Ауaaжәлaррa
26 шықәса зхыҵуа афермер ӡҕаб астереотипқәа дырҿагылеит [афото]
FaceBook Twitter
E-mail Print
Шьыжьнатә аџьықәреи ала итәу агәыблаа лыманы, ашәашәиқәеи акәҷарақәеи акрырҿаҵара далагоит. Нас, ажәқәа лзыҧшуп.

- Шааи, шәааи,- ҿылҭуеит 26 шықәса зхыҵуа жәыргьыҭтәи афермер Ана Цирдава, хымз ҵуеит лара абжьааҧнытә ақыҭатә ҧсҭазаара зегьы реиҳа еиҕьалшьо усурас илзыҟалеижьҭеи.

"Ҧаса, аҧхынра мацараз саб иаҳәшьа лахь ақыҭашҟа сцалон, аха, иреиҳаӡоу аҵара ансоуа ашьҭахь, аусурҭа аҧшаара сцәыуадаҩхан, бзиа избо уск салагар сҭаххеит. Аҧстәқәеи аҧсаатәқәеи даараӡа бзиа избоит, убр аҟынтә, ақыҭашҟа анхара сиасырц сыӡбеит. Адгьылҭыҧ ааҳхәан, ари аус аханатә ҳалагеит", - илҳәеит Ана.

Лҭаацәа Жәыргьыҭтәи араион Урҭа ақыҭаҿы 6 гектарк адгьылҭыҧ аархәеит, уаҟа амаҕ ада акгьы иҟамызт, лаб ари аҵакыра арыцқьараҿы длыцхрааит. Абри адгьылҭыҧ аанда акәыршаны, аҩнытә ҧсаатәқәеи ажәқәеи аархәеит, аҩны хәыҷыкгьы дыргылан, ҳаҧхьаҟа иҟарҵаша рыӡбеит:

"Аҵлақәа ма ашәҭқәа еиҭасҳар сҭахын, аха, ақалақь аҟынтәи мчыбжьык ахь знык унеиуазар, акгьы алҵуам, абраҟа уҟазароуп, аҩны хәыҷы аргылара ҳалагеит, саби сареи адгьылаарыхра ҳалшааратәы хыҵакырҭак ҳамазарцаз. Ҳаҧхьаҟа аҩны бзиа ҳаргылароуп. Ҳҭаацәара зегьы ари аус иалахәып. Сан аҳәаанырцәынтә дҳацхраауеит".

Афермаҿы макьана ашәашәиқәеи, акәҷарақәеи, ажәқәа ҩбеи роуп илымоу, аха, аҩнытә ҧстәқәеи аҧсаатәқәеи реизырҳара лгәы иҭоуп. Агәараҿы ашәҭәқәа еиҭалҳауеит, лҩызцәа ахьлыдылкылаша аҭыҧ лырмазеиуеит.

Лҩызцәа ақыҭашҟа дышцо анраҳа, уамашәа ишырбаз анылшәалашәо аччара дакуеит:

"Ашәашәи, акәты ҳәа бызҿу закәызеи, хаҵа бымцо ҳәа исарҳәалоит, абри аҩыза астереотиптә хәыцшьа рымоуп, аха ари аус даараӡа исгәаҧхоит, уи абзоурала иаҳа сыҕәҕәахеит ҳәа исыҧхьаӡоит. Аенергиеи агәазыҳәареи аганахьала ахацәа сраҵахом ҳәа сгәы иаанагоит".
Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала