Ауaaжәлaррa
Ампыҵахалареи акарантини ирцәыбналаз [афото]
FaceBook Twitter
E-mail Print
Зыҩнапык рыла аидара иаҵоу ауааҧсыра, агежьқәа зҵоу ачемоданқәеи, акәырҷыжь хәыҷқәеи рыла, шоураха, шьапыла аҩныҟа идәықәлоит. Аҧсны де-факто анапхгара апандемиа мзызс иҟаҵаны иадыркыз Егры ацҳа, "рхатә тәылауаа" рзы иҧшьынтәны иаадыртын, "агуманитартә корридор" ала ауаа аҩныҟа ахынҳәра алшара рырҭеит. Ахәаахәҭра ма аҽыхәшәтәра амзызла, мамзаргьы Қырҭтәыла анапхгара изхылаҧшуа аҵакырадгьыл аҿы иҟоу рхылҵ ма руацәа рбарцаз ҧыҭраамҭак аҧхьа абрахь ииасыз галаа, уажәы ршьаҿақәа ирццакны, Гыртәылеи Аҧсни еимыздо ацҳа иқәлеит. Араҟа атранспорт иҟам. Убри аҟынтә, аҧсуа ҧыҧшырҭанӡа реидара зегьы напыла ииаргароуп.

Уаанӡа, ацҳа ахаҿы еиҿкаау адәахьтәи амшьамбақьалаҿы хымҧада атемоскрининг иахысроуп. Галгьы рымцашоура гәарҭоит.

Аҧсныҟа дхынҳәуеит галтәи арҵаҩы Марина Библаиагьы, лара мышәқак раҧхьа, ацҳа аныркыз, маӡала Жәыргьыҭҟа дииасит. Ишылҳәо ала, хәымз рыҩнуҵҟа аҧаратә цхыраара лзымгеит, егьырҭ реиҧшҵәҟьа, ларгьы аҧара даргәаҟәуеит. Афашистцәа рхаан Петербург аблокада иҭакыз ауаа амла иаганы ишыҧсуаз еиҧшҵәҟьоуп ҳаргьы ҳшыҟоу, - илҳәеит Марина "Лаивпресс" акорреспондент данлацәажәоз.

Галтәи ареспондент, ацәанырра ду аҵаҵаны иаҳзеиҭалҳәон Жәыргьыҭҟа даниасуаз дышгәамҵуаз. Ганкахьала, аурысцәеи аҧсуааи дрыцәцеит, арахь даниас ақырҭуа полициа дырцәыбналеит, акарантин ашҟа дрымгарцаз.

Зны, амаҟҿаҳәарсҭанӡа аӡы дӡаагылан, нас, амаркатыл ала амаҕқәа хҵәо, зылсра цәгьоу абна далсит. Жәа-минуҭк раҟара абас дцон, анеҩс, аихатә ҭелқәа лҧылеит, урҭ рышьҭахь аҧынгылақәа.

"Апартизанҵәа реиҧш ҳҳәазаны ҳцон. Нас, еиҭах аӡы ҳҭалеит, аха, ҳшьамхынӡа. Анеҩс, аӡәы ирасаҭра ҳанҭала, ашьапышьҭыбжь ҳаҳаит. Ҳаҩны ҳцан, абрахь ҳаанагеит. Аха, аполициа ҳрыцәшәоит, акарантин ашҟа ҳаргоит ҳәа", - илгәалалыршәоит Марина Библаиа.

Маӡала ииасуаз ауаа рацәа ааныркылеит, шьҭахьҟа идырхынҳәын, ахараҧса ддыршәеит. Шәара шәеиҧшҵәҟьа ҳаргьы ҳқырҭуаами. Ҳаргьы шәҳацхраар акәӡами, - илҳәеит Гал инхо аҧҳәыс, лара аиҳабыра дрыҳәоит акарантин ашҟа ирымгакәа, мышқәак рыла аиасра азин рырҭарц. Лара лажәақәа рыла, Гал инхо ауааҧсыра, аҧсуаагьы нрылаҵаны, ахәаахәҭра ма аҽыхәшәтәразы лассы-лассы административтә аҳәаа иахысуеит, аха уажәы, аҧкрақәа рымшала, џьоукы иӡсаны Егры арра рықәшәоит:

"Убри азоуп сгәааны сзыҟоу. Сара знык сиасит. Ахәаахәҭра иаҿу ауаа мчыбжьык ала ҩынтә ииасуеит. Игәаҟуеит, ирыцҳасшьоит".

Акоронавирус амшала Гал изалымҵуа иаанхаз ауааҧсыра ртәанчахә рзыгом, избанзар де-факто анапхгара Аҧснынтә Қырҭтәыла егьи ахәҭашҟа аиасра азин рырҭоит зыҧшра ҟамҵакәа амедицинатә цхыраара зҭаху ауаа мацара.

Абесалом Ақубардиа ичмазаҩыз иҩыза дицны административтә аҳәаа дахысит. Акыр ҳаргәамҵны, агәабзиарахьчара аминистрра "апропуск" ҳарҭеит ҳәа иҳәеит. Ишиҳәаз ала, Қарҭи Аҟәеи еилацәажәаны, галаа иаамҭаны атәанчахә агара рылшаратәы, мышқәак рыла ацҳа аадыртыр бзиан. Иара ихаҭа жәамз атәанчахә имгацт.

Иара Егры ацҳаҿы, акарантин ашҟа дыргаанӡа дшазыҧшыз ҳаиҧырҵит. Акарантинтә қәыҧшыларашҟа дыргеит Гәдоуҭантә иаауаз аҧҳәыс қәыҧшгьы, лара акьыба ачымазара лымоуп, аоперациа лҭахуп.

Галаа акарантин ада административтә аҳәаа ахысра азин иаҳәоит, Аҧсны Иреиҳаӡоу ахеилак ахантәаҩы дрықәшаҳаҭуп. Джемал Гамахариа "Лаивпресс" акорреспондент ишлеиҳәаз ала, иара ихаҭагьы абри аҩыза ажәалагала ҟаиҵахьеит. Уи еиҳангьы, Рухи аҵакырадгьыл аҿы аџьармыкьеи ауаа атәанчахә ахьыргаша ақәыҧшылареи аиҿкаара даҳәоит. Аха, иахьазы Аҧсны иҟоу аҭагылазаашьеи абри аҩыза аӡбара иахылҵыр зылшо алҵшәақәеи цқьа иахьырзымдыруа аҟынтә, ари апроцесс аанкылоуп:

"Ишубарҭоу ала, ҳепидемиологиатә маҵзура абри аҩыза аӡбара адкылара иацәшәоит. Уаҟа аҭагылазаашьа зеиҧшраҵәҟьоу аадыруазҭгьы, ҳара иаҳа ҳҽырҕәҕәаны ари азҵаара иқәҳаргылон".

Джемал Гамахариа иҳәамҭала, ари азҵаара рыӡбар, атранспорт иадҳәалоу апроблемагьы аҭыҧ иқәырҵоит, ауаа аҧсуа ҧыҧшырҭанӡа напыла аидара анагара рықәшәом.

Галаа араса аҿыхра ианалагаша аамҭа ааит. Ҵыҧх рҽаҩра Жәыргьыҭ инаганы ирҭиуан, аха сынтәа ацҳа ахьарку амшала, уи рылшап ҳәа игәыҕуам. Аҧсны "амалаҳәа" ираҳҭар акәхоит, илҳәеит Иа Габелиа, лара араса аҿыхразоуп дыццакәа аҩныҟа дышдәықәлаз. Аҽаҩра аҭирантә илхашәало аҧара Егры нхыҵ инхо лхылҵ ирызналгоит, амҩа аадыртыр. Уаанӡа Гал аангылара лықәшәоит.

Аха, Қырҭтәыла анапхгара изхылаҧшуа аҵакырадгьыл аҿы иаанханы иҟоуп имаҷымкәа ауааҧсыра, урҭ рыгәҭа адиализ зхы иазырхәо ачымазацәагьы, дара апандемиа амшала иарку административтә аҳәаа даҽазнык ахысра рылымшар ҳәа ишәаны, абра иаангылеит.

Гал ауааҧсыреи Қырҭтәыла егьи ахәҭеи еиҟәыҭханы ишыҟоу, арҭ ауаа ацхыраара шырмоуа, агуманитартә кризис ишҭагыло атәы иануп "Адемократиатә ҭҵаара аинститут" ҧхынгәы азы еиқәнаршәаз аматериалқәа рҿы. Аҭҵаара авторцәа атәыла аиҳабыра рахь ааҧхьара ҟарҵеит, арҭ ауаа зда ҧсыхәа иҟам амаҭәарқәеи ахәшәқәеи рызнагара амзызла, дара рнапаҿы иҟоу аресурсқәеи жәларбжьаратәи аиҿкаарақәа рыцхыраареи рхы иадырхәарц.

Жәыргьыҭ инхо Аҧснынтә ахҵәацәа Мурман Малазониеи Рамаз Гамисониеи уажәааны Галҟа ахәшәқәа рдәықәҵара акциа иалагеит.

Нанҳәа 5 рзы ганкала иаадыртыз ацҳа амҽыша, нанҳәа 9 рзы иадыркуеит.

Аха, апандемиа амзызла хәажәкыра 28 инаркны иаркыз Урыстәылатәи "аҳәаа", изакәызаалак аҧкра ҷыдак ада, нанҳәа акы инаркны иаадыртит.
Print E-mail
Twitter
Ари aмaтериaлқәa
Араӡнытә арҧшӡага агыруа ода-ҩны азы иҟазшьарбагоу
13:58 / 24.10.2020
Араӡнытә арҧшӡага агыруа ода-ҩны азы иҟазшьарбагоу
Жәыргьыҭтәи амуниципалитет иаҵанакәа Кахаҭа ақыҭаҿ инхоз Илиа
Чахаиа
12:32 / 11.10.2020
Жәыргьыҭтәи амуниципалитет иаҵанакәа Кахаҭа ақыҭаҿ инхоз Илиа Чахаиа
«Ари aшәҟәы aжрaҿ изыҩуеит, aӡы сӡaaтәоуп, aбҕьқәa сықәуп.
10:26 / 24.08.2020
«Ари aшәҟәы aжрaҿ изыҩуеит, aӡы сӡaaтәоуп, aбҕьқәa сықәуп.
Акоронавирус

Асоветтә репрессиақәа
Ажәaбжь ҿыцқәa
2020 шықәсазы арҵаҩы имилаҭтә ҳамҭа лоуит
Қириаа рҭаацәара есышьыжь иангылалак, ашәҭқәа рхылаҧшра иалагоит.
Қырҭтәылагьы адунеи аҿгьы, ҭагалан-аӡынразы, агрипп аҽыхьчаратә лаҵа актуалтә ҵакы аиуеит,
Амультимедиa
Ишәҳaрдыруеит aботaникaтә бaҳчa иaхылaҧшуa aуaaҧсырa [aфото]
Аботaникaтә бaҳчa aaдыртуеит шьыжьымҭaн aсaaҭ 6 рзы, нaс aусзуҩцәa
Жәыргьыҭтәи афермер апандемиа аан ашәҭқәа шиҭиуа [афото]
Хышықәса ҵуеит афермер Леван Берулава, агазаниа, петуниа,
Алакә афырхацәа аниматорцәа рҭаацәара аҟынтә
Раҧхьаӡа акәны абгахәыҷы аформа ҟаиҵеит иӡҕаб хәыҷы ашьыжьқәгылара
Ақырҭуа ашә ажәытәтәи аҿыци ахкқәа Жәыргьыҭтәи ацәыргақәҵаҿы  [афото]
Апырпыл злоу ашә, еиуеиҧшм ахәсқәа рыла иҟаҵоу ашә, саҧерави иӡаашьу
Аботаникатә баҳча аартранӡа мызкы шагу [авидео]
Жәыргьыҭтәи аботаникатә баҳчаҿы аиҭашьақәыргыларатә усурақәа