Ауaaжәлaррa
Иахьдмырхәыз ацәгьауаҩи аҵыхәтәантәи агәыҕреи - Гига Оҭхозориа дыршьижьҭеи 4 шықәса ҵит
FaceBook Twitter
E-mail Print
Лаҵара 19 рзы ҧшьышықәса ҵит Аҧсны ампыҵахалатә цәаҳәаҿы 30 шықәса зхыҵуаз Гига Оҭхозориа дыршьижьҭеи. Аӡбара ауаҩшьразы ахара здыз аҳәаахьчаҩ Рашид Канџьи-оҕлы 14 шықәса аҭакра иқәырҵеит, аха де-факто ареспубликаҿы иара уезгьы дҭарымкит.

Ауаҩшьра анеҩс 4 шықәса анҵы Гига Оҭхозориа иҭаацәара ишырҳәо ала, абри аҟара аамҭа шцазгьы, ацәгьауцәа иахьдмырхәит. Иршьыз ахаҵа иҧҳәыс Нино Оҭхозориа лҳәамҭала, Рашид Канџьи-оҕлы имацара иакәымкәа, усҟан уааҵәҟьа иара ицыз егьырҭ аҳәаахьчаҩцәагьы иахьдмырхәит:

„4 шықәса ҵит, аха, ари аус иадҳәаланы, ҧшьҩык рҟынтәи аӡәгьы даанырымкылеит, Гига дызшьызгьы данрылаҵаны. Қырҭтәылатәи аган ари аус иақәҿырҭит, 14 шықәса аҭакра иқәырҵеит, аха, ари азыӡба макьана инагӡам...

Ари аганахьала еиҭакрак ауп иҟалаз, уажәшьҭа Хурча ацҳа ахысра ҟалом. Абри заҵәык ауп. Егьи аганахьала аҭагылазаашьа шыҟаз еиҧш иаанхеит. Ҳара уаҟа (импыҵахалоу аҵакырадгьыл аҿы) ауацәа ҳамоуп, ибзианы иаадыруеит дара уаанӡагьы рыҧсҭазаашьа шыцәгьаз, уажәы иаҳа еицәахеит“, - илҳәеит Нино Оҭхозориа "Лаивпресс" акорреспондент данлацәажәоз. Иахьа лара, ҩыџьа лхылҵ лыманы, Гига инышәынҭраҿы дыҟан.
Ишаҧу ала, лаҵара 19 рзы, импыҵахалоу ацәаҳәаҿы иршьыз ахаҵа аполитикцәагьы ҳаҭырла дыргәалашәоит.

Лаҵара 14 рзы Гига Оҭхозориа ҳаҭырла дыргәалашәеит Гыртәыла - Хыхьтәи Шәантәыла агубернатори Жәыргьыҭ ахадеи.

„Рыцҳарас иҟалаз, ампыҵахалатә цәаҳәа нхыҵ инхо ҳтәылауаа иахьагьы ихьчам, аха, хара имгакәа, ҳтерритоиаҿы ампыҵахалатә цәаҳәагьы аҭелқәагьы ҟалом, ари аамҭагьы ааип. Ҳара ҳазынтәгьы, иаку Қырҭтәыла ҳаицынхоит“, - иҳәеит Гыртәыла – Хыхьтәи Шәантәыла агубернатор Александр Моҵорелиа.

Ари афакт дахцәажәеит аинаалареи атәылауаҩратә аиҟарареи азҵаарақәа рзы аҳәынҭқарратә министр Қеҭеван Цихелашвили. Лара ишылҳәаз ала, зыӡбахәы ҳәоу ауаҩшьра цәгьеи ахьырхәрадареи - ампыҵахаларазы иҟазшьарбагоу лабҿабароуп.

"Иара иҭаацәара изырҭынчша акгьы иҟам, иан, ҳаҭыр зқәу Џьулиетеи, иҧҳәыс Нинои, ихылҵ ссир Қеҭии Акакии. Даҽазнык срыдашшылар сҭахуп. Гига дышфырхаҵоу рдыруеит. Сареи Қырҭтәыла ахадеи ауаажәларратә алцазааразы ианашьаз амедал раҳҭеит. Абри аҩыза арыцҳара уаҳа иҟамларцаз, уаҳа хәыҷыкгьы диаҭымымхарц, Гигеи егьырҭ афырхацәеи рхы зқәырҵаз ахықәкы наҳагӡарцаз, ҳара хымҧада, иҳалшо зегьы ҟаҳҵоит ампыҵахалара аҵыхәҧҵәареи аҭынчмҩала аимак аҭыҧқәҵареи азыҳәан", - илҳәеит Қеҭеван Цихелашвили.

Ҧшьышықәса ҵуеит Џьулиата Ҷантуриа есымша лыҷкәын инышәынҭрашҟа дныҟәоижьҭеи. Ҳәатәыс акгьы лымам, гәахәтәык ауп илымоу, лыҷкәын иеиҧшҵәҟьа егьырҭ ауаа рацәа рыҧсҭазаара згаз абри ампыҵахалатә цәаҳәа иҟамзар ауп илҭаху.

„Абри аҟара аҿар ишҧсызгьы, абри аҟара аҭаацәарақәа агәаҟра ишҭагылоугьы, ақырҭуааи аҧсуааи еидгылар ауп исҭаху. Ҳҿар баша ршьа карымҭәеит ҳәа анаҳҳәаша аамҭа ҟалааит“, - илҳәеит Џьулиета Ҷантуриа лыҷкәын инышәынҭраҿы ажурналистцәа данрацәажәоз.

Рашид Канџьи-оҕлы, ауаа рацәа ишырбоз, Гига Отхозориа изныкымкәа диеихсны дишьит. 2017 шықәсазы, Аҧсны де-факто аӡбара, Рашид Канџьи-оҕлы заанаҵтәи аҭакра мацара иқәырҵеит. Аха, убри ашықәс азы, Қырҭтәыла аиҳабыра еилыркааит де-факто арратә прокуратура, ашаҳаҭгақәа иҟам ҳәа ҿыҵгас иҟаҵаны, Рашид Канџьи-оҕлы изы ашьаусеилыргара ишаҟәыҵыз.

Қарҭ аофициалтә хаҭарнакцәа, Женеватәи аиҿцәажәарақәа рҿгьы, Аинцидентқәа рпревенциеи рықәҿыҭреи амеханизм аҳәаақәа ирҭагӡаны имҩаҧысуаз аиҧыларақәа рҿгьы, изныкымкәа аҳәара иқәдыргылахьан ахара зқәыз Рашид Канџьи-оҕлы ақырҭуа аган дрырҭарц, аха, аганқәа, ари азҵааразы изеиқәшаҳаҭымхеит. Аҧсуа ган ахаҭарнакцәа, ари азҵаара мзызс иҟаҵаны, 2018 шықәса рашәара 27 рзы аиҧылара амҩаҧгара иаҧырхагахан, убри анеҩс, зыӡбахәы ҳәоу аиҧыларақәа мҩаҧымсыцт.

Иршьыз ахаҵа иҭаацәара аиашаӡбара анагӡара мацароуп изықәгәыҕуа. Ауаҩытәыҩса изинқәа европатәи аӡбара ақәҵара иазыҧшуп, ари аӡбараҿы Гига Оҭхозориа ишьра иадҳәалоу аус аилыргара иалгахьеит.

2018 шықәса ажьырныҳәазы, „Иқәыҧшу аиуристцәа рассоциациа“, апартниор „Ауаҩытәыҩса изинқәа рыхьчара европатәи ацентр“ аҟны аусеицура ала, Урыстәылатәи афедерациа иаҿагыланы, Страсбургтәи аӡбара ашшыҧхьыӡ аларҵеит. Ашшыҧхьыӡ ишану ала, ари ацәгьауразы аҭак аҧхықәуп Урыстәылатәи афедерациа, импыҵахалоу аҵакырадгьыл иахылаҧшуа аҳәынҭқарра аҳасаб ала.

„Ҳара, аҩырала, адокументациа цәыраагеит. Урыстәылатәи афедерациагьы. Ҳара иаҭахыз зегьы ҟаҳҵеит, уажәы европатәи аӡбара ақәҵара ҳазыҧшуп. Урыстәылатәи афедерациа Европатәи аконвенциа аҩбатәи ахәҭаҷ аилагаразы, жәакала иуҳәозар, Гига Оҭхозориа ишьразы аҭакҧхықәра адырҵароуп. Избанзар, Урыстәылатәи афедерациоуп ари ацәгьаура ҟазҵаз аҳәаахьчаҩцәа ирхылаҧшуа. Ҳара апроцедуратә хәҭа ашьақәыргыларагьы ҳаҳәоит, избанзар Урыстәыла ари аус азы аусеилыргара мҩаҧырымгеит. Аҧсны де-факто апрокуратура инагӡаны аусеилыргара мҩаҧырымгеит. Дара Рашид Канџьи-оҕлы доурыжьҭит, иара аамҭа кьаҿк занаҵтәи абаандаҩтәраҿы дыҟан“, - иҳәеит „Иқәыҧшу аиуристцәа рассоциациа“ аиурист Гьаргь Табатаӡе „Лаивпресс“ акорреспондент данлацәажәоз.

Иара иажәақәа рыла, Ауаҩытәыҩса изинқәа рзы европатәи аӡбараҿы азҵаарақәа рыман Гига Оҭхозориа аҧсҭазааразы изин аилагареи, иара убас, Урыстәыла аиурисдикциеи иадҳәаланы. Лымкаала, аҧсуа аҳәаахьчаҩцәа рхымҩаҧгашьазы, иара убас, импыҵахалоу аҵакырадгьыл аҿы Урыстәыла аиурисдикциа иҟоу иҟаму. Урыстәыла, ари азҵаара иадҳәаланы аргументациа цәырнагеит 2019 шықәса хәажәкыра 7 рзы.

„Урыстәылатәи афедерациа ахаҭарнакцәа аиурисдикциа иазкыз азҵаара мацараз аҭак ҟарҵеит, Аҧсны де-факто анапхгара Урыстәыла анапхгара ирхьыҧшым, Аҧсны ихьыҧшым ҳәынҭқарроуп ҳәа рҳәеит. Аҧсны ахьыҧшымра аиуит ақырҭуаа рагрессиа аҧыргареи аҽҳәаақәҵареи ала, убри аҟынтә, Урыстәылатәи афедерациа, Аҧсны ихьыҧшым атерриториаҿы иҟалаз ауаҩшьразы аҭак аҧхықәум ҳәа рҳәеит“, - иҳәеит Гьаргь Табатаӡе.
Аиурист Страсбургтәи аӡбара ақәҵара анаднакыло арыцхә издырӡом.

Гьаргь Табатаӡе иҳәамҭала, Урыстәылатәи аган Страсбургтәи аӡбара ашҟа аҳәара ҟарҵеит «Қырҭтәыла - Урыстәыла иаҿагыланы» захьӡу аҳәынҭқаррабжьаратә аимак ӡбахаанӡа, Оҭхозориа иус азы ақәҵара адкылара ихдырҧарц. Араҟа 2008 шықәсатәи нанҳәатәи аибашьра аангьы уи ашьҭахьгьы Қырҭтәылеи Қырҭтәыла атәылауааи рзы имҩаҧгаз аилагарақәа рус ауп сызлацәажәо, ари аусгьы иахәаҧшхьеит, аганқәа ақәҵара иазыҧшуп.

„Иқәыҧшу аиуристцәа рассоциациа“ ахаҭарнакцәа Страсбургтәи аӡбара ашҟа аҳәара ҟарҵеит абарҭ аусқәа хаз - хазы ирыхәаҧшырц, аха, ари аҳәаразы макьана аҭак рмоуӡацт.
Print E-mail
Twitter
Ари aмaтериaлқәa
«Ари aшәҟәы aжрaҿ изыҩуеит, aӡы сӡaaтәоуп, aбҕьқәa сықәуп.
10:26 / 24.08.2020
«Ари aшәҟәы aжрaҿ изыҩуеит, aӡы сӡaaтәоуп, aбҕьқәa сықәуп.
Гыртәылa aмуниципaлитет еиҧшҵәҟьa, импыҵaхaлоу Гaлтәи aрaион aҿгьы
aрaсa 
10:41 / 20.08.2020
Гыртәылa aмуниципaлитет еиҧшҵәҟьa, импыҵaхaлоу Гaлтәи aрaион aҿгьы aрaсa 
Аҧҳәыс илзыҟамҵо уск иҟоуп ҳәа сыҟам,
12:07 / 12.08.2020
Аҧҳәыс илзыҟамҵо уск иҟоуп ҳәа сыҟам,
Зыҩнапык рыла аидара иаҵоу ауааҧсыра, агежьқәа зҵоу ачемоданқәеи,
10:42 / 08.08.2020
Зыҩнапык рыла аидара иаҵоу ауааҧсыра, агежьқәа зҵоу ачемоданқәеи,
Акоронавирус

Асоветтә репрессиақәа
Ажәaбжь ҿыцқәa
Қырҭтәылагьы адунеи аҿгьы, ҭагалан-аӡынразы, агрипп аҽыхьчаратә лаҵа актуалтә ҵакы аиуеит,
Жәыргьыҭтәи атеатр асезон ҿыц азы аҽазыҟаҵара иаҿуп.
Сынтәa Гaли Ахaлгори рҟынтәи 360ҩык aбитуриентцәa Қaрҭтәи иреиҳaӡоу aҵaрaиурҭaқәa
Амультимедиa
Ишәҳaрдыруеит aботaникaтә бaҳчa иaхылaҧшуa aуaaҧсырa [aфото]
Аботaникaтә бaҳчa aaдыртуеит шьыжьымҭaн aсaaҭ 6 рзы, нaс aусзуҩцәa
Жәыргьыҭтәи афермер апандемиа аан ашәҭқәа шиҭиуа [афото]
Хышықәса ҵуеит афермер Леван Берулава, агазаниа, петуниа,
Алакә афырхацәа аниматорцәа рҭаацәара аҟынтә
Раҧхьаӡа акәны абгахәыҷы аформа ҟаиҵеит иӡҕаб хәыҷы ашьыжьқәгылара
Ақырҭуа ашә ажәытәтәи аҿыци ахкқәа Жәыргьыҭтәи ацәыргақәҵаҿы  [афото]
Апырпыл злоу ашә, еиуеиҧшм ахәсқәа рыла иҟаҵоу ашә, саҧерави иӡаашьу
Аботаникатә баҳча аартранӡа мызкы шагу [авидео]
Жәыргьыҭтәи аботаникатә баҳчаҿы аиҭашьақәыргыларатә усурақәа