Ауaaжәлaррa
Аҩны аҟазаара хырҳагак ахылҵырц азыҳәан - аҟазарҭа аҟынтәи авидеоурок
FaceBook Twitter
E-mail Print
Ирина Миқава лҟазарҭаҿы акоронавирус аларҵәара ашәарҭа амшала аҩны иҟоу ауаа рзы авидеоурокқәа рымҩаҧгара иалагеит. Анаплых азҟазацәа имҩаҧырго аурокқәа ҷыдала ирызҿлымҳауп ахәыҷқәа ахьыҟоу, урҭ ргәырҿыхара зцәыуадаҩу аҭаацәарақәа. Ирина Миқава аурокқәа рзы иалылхит ахәыҷқәа имарианы иҟарҵаша аксессуарқәеи аҩнытә декоративтә маҭәарқәеи. Ахәыҷқәа амаҭәарқәа злырхша аматериалқәа аҩны ирыҧшаар рылшоит.

Ирина Миқава дАҟәатәиуп, еиуеиҧшым аксессуарқәеи аҩнытә декоративтә маҭәарқәеи рыҟаҵара далагеижьҭеит шықәсқәак ҵуеит. Лусумҭақәа рҟынтәи ауаа зегьы реиҳа иргәаҧхоит ауаҧцәа иалхны иҟалҵо аҧсаӡқәа. Папье-маше атехнологиа ала иҟалҵо шарҧнытә аҩнеихасақәагьы Ирина лҟазарҭа ауаа рацәа адрыҧхьалоит.

Анаплых иазҟазоу аҧҳәыс лусура иаҳа илырҭбаар лҭахуп, ашәырақәеи, алымҳарыҩқәеи, егьырҭ аксессуарқәеи рыҟаҵара далагахьеит.

Егьырҭ аҟазацәеи анаплакҩцәеи реиҧшҵәҟьа, ларгьы акоронавиурс аларҵәара амшала апроблемақәа лызцәырҵит, аха, аҩны дшыҟоугьы, активла аусура даҿуп. Шарҧнытә аксессуарқәа рзы усҟаҟ ирацәамкәа, аха, уезгьы аҿаҵақәа лоухьеит.

Лара лгәы калыжьуам, егьырҭ ауааҧсырагьы абри аҩызаҵәҟьа агәалаҟазаара рымазар лҭахуп. Ишәыдаагалоит папье-маше атехнологиа ала амаалықь иҟаҵара иазку аурок. Ирина Миқава „Лаивпресс“ аҧхьаҩцәа рзы авидеонҵамҭа ҟалҵеит. Аҭаацәара алахәылацәа зегьы ари апроцесс иалахәызар, уи иаҳа илахҿыхуп, иаҳа аинтерес аҵоуп. Ирина ишылҳәо ала, анапҟазара – агәалаҟазаара аиҕьтәразы иреиҕьу усуп:

Адекоративтә амаалықь иҟаҵаразы ишәҭаххоит:

акартонтә қьаад; аӡы; PVA аҷаб; афольга (аметаллтә бҕьыц); ашьышьмаҭратә қьаад; асиликонтә аҷаб (аҷаб шы); ашәыгахьшьыгеит ашәыгақәеи; амакратыли аканцелиариатә аҳәызбеи.

Аҟаҵашьа:


Зегьы раҧхьа, папье-маше ҳармазеироуп - акартон қьаади аӡи аблендер аҿы иҩаны, ирҩатәуп. Нас, аҷаба ацҵаны ибзианы еиларшьышьтәуп. Амажәа еиҧшу амасса ҟалароуп.

Амаалықь иҟаҵаразы, анапсыргәыҵақәа рыла ашьышьмаҭратә қьаад ирҟәыҷны, аконус аформа аҭатәуп, анеҩс, афольга иалаҳәатәуп. Убри ашьҭахь ахы ҟаҳҵароуп. Еиҭах, ақьаади афольгеи ирылхны ампыл хәыҷы ҟаҳҵоит, уи амаалықь иеиҿартәышьа ианаалаша адура амазароуп.

Ахи аконуси реидҳәаларазы амҿытә алабҷашьқәа ҳхы иаҳархәоит. Анеҩстәи аетап арҧшьшьара ауп - ари аетап аан папье-маше, ирҧшӡаны, амаалыкь икаркас ақәҵаны, иҵарым аҳәызбала хыхь - хыхьла ириашатәуп.

Амаалықь имҵәыжәҩақәа акартон қьаад игәылҧҟаны иҟаҳҵоит, папье-маше ақәҵаны, аконус иадҳарҷабуеит. Иара убас, ишәҭахызар, папье-маше шәхы иархәаны, амаалықь ахцәы изыҟашәҵар шәылшоит. Аусумҭа кьакьахаанӡа ибароуп. Уахыки-ҽнаки аанжәышьыр еиҕьуп.

Убри ашьҭахь, ашәыгахьшьыгеи ашәыгеи рыла, амаалықь ихаҿы ҭышәхроуп. Ацәҩычагьы ишәҭаху аҧштәқәа рыла ишәҩычар шәылшоит. Шәмаалықь дмазеиуп.

Ақәҿиарақәа шәзеиҕьасшьоит.
Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала