳәаа“ шаадыртуа:

„Галтәи ахәышәтәырҭаҿы ишырҳәаз ала, акоронавиурс аадырҧшыр, иаразнакҵәҟьа аҳәаа аадыртуеит, избанзар араҟа акгьы рымам“.

Аҟәа абри аҩыза аҷыдалкаак ҟарҵахьеит, хәажәкыра 25 рзы, хымз зхыҵуа асаби иани, ацхыраара лас амашьынала, Жәыргьыҭҟа иоурыжьҭит. Ахәышәтәырҭаҿы ишырҳәаз ала, асаби цәгьала деимҳәон, уажәазы хар имамкәа дыҟоуп.

Қарҭ Аҟәа ацхыраара рыдаргалахьеит. Ацентртә напхгара рҳәамҭала, Аҧсны иқәынхо ауааҧсыра зегьы, Қырҭтәыла егьырҭ атәылауаа рхы иадырхәо асервисқәа зегьы рхархәара рылшоит. Хәажәкыра 25 рзы аҧсуа аҳақьымцәа аҳәамҭа ҟарҵан, акоронавирус ахкҿыц аҿагылара шрылымшо аарыцҳаит.

Агәабзиарахьчара адунеизегьтәи аиҿкаара ахаҭарнакцәа импыҵахалоу аҵакырадгьыл ашҟа инаргеит акоронавирус ахкҿыц аҿагылара иазку амедицинатә цхыраара. Хәажәкыра 18 рзы Аҟәа иаҭааз аделегациа далан Қырҭтәылатәи аофис анапхгаҩы Сильвио Доменте. Қырҭтәыла ахада Саломе Зурабишвили Агәабзиарахьчара адунеизегьтәи аиҿкаара ахаҭарнакцәа ари аҳамҭазы ҭабуп ҳәа ралҳәеит.

Хәажәкыра 26 рзы Аҧсны даҽа медицинатә цхыраарак роуит. Уажәазы аидара рыздәықәнаҵеит ақырҭуа аиҿкаара „Наҟ-наҟтәи аҧеиҧш азы аҵысра“. Уи анапхгаҩы Гьаргь Канашвили „Лаивпресс“ ишазааицҳаз ала,ари ацхыраара Галтәии Аҟәатәии ахәышәтәырҭақәа ирзыршеит.

Қырҭтәыла аинаалареи атәылауаҩратә аиҟарареи азҵаарақәа рзы аҳәынҭқарратә аппарат аҿы "Лаивпресс" акорреспондент ишларҳәаз ала, аҵыхәтәантәи аамҭазы, импыҵахалоу аҵакырадгьылқәа рҿы COVID-19 апревенциазы акрызҵазкәа ашьаҿақәа ҟарҵоит.

"Абарҭ амшқәеи амчыбжьқәеи рыҩнуҵҟа, атәыла аиҳабыреи, жәларбжьаратәи апартниорцәеи, еиуеиҧшым хаҭалатәи ахаҿқәеи аиҿкаарақәеи, рхатә гәаҧхарала, активла ари апроцесс иалахәып, урҭ рызынтәгьы ҭабуп ҳәа расҳәар сҭахуп", - илҳәеит аминистр Қеҭеван Цихелавшили.

Жәларбжьаратәи ацхыраареи ақырҭуа агәыҳалалреи инаваргыланы, аҧсуа ҭыжьымҭақәа ишаарыцҳауа ала, COVID-19 аарҧшразы, Урыстәылантә ҳамҭас ироуит 400 цыра атест ҿыцқәа.

Аҟәа акоронавирус ахкҿыц иадҳәаланы адыррақәа аладмырҵәеит. Аҧсуа медиаҿы ишаарыцҳаз ала, 70ҩык мацара апациентцәа рыдыркылар ахьрылшо Гәдоуҭатәи ахәышәтәырҭа хада COVID-19 ахәышәтәразы ихиоуп.
Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала