Ауaaжәлaррa
Евроеидгыла астипендиант иаҵәа, Местиа инхо аекоактивист ӡҕаб [афото]
FaceBook Twitter
E-mail Print
Ашәануа баашқәеи ашьхақәеи рсахьақәеи, Местиа амуниципалитет азы иҟазшьарбагоу егьырҭ адетальқәеи зну ашәыра шкәакәақәа Мариам Нарсавиӡеи лара лҵаҩцәеи роуп иҟазҵаз. Абарҭ ашәырақәа Ҧари иаадыртыз асоциалтә ааглыхырҭаҿ ирӡахуеит, ауаа урҭ аполиетилентә пакетқәа рцынхәрас рхы иадырхәарц азыҳәан.

Уажәааны Мариам Евроеидгылеи CENN-и еицеиҿыркааз аконкурс аҿы аиааира лган, ааглыхра иаҵәа стипендиантс дҟалеит. Аекоактивист, акыршықәса рыҩнуҵҟа, еиуеиҧшым аформала, аҧсабара лыхьчоит. Ари аус лхәыҷраахыс интересс илыман, нас, атренингқәа дырхысын, хара имгакәа, аконкреттә усқәа рыҟаҵара далагеит. Илызгәакьоу Местиа иқәыхо ауааҧсыра, аҧсабара ҧшӡа шыҧхасҭартәо иазымхәыцкәа, аполиетилентә пакетқәа рхы иахьадырхәо лгәы иалоуп, уажәазы абри ауп дзыргәамҵуа.

Ашәырақәа ахьырӡахуа ааглыхырҭа 2018 шықәсазы ишьаҭалкит Ҧари инхо, ақырҭуа бызшәеи алитературеи арҵаҩы Екатерина Ҵулукиӡе. Уаҟа ауапцәа иалхны амаҭәарқәа ҟарҵоит, аҳәса рзы аҵаҟатәимаҭәа рӡахуеит, аҳамҭаҷқәагьы рыҟаҵара рҽазыркит. Арҵаҩы имилаҭтә ҳамҭа зауз Ладо Аҧхазава адырраҭара "Афбатәи акласс иҭоу аҵаҩы иаҵкыс уҟәышума" аҿы иоуз аҧара ари ааглыхырҭа ианеиҭа ашьҭахь, абақәеи, аӡахратә машьынеи, ашәыгақәеи аахәаны, ауаа аполиетилентә пакетқәа рхархәара иаҟәыҵырц азыҳәан, абарҭ ашәырақәа рыӡахра иалагеит.

"Абарҭ ашәырақәа 15 лари иаҧсоуп. Бжеиҳарала, ацәыргақәҵақәка рҿы иаҳҭиуеит. Ҵыҧх, Қарҭ, ашьхара амш аназгәарҭоз, ауаа еуеиҧшым акәакьқәа рҟынтәи раалыҵ ааргон, ҳаргьы ааҧхьара ҳарҭеит. Араҟа, Местиагьы, аныҳәамшқәа рзы ацәыргақәҵақәа еиҿаҳкаауеит", - илҳәеит аекоактивист "Лаивпресс" акорреспондент данлацәажәоз.

Лара лажәақәа рыла, бжеиҳарала арҭ ашәырақәа аба шкәакәа иалхны ирӡахуеит, избанзар ус иаҳа иҧшӡоуп ҳәа ргәы иаанагоит.

Мариам дабитуриентуп, аха аҧшьбатәи акласс данҭаз инаркны аекологиа деиҷаҳауеит. Аханатә, аиҳабыратә классқәа ирҭаз аҵаҩцәа имҩаҧыргоз атренингқәа дрылахәын. Анеҩс, лара лхаҭагьы аиҵбацәа аинформациа рыҭара далагеит. Ҧыҭраамҭак ашьҭахь, иҳәынҭқарратәым аиҿкаара СENN ашколтә аҧсабарахьчаратә Нико Кецховели ихьӡ зху апремиа аҳәаақәа ирҭагӡаны, ашкол аҿы аекоклуб еиҿылкаан, алидерцәа дреиун.

Аҿар аилыргаратә акциақәа мҩаҧыргон, атәылауаа рдырра аиҕьтәра иазкыз еиуеиҧшым ауснагӡатәқәа еиҿыркаауан, аинформациатә буклетқәа рзыршон. Аха, Мариам ишылҳәо ала, Местиа қыҭақәак рҿы ауаа аполиетилентә пакетқәа аҧырхага ду шрылоу рыздырӡом, убри аҟынтә, уаҟа Ҧари аҵкыс иаҳа аҭагылазаашьа цәгьоуп.

Аусмҩаҧгатәк аҳәаақәа ирҭагӡаны, егьырҭ ахәыҷқәеи лареи 1000 кьыла амакулатура еизырган, амакулатуреи арҵагашәҟәқәеи еиҭнырҧсахлеит.
Анеҩс, ақәыӡӡаара иаҿыз аҩеиӡ аадырҧшын, уи ақәырҧшыга алабораториашҟа идәықәырҵеит. Уаҟа, уи колхидатәи аҩеиӡ шакәыз шьақәдырҕәҕәан, ауаа иддырдырит. Иахьазы, ақыҭауаа ари аҵиаа амахәқәа уаҳа ихырҵәом.

Аекологиа дшазҿлымҳаугьы, Мариам аҧсихологиеи аҵарадырраҭҵаареи афакультет еиҕьалшьоит. Уажәазы, егьырҭ ауааҧсыра ашәырақәа рыӡахра длырҵоит, лара ауниверситет данҭалалак дара ар аус нарыгӡарцаз.

"Ҳаҧхьаҟа, Шәантәылаҟа санаалак, абри ҭагылазаашьа аиҕьтәра сҽазыскуеит", - иҳалҳәеит Мариам.

4 номинациак рҿы хәҩызаҵәык роуп астипендиа зауз. Дара рыцыҧхьаӡа 1000-1000 лари роуит. Аконкурс хықәкыс иаман наҟ-наҟтәи алидерцәа астимул рыҭара дара иахьынхо акәакьқәа рҿы аҧсабара ахьчареи ааглыхра аҿиареи иацхраарц, дара рхаҭагьы аиҭакра бзиақәа мҩаҧыргаларц азыҳәан.
Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала