Ауaaжәлaррa
Хымз инагӡоз ақәиҭымтәра ашьҭахь, галаа аҩныҟа ихынҳәуеит [афото]
FaceBook Twitter
E-mail Print
Аҧснынтә ихҵәоу жәаҩыла ауааҧсыра лаҵара 26 рзы, хымз иаркыз административтә аҳәаа иахысит. Урыстәыла ала импыҵахалоу Аҧсны аиҳабыра, апандемиа амшала хәажәкыразы иадыркыз Егры ацҳа ганкала иаадыртит - галаа Аҧсныҟа ицар рылшоит, аха импыҵахалоу аҵакырадгьыл иқәынхо ауааҧсыра арахь иаарышьҭуам.

Хәҭала аҧкрақәа раҧыхра ианалагаҵәҟьа, мызқәак ирылагӡаны зуацәа зымбац ауаа Егры ацҳаҿы еизеит. Хымз раҧхьа арҭ ауаа, еиуеиҧшым амаҵзурақәа раиуразы, Аҧснынтә Қырҭтәыла егьи ахәҭашҟа иасит, аха шьҭахьҟа изымхынҳәит.

Аҟәа иҟарҵаз аҳәамҭа иахьа хәҭала инагӡан - атәылауаа „аҳәаа“ ахысра азин рырҭеит, аха, уаанӡа ишаарыцҳаз еиҧш акәымкәа, арҭ ауаа акоронавирус азы анализқәа шыҟарҵаз зыршаҳаҭуа аилкаа ацәыргара рықәымшәеит. Галҟа ицоз ауааҧсыра ишырҳәаз ала, Егры ацҳаҿы аҳақьымцәа раҧхьатәи амедицинатә гәаҭара мҩаҧыргоит, атәылауаа, ҧасеиҧш, аҧсуа паспорт ма аамҭала анхара азин зыршаҳаҭуа адокумент цәырыргароуп.

Иахьа жәаҩыла атәылауаа аҳәаа иахысит. Урҭ реиҳара ажурналистцәа ирацәажәар рҭахымхеит, аха рызынтәгьы иазгәарҭеит аҩныҟа ахынҳәра алшара ишеигәырҕьо:

„Сыҧшәма дычмазаҩын. Ихәшәтәразы абрахь даазгеит. Нас, амҩа андыркы, хымз ҳзымцеит. Ақырҭуаа абра сдокументқәа гәаҭаны, соурыжьҭит. Уаантәи азин ҳарҭеит, убри азакәзар ҟалап арҭгьы сзоурыжьҭыз“, - илҳәеит атәылауаа руаӡәы.
Афатәаалыҵи аиҭаҳатәқәеи рацәаны дрыҵаланы ицоз аҧҳәысбыргк ишҳалҳәаз ала, деибганы аҩнынӡа дызнеир, акыраамҭа Жәыргьыҭҟа дхьаҧшуам:

„Хымз ҵуеит ара сыҟоижьҭеи, сыҩны ҭацәуп. Ацҳа аадыртит ҳәа ансаҳа, сдәықәлеит. Уахь снарышьҭааит, нас зынӡаскгьы арахь саауам“, - илҳәеит аҧҳәысбырг.

Галҟа ицоз ауаа иреиун Қарҭ ахылаҧшра аҵаҟа иҟоу аҵакырадгьыл аҿы иреиҳаӡоу аҵараиурҭақәа ирҭоу астудентцәагьы:

„Ҧшьымз аҩны сыҟамызт. Уажәы сцоит, аха, ҳаҧхьаҟа иҟало сыздырӡом. Ишыздыруа ала, Аҧсны сшынхо зыршаҳаҭуа аилкааи Қырҭтәыла апаспорти цәыргатәуп, агәабзиара аилкаа иадҳәаланы ишырҳәаз ала, арааҵәҟьа анализқәа ргоит“, - илҳәеит астудентцәа иреиу Ҭамар Моргошиа. Лареи егьырҭ ауааҧсыреи импыҵахалоу аҵакырадгьыл ашҟа ииасаанӡа, жәыргьыҭтәи амуниципалитет иаҵанакәа Рухи ақыҭаҿ аҳақьымцәа атермоскрининг рзымҩаҧыргеит.
Лаҵара 25, хәылбыҽхан, галтәи ателееилахәыра аанацҳаит „аҽыхәтәразы Қырҭтәыла иҟаз Аҧсны атәылауаа“ Егры ацҳа иахысны, шьҭахьҟа ихынҳәыр рылшоит ҳәа.

Де-факто ареспублика асанитартә ҳақьым хада Лиудмила Скорик линформациа ашьаҭа ала „Гал ТВ“ ишаанацҳаз ала, ацҳа иахысуа ауааҧсыра зегьы акоронавирус азы анализ шыҟарҵаз зыршаҳаҭуа аилкаа рыцзароуп.

Скорик ишылҳәаз ала, импыҵахалоу аҵакырадгьыл ашҟа ихынҳәуа ауааҧсыра 14 мшы аҽыҧхьакраҿы аҟазаара рықәшәоит, ари апроцесс иахылаҧшуеит агәабзиарахьчара аминистрреи азинхьчаратә органқәеи рхаҭарнакцәа.

Лиудмила Скорик лҳәамҭала, атәылауаа зегьы еиҿкаарала Аҧсныҟа идырхынҳәуеит „2005 шықәса инаркны ишьақәгылоу, акарантини ҷыдала ишәарҭоу ачымазарақәа раларҵәареи аан амч змоу жәларбжьаратәи амедицина-санитартә ҧҟарақәа инрықәыршәаны“.

Апандемиа амшала, де-факто аиҳабыра, Аҧсны ампыҵахалатә цәаҳәаҿы иҟоу аушьҭратә пункт, Егры ацҳа адыркит хәажәкыра 14 рзы. Аиҭаҵра шыҟамлозгьы, даӡәымкәа атәылауаа, амедицинатә цхыраара лас амашьынақәа рыла, аҽыхәшәтәразы Қырҭтәыла егьи ахәҭашҟа ииаргеит.

Урҭ дреиун хәажәкыра 30 рзы Лугар илабораториаҿы акоронавирус адиагноз ззышьақәырҕәҕәаз аҧҳәысгьы. Лара Урыстәылантә дааит. Апациент жәыргьыҭтәи аинфекциатә ахәышәтәырҭа дҭан, даныбзиаха, ахәышәтәырҭа дҭыҵны шьҭахьҟа дхынҳәит.
Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала