Ауaaжәлaррa
Иарку Егры ацҳа изахымсуа галаа рыцхраара иазку ашьҭымҭақәа [афото]
FaceBook Twitter
E-mail Print
Жәырыгьыҭ инхо, Аҧснынтә ахҵәацәа Мурман Малазониеи Рамаз Гамисониеи импыҵахалоу Галтәи араион изалымҵуа иаанхаз ауааҧсыра ахәшәқәа рыздәықәҵара иазку акциа иалагеит.

Импыҵахалоу Галтәи араион иқәынхо ауааҧсыра, апандемиа амшала, Қырҭтәыла егьи ахәҭашҟа аиасра рцәыуадаҩуп, убри аҟынтә, Жәыргьыҭ инхо руацәа – Мурман Малазониеи Рамаз Гамисониеи, ахәшәқәа аахәаны, уахь ирыздәықәырҵоит. Дара абарҭ ахәшәқәа, Қырҭтәыла анапхгаара изхыламҧшуа аҵакырадгьыл ашҟа, Егрытәи агәаҭара-аушьҭратә пункт аҟынӡа инаргоит, уаҟа галтәи ахәышәтәырҭа амедицинатә цхыраара лас амашьына иҷаҧшьоит. Ашьҭымҭақәа ари амашьынала галтәи ахәышәтәырҭашҟа инаргоит, нас, ауаа уахь инеины, рыхәшәқәа ргоит.

Лассы-лассы галаа, абасҵәҟьа, Жәыргьыҭҟагьы ашьҭымҭақәа дәықәырҵоит - бжеиҳарала, атәанчаратә картақәа, ауаа импыҵахалоу аҵакырадгьыл аҿы абарҭ акартақәа рхархәара рылшом. Галаа, руацәеи Қырҭтәыла егьи ахәҭаҿы инхо рҭаацәара алахәылацәеи, акартала абанк аҿы аҧара амхны, ахәшә аархәарц ирыҳәоит.

Ахалагәаҧхаҩцәа ари акциа иалагеит жәабран анҵәамҭаз, Егры ацҳа андыркы ашьҭахь. Мурман Малазониеи Рамаз Гамисониеи Аҧснытәи автономтә республика аиҳабыра Гыртәылатәи ахаҭарнакраҿы аус руеит, аха, ишырҳәо ла, дара, рхатә ҭаххарала ари акциа мҩаҧыргоит. Ари аус иахьалагаз уамашәа иубаратәы иҟам. Даргьы Аҧсны иалҵит, руацәеи рҩызцәеи лассы-лассы ирыдҵаалоит, ацхыраара иаҳәоит – галтәи апҭекақәа рҿы иҟам ахәшәқәа рҭахуп. Аӡәык - ҩыџьак ианрыцхраа ашьҭахь, акциа мҩаҧыргар рҭаххеит.

Уажәазы ашьҭымҭақәа реимадара апроцедуреи аамҭеихшареи шьақәгылоуп. Мчыбжьык ала ҩынтә, аҩашеи ахәашеи рзы, ахалагәаҧхаҩцәа, ашьҭымҭақәа ахьеизырго Егры ацҳашҟа инеиуеит. Ашьҭымҭақәа зегьы ишахәҭоу еиҧш иҿаҳәоуп, насгьы идәықәызҵогьы издызкылогьы ирызкны аинформациа ануп. Абри аинформациа зну адокументқәагьы хадырҭәаауеит, ари ашьҭымҭа иара изызку ауаҩы иҟынӡа инеиу имнеиу аилкааразы.

Аҧшьгара авторцәа ишырҳәаз ала, 4000ҩык раҟара ауааҧсыра ари амаҵзура рхы иадырхәахьеит, урҭ рхыҧхьаӡара есымша иазҳауеит. Акциа аиҿкааҩцәа ишырҳәаз ала, ахәшәқәа зҭаху ауааҧсыра зегьы, аҧсуаагьы уахь инрылаҵаны, ари акциа рхы иадырхәар рылшоит. Дара ишазгәарҭаз ала, акциа аҳәаақәа ирҭагӡаны, атәылауаа, апандемиа аан дара-дара еицхыраарц азыҳәан аус еицыруеит.

„Ҳара, абас акәзаргьы, ахәшәқәа рыла акәзаргьы, ауаа ҳрыцхраар ҳҭахуп. Галтәи ахәышәтәырҭа ари аинициатива иақәшаҳаҭхан, ҳара ирызқәықәаҳҵо ахәшәқәа рыдыркылоит. Ҳара мчыбжьыкахь ҩынтә - аҩашеи ахәашеи рзы ахшәқәа еизганы, убри аҽныҵәҟьа ацҳа егьи аганашҟа идәықәаҳҵоит“, - иҳәеит Мурман Малазониа „Лаивпресс“ акорреспондент данлацәажәоз.

Рамаз Гамисониа ишиҳәаз аал, абри аҩыза ацхыраара зҭаху ауаа рацәоуп, иаҳа-иҳа ирацәаны ауааҧсыра ари амаҵзура рхы иадырхәоит, иааҟәымҵӡакәа аҭелла ирзасуеит.

„Иаҳзасны иҵаауеит ианбаҳашьҭуа, ишҧаҳашьуа, ианбароуа. Ҳара аинформациа зегьы раҳҭоит“, - иҳәеит Рамаз Гамисониа.

Ашьҭымҭақәа дәықәызҵо ауаа рацәоуп, аха, урҭ иҳацәажәар рҭахымхеит. Ишырҳәаз ала, ак рзырур ҳәа ишәаны, импыҵахалоу арегион иадҳәалоу азҵаарақәа ирылацәажәар рҭахым.

Аҧсни Қырҭтәыла егьи ахәҭеи еимыздо Егры ацҳа апандемиа амшала хәымз иаркуп. Ари аамҭа иалагӡаны, ацҳа, мышқәак рыла, ганкала, хынтә заҵәык аадыртхьеит. Галаа шьҭахьҟа, Аҧсныҟа ихынҳәратәы алшара рырҭеит, аха, абрахь, Жәыргьыҭҟа изаауам. Аҟәа ишаарыцҳаз ала, „апандемиа аан аҽыхәшәтәразы Қырҭтәылаҟа ицаз атәылауаа аҧсадгьылахь ахынҳәра“ алшара рырҭеит.

Галаа, ҧасеиш, Аҧсни Гыртәылеи рыбжьра аиҭаҵра анрырлшо рыздырӡом, избанзар, ацҳа аартра арыцхә еилкаам. Иара убас, апандемиа амшала ишьақәыргылоу хымҧадатәи акарантин ахысрагьы рцәыуадаҩуп. Ауаҩы Аҧснынтә Қырҭтәыла егьи ахәҭашҟа диасыр, хымҧада 14мшы акарантин аҿы дыҟазароуп. Еиуеиҧшым аусқәа рзы мчыбжьык ала хынтә Галынтә Жәыргьыҭҟа иаауаз ауаа ари уи проблемас ирзыҟалеит.

Апандемиа ашьҭахь Гал ицәырҵыз апроблемақәа ирызку аҭҵаарақәа цәырнагеит „Адемократиа аҭҵааратә институт (DRI)“ . Аҭҵаарақәа рҿы ишазгәаҭоу ала, уажәазы иҟоу апроблмақәа рымшала, ауаа Қырҭтәыла егьи ахәҭашҟа инеиц азы, маӡала, Егры арра рықәшәоит.
Print E-mail
Twitter
Ари aмaтериaлқәa
«Ари aшәҟәы aжрaҿ изыҩуеит, aӡы сӡaaтәоуп, aбҕьқәa сықәуп.
10:26 / 24.08.2020
«Ари aшәҟәы aжрaҿ изыҩуеит, aӡы сӡaaтәоуп, aбҕьқәa сықәуп.
Гыртәылa aмуниципaлитет еиҧшҵәҟьa, импыҵaхaлоу Гaлтәи aрaион aҿгьы
aрaсa 
10:41 / 20.08.2020
Гыртәылa aмуниципaлитет еиҧшҵәҟьa, импыҵaхaлоу Гaлтәи aрaион aҿгьы aрaсa 
Аҧҳәыс илзыҟамҵо уск иҟоуп ҳәа сыҟам,
12:07 / 12.08.2020
Аҧҳәыс илзыҟамҵо уск иҟоуп ҳәа сыҟам,
Зыҩнапык рыла аидара иаҵоу ауааҧсыра, агежьқәа зҵоу ачемоданқәеи,
10:42 / 08.08.2020
Зыҩнапык рыла аидара иаҵоу ауааҧсыра, агежьқәа зҵоу ачемоданқәеи,
Акоронавирус

Асоветтә репрессиақәа
Ажәaбжь ҿыцқәa
Қырҭтәылагьы адунеи аҿгьы, ҭагалан-аӡынразы, агрипп аҽыхьчаратә лаҵа актуалтә ҵакы аиуеит,
Жәыргьыҭтәи атеатр асезон ҿыц азы аҽазыҟаҵара иаҿуп.
Сынтәa Гaли Ахaлгори рҟынтәи 360ҩык aбитуриентцәa Қaрҭтәи иреиҳaӡоу aҵaрaиурҭaқәa
Амультимедиa
Ишәҳaрдыруеит aботaникaтә бaҳчa иaхылaҧшуa aуaaҧсырa [aфото]
Аботaникaтә бaҳчa aaдыртуеит шьыжьымҭaн aсaaҭ 6 рзы, нaс aусзуҩцәa
Жәыргьыҭтәи афермер апандемиа аан ашәҭқәа шиҭиуа [афото]
Хышықәса ҵуеит афермер Леван Берулава, агазаниа, петуниа,
Алакә афырхацәа аниматорцәа рҭаацәара аҟынтә
Раҧхьаӡа акәны абгахәыҷы аформа ҟаиҵеит иӡҕаб хәыҷы ашьыжьқәгылара
Ақырҭуа ашә ажәытәтәи аҿыци ахкқәа Жәыргьыҭтәи ацәыргақәҵаҿы  [афото]
Апырпыл злоу ашә, еиуеиҧшм ахәсқәа рыла иҟаҵоу ашә, саҧерави иӡаашьу
Аботаникатә баҳча аартранӡа мызкы шагу [авидео]
Жәыргьыҭтәи аботаникатә баҳчаҿы аиҭашьақәыргыларатә усурақәа