Ауaaжәлaррa
Италиа иаанхаз ақырҭуа аҳәса рҭоурыхқәа [авидео/афото]
FaceBook Twitter
E-mail Print
„Есыуаха иҧсыз ауаа рстатистика саназыӡырҩуа, ҿымҭ аҵәыуара саҿуп. Сызхылаҧшуа аҧҳәыс 91 шықәса лхыҵуеит, сышҵәыуа лбар сҭахым. Адәахьы аҵиаақәа ишәҭуеит, аха аӡәгьы дубом, рызынтәгьы џьара ибжьаӡызшәа. Ашәҭқәа рыфҩы хаа ацынхәрас, аҧсра афҩы уцәа ианыруеит“, - илҳәеит акыршықәса рыҩнуҵҟа Италиа аус зуа Елисо Тирқиа.

Елисо жәыргьыҭтәи амузыкатә школ аҿы арҵаҩыс аус луан. Лџьаусҧса маҷын, убри аҟынтә, аҳәаанырцәҟьа дцаны, уаҟа илоуа аулафахәы ала лҭаацәара дрыцхраауеит.

Ишылҳәо ала, лыкәша - мыкәша иҟоу ауаа зегьы апандемиа иахылҵыз аҭагылазаашьа цәгьа иаргәамҵуеит. Қырҭтәылаҟа дхынҳәыр лҭахымхеит, избанзар уажәазы аныҟәара шәарҭоуп, амҩан ари авирус ҿылкаар ҳәа дшәоит. Адәахьыҟа ддәылымҵижьҭеи акрыҵуеит. Дызхылаҧшуа аҭакәажә лхылҵ афатәаалыҵи дара ирҭаху егьырҭ амаҭәарқәеи ааганы, ашә аҧхьа иаанрыжьуеит.

„Ҳара ҳтәылаҿы абри аҟара ауаа иҧсызҭгьы, абра ишыҟарҵо еиҧш, абарҵа ҳақәгыланы ашәаҳәара ҳалшозма, еснагь абри сазхәыцуеит. Нас, цқьа сазхәыцын, еилыскааит дара абас рцәаныррақәа шаадырҧшуа, рыгәхьаақәа зегьы ашәаҳәарала иаадырҧшуеит. Есымша рашәаҳәара абжьы саҳауеит“, - иҳалҳәеит Елисо.

Лара, егьырҭ ақырҭуа ҳәсақәа реиҧшҵәҟьа, Италиа маӡала аус луеит, аха, ишылҳәо ала, уезгьы агәабзиарахьчара асервисқәа зегьы рхархәара лылшоит.

„Амалаҳа аҽыхәшәтәра зегьы ирылшоит, аха, апандемиа аан ахәышәтәырҭақәа рҿы аҳақьымцәагьы рызхом, аҭыҧқәагьы иҟам. Авирус ала учмазаҩхар, цәгьала уҟалаанӡа, аҧсыҧ лагаҩагаратә аппаратә уҭаххаанӡа, ахәышәтәырҭа уҭарҵаӡом“.

Апандемиа иахылҵыз аҭагылазаашьа шыцәгьоугьы, Елисо, уезгьы, лгәы злалырҿыхша лыҧшаауеит, агәараҿы ашәҭқәа дырхылаҧшуеит. Зны-зынла ахаатәқәа ҟалҵоит. Хәылбыҽхан, дызхылаҧшуа аҧҳәыс длыдтәаланы, аклассикатә музыка дазыӡырҩуеит.

Италиа маӡала дынхоит жәыргьыҭтәи аҧҳәыс Анагьы. Лара лымацара лхәыҷы длааӡоит, аҵара бзиа илҭарц азыҳәан, аҳәаанырцәҟьа дцаны аусура далагеит. Дызхылаҧшуаз аҧҳәыс мызкы аҧхьа дыҧсит, аха, аҭакәажә лыӡҕаб Ана длыҳәеит иҟалозар ҳара ҳҿы баангыл ҳәа.

„Сызхылаҧшуаз анду аинфаркт лыхьын, дыҧсит. Лыӡҕаб ибҭахызар ҳара ҳҿы баангыл, акоммуналтә шәахтәқәагьы ршәара бықәшәом ҳәа салҳәеит. Дара сыртәушәа ауп сшырбо. Иҧхасшьоит, аха, уажәазы уаҳа ҧсыхәа сымам. Сыҷкәын уи издырӡом. Дсыргәамҵыр сҭахым, акгьы иасымҳәеит. Иара дыстудентуп, Қарҭ дынхоит. Есымза аҧара изынасышьҭуеит, Қырҭтәыла аус зуасҭгьы, абри аҟара аҧара сызиҭомызт. Изысышьҭуа аҧара аемигрант ӡҕабцәа рҟынтә ҧсахра изгоит. Апандемиа аниаслак, араҟа аусурҭа ҿыц сыҧшаап ҳәа сгәыҕуеит“, - илҳәеит Ана.

Елисои Анеи ишсарҳәаз ала, Италиа аепидемиа шыҟоугьы, уаҟа имаҷымкәа ақырҭуа ҳәсақәа аанхеит. Урҭ, ирылшо ала, дара-дара еицхыраауеит.

„Акарантин амшала ишьақәыргылоу аҧкрақәа рыдагьы, ҳҭаацәарақәа ҳарцәыхароуп, арахь, аҭаҳмадацәа ҳшырхылаҧшуа адәахьы адәылҵхагьы ҳамам, ақырҭуа аемигрант ҳәсақәа абри зегьы даараӡа ирықәыҕәҕәоит“, - илҳәеит Рим инхо Лали Латариа.

Лали Қырҭтәыла режиссиорс аус луан, уи адагьы, атеатр аҿы дыхәмаруан. Нас, Италиаҟа дцан, аемигрантцәа рыла еиҿкаау агәыҧ аҿы арҵаҩыс дыҟоуп.

Апандемиа аан, лҩызцәа ргәалаҟазаара шьҭылхырц азыҳәан, Феисбуқ аҿы агәыҧ еиҿылкаан, онлаин арежим аҿы аеробикеи акәашареи длырҵоит.

„Гәыкала бзиа избо аус ҟасҵозар, сҩызцәа ргәы иаахәаша ак ҟасҵаратәы алшара сымазар, егьа аҭагылазаашьа цәгьазаргьы, агәырҩа уҿауҭар ҟалом ҳәа сгәы иаанагоит. Италиаҟа саанӡа сашьа дыҧсит, ашәы сшәын. Арепетициашҟа саннеиуаз, ахәыҷқәа уамашәа ибаны исыхәаҧшуан, исшәыз ашәы дара ишаргәамҵуаз збон. Нас, еилыскааит ус анагӡара шыҟамлоз. Спектакльк аан акулисқәа рахь снеины, ашәы сшәысхын, иҧштәылаз амаҭәа сшәысҵеит. Ахәыҷқәа, даараӡа ишәнаалоит ҳәа сарҳәан, уаҳа ахаан ашәы сшәысымҵарц исыҳәеит. Убри ашьҭахь, егьа сҭагылазаашьа уадаҩзаргьы сгәы касыжьуам“, - исалҳәеит Лали.

Аусура ашьҭахь Лали ахыб ашҟа дхалоит. Аиталианцәа бзиа ишылбо аалырҧшырцаз, италиатәи ашәа иаҿакны, Аҷарули дкәашоит. Уажәазы ажәытәӡатә амилаҭтә кәашара Тарантелла акәашашьа лҵоит.

Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала