Ауaaжәлaррa
Covid-19 амашала Қырҭтәыла азарал зауз ауааҧсыра рыдгыларазы Жәыргьыҭтәи ахаҵа Гонновер имҩаҧиго
Жәыргьыҭ иалҵыз Гоча Лагвилава Германтәыла ақалақь Ганновер дынхоит, иара апандемиа амшала азарал зауз ақырҭуаа дрыцхраарц азыҳәан, агәыҳалалратә акциа амҩаҧгара далагоит.

Гоча Лагвилава, Қырҭтәыла акоронавирус амшала азарал зауз рфонд аҧара алеиҵарц азыҳәан, инапала иааирыхыз анашеи апомидори аиҭаҳатәқәа иҭиуеит.

„Суҭраҿы иаасрыхәа аиҭаҳатәқәа уаанӡа сҩызцәа ирзысшон, аха уажәтәи аҭагылазаашьа иазҧхьагәаҭаны, агәыҳалалратә акциа еиҿыскаарц сыӡбеит - Ганновер инхо ақырҭуаа Қырҭтәылазы. Арҭ аиҭаҳатәқәа Қырҭтәылантә иааргеит. Акциа аҳәаақәа ирҭагӡаны, аиҭаҳатә цыҧхьаӡа 20 евро ҳәа исҭиуеит. Исырҳауа аҧара зегьы Қырҭтәыла акоронавирус амшала азарал зауз ауаа рфонд иаласҵоит", - иҳаиҳәеит Гоча Лагвилава.

Аәгыҳалалратә акциа аҳәаақәа ирҭагӡаны, 50 цыра аиҭаҳатәқәа иҭиир иҭахуп.

„Акциа ақәҿыҭра аиухьеит. Ганновертәи ауниверситет аҿы аус зуа аҵарауаҩ Нино Цибаӡе зыӡбахәы ҳәоу афонд 2000 лари алалҵахьеит. Иара убас, Қырҭтәыла ацхрааразы аиҭаҳатәқәа аазхәар зҭаху ауаагьы исыдҵаалоит. Џьоукы цыра заҵәык рҭахуп, 10 цырак аазхәогьы иҟоуп, аха, уи акәӡам аус злоу, зегьы реиҳа ихадоу, аамҭа цәгьа аан ҳаицхыраауеит“, - иҳәеит акциа еиҿызкааз ахаҵа.

Гоча Лагвилава Германтәыла дынхоижьҭеи хышықәса ҵуеит. Аҵара иҵоит, иара убас, зылшарақәа ҧку ауааҧсыра рҟны аус иуеит. Ганновер иҟоу ақырҭуа диаспора рпроектқәа активла дрылахәып.

Гоча ишиҳәаз ала, ақырҭуа диаспора рыцхыраара ала, хара имгакәа, StopCov афонд ашҟа алагала ду ҟарҵар рылшап ҳәа дгәыҕуеит.