Ауaaжәлaррa
„Анышхыц“ Марине Қардава
FaceBook Twitter
E-mail Print
Ашьхааӡаҩы Марине Қардава лусуратә аамҭеихшаара ашьхымӡақәа рҿы ашьхыцқәа рыҧхықәрақәа реиҧш, убасҵәҟьа инҭкааны, ииашаны еиқәыршәоуп. 58 шықәса зхыҵуа аҧҳәыс қәҿиарала лхатә бизнес дахылаҧшуеит. Акооператив "Ҭаҧли колхури" дахантәаҩуп. Егьырҭ ашьхааӡаҩцәа атренинг-курсқәа рзымҩаҧылгоит, уи аамҭазы, аҭаацәаратә усқәагьы ҟалҵоит.

41 шықәса ҵуеит Марине ашьхааӡара даҿуижьҭеи. Ацха бзиа илбом, аха, ашьхыцқәа рхылаҧшра лгәаҧхоит, ашьхымӡақәа рҿы ашьхыцқәа ишьақәыргыланы ирымоу аҧҟарақәа иахьагьы џьашьахәыс илымоуп.

"Сусуратә амшеихшаара, инеизакны, ашьхыцқәа ирхьыҧшуп....Ҩба-хҧа мшы рыла знык хымҧада ашьхымӡақәа урызнеироуп. Ес-72 сааҭ рахь знык ашьхымӡақәа рыхш ҭыгатәуп", - иаҳзеиҭалҳәеит Марине Қардава.

Лаб даныҧсы ашкол дҭан. Убри ашьҭахь, лаб иус налыгӡарц лыӡбеит. Ауниверситет афилологиатә факультет дҭалеит, аха, уи инаваргыланы, ашьхааӡара даҿын.

Аҭаацәаратә традициа лнапы алыркын, ақәҿиара змоу бизнесс иҟалҵеит. Лыҧҳацәа рҩыџьагьы ацхазы аллергиа ахьрымоу даараӡа лгәы иалоуп, убри амшала аӡҕабцәа ран излыцхраауам. Урҭ дреиҧшымкәа, лара қәҿиарала длыцхраауеит лыҧшәма Џьамбул Қобалиа.

Марине Қардавеи акооператив "Ҭаҧли колхурии", ацха адагьы иҟарҵо аалыҵ рацәоуп: ашьхыцқәа рыхши, абыҕцәлымсеи, ашьхыц ашҳами, ашәҭ абыбыци. Изҭаху ауаа зегьы Марина лҟынтәи ашьхыцқәа рҭаацәарақәеи, иара убас, анышхыҵи аархәар рылшоит.

Ақыҭанхамҩатә кооператив "Ҭаҧли колхури" 2015 шықәса инаркны аус ауеит. Уи иалахәып 13ҩык аҭыҧантәи афермерцәа. Дара Жәыргьыҭтәи амуниципалитет ақыҭақәа рҿы ашьхымӡақәа еиҿкааны ирымоуп. Инеизакны, ари акооператив аҿы иҟоуп 1000 аҟара ашьхыцтә ҭаацәарақәа.

"Ҳара (акооператив) аҳәамҭа ҟаҳҵеит - аекологиатә ганахьала ицқьоу ацха аҟаҵара ҳҽазаҳкит, ақыҭаҿы уи ҳалшом, избанзар араҟа ашьышьмаҭрақәа ишахәҭоу еиҧш еиҿкаам. Аха, Шәантәыла аҭыҧ ҳамоуп, уаҟа агәылацәа иҟам. Аӡы аауеит, акәша-мыкәша ашьхақәа рыда акгьы иҟам. 100 раҟара ашьхыцтә ҭаацәарақәа уахь инаганы, абиоацха аҟаҵара ҳгәы иҭоуп...

Ацха ҧаршеи аҟаҵара ауп зегьы реиҳа идуу проблемас иҟоу. Абри аҩыза ацха хымҧада аџьармыкьа иалганы, иқәхтәуп. Имариоу атест ианбаҟало, ацха ҧаршеи уадаҩрада аарҧшра ҳалшаратәы", - илҳәеит Марине Қардава.

Лара лажәақәа рыла, уажәтәи аҭагылазаашьа аҿгьы ацха аҭира рцәыуадаҩым, ибзианы аус рур, ари аусхкы ахашәала бзиа рзаанагоит. Марине Қардава ишылҳәаз ала, агәазыҳәареи ашьхыцқәа реиҧшҵәҟьа ааҧсарада аусуреи ауп ари аус аҿы ихадоу, уи хымҧада алҵшәа бзиа ахылҵуеит. Лгәы ишаанаго ала, ари аухкы иаҳа аҿиара амазарц, аҳәса аӡәы ихьыҧшымкәа рхатә хашәала рымазарц азыҳәан, излауа ала ирацәаны аҳәса ашьхааӡара аусхкы иалахәызароуп. Марине Қардава лажәақәа рыла, ауаа зегьы ашьхыцқәа рыҧсҭазаашьа ала инхалар, апроблемақәагьы иаҳа имаҷхон.

"Ашьхыцқәа аҟазшьа ҷыда рымоуп. Ҳара, ауааҧсыра, урҭ ҳреиҧшындаз. Урҭ изакәызаалак агхак уанарыжьуам. Азакәан ссир рымоуп - иҟарҵараны иҟоу аус дара-дара рыгәҭа иршоит. Аҭаацәара аиҳабы - деиҳабуп, шәхахьгьы ишәзаагом анышхыц аҭаацәараҿы ахы шымҩаҧнаго. Аха, аҭаацәараҿы ан данырыҧсахуа, ан ҿыц лышьцылара рцәыуадаҩуп. Аха, данрыдыркылалак, ашьхыцқәа зегьы илызнеины, ан ҿыц длыргәыбзыҕуа, рхы шлықәырҵо жәбандаз....шәеилагап, шәылаҕырӡ ааип. Зегьы игәырҕьаҵәа илывагьыжьуеит.

Рызынтәгьы илызнеины, бзиа баабоит ҳәа ларҳәоушәа... Ҳара ҳаҵкыс иаҳа аҭакҧхықәра рымоуп, зны-зынла санрыхәаҧшуа, сгәы ҧжәоит. Ақырҭуа анацәа зегьы анышхыц ишыҟоу еиҧш иҟандаз, аҭаацәараҿы абасҵәҟьа бзиа дырбондаз", - илҳәеит Марине Қардава.

Лара акооператив аҿы "анышхыц" ҳәа илышьҭоуп.

"Ҭаҧли колхури" иалахәы Ирина Џьиқьиа ишылҳәаз ала, уажәааноуп ари аусхкы аҿы аусура данагалаз. Макьана ашьхыцтә ҭаацәарақәа фба роуп илымоу, аха, иҵегьы ацылҵар лҭахуп. Ирина Џьиқьиа лҳәамҭала, акооператив аҿы иҟарҵо аалыҵ анализ азырун, алҵшәа бзиа роуит. Анеҩстәи аетап азы АИСи АСПи асертификатқәа раиуреи ацхазы ишьақәыргылоу атехникатә регламент алалареи ауп хықәкыс ирымоу.
Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала