Ауaaжәлaррa
Ақыҭаҿ иаанхаз афермер ҧҳәыс
FaceBook Twitter
E-mail Print
Аҧҳәыс илзыҟамҵо уск иҟоуп ҳәа сыҟам, - илҳәеит импыҵахалоу Аҧсны аҳәаа иаҧну Орсантиа ақыҭаҿ инхо, 45 шықәса зхыҵуа афермер ҧҳәыс Екатерина Матараӡе.

Аҧснынтә ихҵәоу, Жәыргьыҭ хаҵа иҵаз аҧҳәыс, илызгәакьоу Саберио ақыҭа иазааигәаны анхара дахьалагаз деигәырҕьоит. Убри азакәзар ҟалап Орсантиа ҷыдала бзиа изылбо, аҿиара аганахьала ари ақыҭа апотенциал ду амоуп ҳәа илыҧхьаӡоит.

Екатерина иаҳзеиҭалҳәеит 4 шықәса раҧхьа, аларҵәара змаз ачымазареи амаҵа бааҧсқәеи рымшала ақәыӡӡаауаз арасаҭра лхаҵа ибзоурала ишеиқәлырхаз. Дагьцәажәоит, арасагьы ҿылхуеит. Сынтәа аҽаҩра бзиоуп ҳәа илыҧхьаӡоит. Агроаҿҳәара аҳәаақәа ирҭагӡаны араса иалҭаз ахәшә алҵшәа бзиа ахылҵит. Афермер лгәы ишаанаго ала, 2 тоннак еиҳаны аҽаҩра лоуеит, 4 - 5 нызқь лари ахашәала лоуп ҳәа дгәыҕуеит. Араса шаҟа ҳәа илҭиир лылшо ауп аус злоу.

Занааҭла аекономист Екатерина Матараӡе шықәсқәак раҧхьа аусурҭа анылцәыӡ, аҭаацәара ақыҭа иалҵны, ақалақь ашҟа анхара ииасыр рҭахын. Аха, усурҭада иаанхаз аҧҳәыси лыҧшәмеи ақәыӡӡаара иаҿыз арасаҭра еиҭашьақәыргыланы, ақыҭанхамҩа рнапы аларкырц рыӡбеит. Активла аусура иалаган, алҵшәа бзиа роуит.

„Аамҭак иалагӡаны, сзанааҭла аус зуан. Аха, аусурҭа анысцәыӡ, ақыҭанхамҩа снапы аласкит. Арасаҭра еиҭашьақәҳаргылеит, уи даараӡа сеигәырҕьоит. Ҳәарада, аџьабаа ду збоит, аха, ацхырааҩ дсымоуп, схаҵа дсыцхраауеит. Иузыыҟамҵо ҳәа егьыҟам. Аус ҟауҵар уҭахызар, ари аус уазҿлымҳазар, хымҧада алҵшәа бзиа уоуеит.

Сыҧшәма ихатә занааҭ, ихатә ус имоуп. Сара сус ҟасҵоит, иара иус даҿуп, аха, бжеиҳарала, дсыцхраауеит. Сара ак аҧшьазгар, иара илшо ала дсыцхраауеит. Аҧҳәыс илзыҟамҵо егьыҟам. Иаҳҭаххар, хымҧада иҟаҳҵоит“, - илҳәеит Екатерина Матараӡе.

Афермер ҧҳәыс ишылҳәаз ала, аҳәса, хәыҷы-хәыҷла астереотипқәа ирбганы, ҧаса ахацәа мацара иҟарҵоз аусқәа рыҟаҵара иалагеит. Иаҳҳәап, ақыҭанхамҩа анапхгара аҭара. Екатерина ишылҳәо ала, аҧҳәыс аҭакҧхықәратә цәынарры ҷыда лымоуп, уи иаҵанакәа рацәоуп.

Афермер лҳәамҭала, ақыҭанхамаҩа уҳәа, аҧҳәыс дызлагаз аусқәа зегьы хымҧада аҵыхәанӡа иналгоит, лхықәкы налыгӡаанӡа даҟәыҵраны дыҟам.

Арасааӡара аус аҿы ақәҿиарақәа анлоуа ашьҭахь, адекоративтә аҵиаақәа рааӡареи рыҭиреи лҽазылкит. Аҵиаақәа рааӡара иазку аинформациа, бжеиҳарала, аинтернет аҿоуп иахьылбо. Абаҳчааӡара далагеижьҭеит ҩышықәса роуп иҵуа, аха, 30 хкы еиҳаны еиуеиҧшым ашәҭқәеи адекоративтә чықьқәеи лааӡахьеит.

Араса адагьы, ашәҭқәагы лҭиуеит. Илырҳауа аҧара, еиҭах, ақыҭанахамҩа аҿиара иалалҵоит. Екатерина Матараӡеи лыҧшәмеи ҳаҧхьаҟа арҧхарҭатә нхамҩа еиҿкааны, ашәҭәқәа рааӡара ргәы иҭоуп.

Абаҳчааӡареи арасааӡареи ирываргыланы, арахәааӡарагьы лнапы алыркыр лҭахуп. Ари аус иадҳәаланы апланқәа реиқәыршәара далагахьеит.

Екатерина ишылҳәаз ала, анхамҩа бзиа анумоу ауп ақыҭаҿы анхара аныбзиоу.

Асоциалтә проблемақәа рымшала ақыҭа ааныжьны дцар анылҭахыз аамҭа лгәалалыршәоит, уажәы уи дахьхәоит. Аихьӡара змоу афермер егьырҭ ауааҧсырагьы ирыбжьалгоит рҭагылазаашьа цәгьазар, иҟарҵаша цқьа иазхәыцны, аплан еиқәыршәаны, активла аусура иалагарц:

„Аҧара рымамзар, уигьы ҧсыхәак амоуп. Избанзар, уажәы ҿҳәарала аҧара еихшаны араса ахәшә ауҭар ҟалоит. Убас ҟазҵаз рацәаҩуп. Иаҳҳәап, сара, ахшәқәа рыхәҭак аҧара напынҵала иаасхәеит, егьи ахәҭа ҿҳәарала еихшаны. Ауаҩы иҭаххар, дмаашьар, хымҧада ҧсыхәак иҧшаауеит“, - илҳәеит Екатерина Матараӡе.

Афермер ҧҳәыс ишылҳәаз ала, уажәазы араса маҷк ауп икаҳауа, лымацарагьы аҟәшәара дахьӡоит. Арасаҿыхра активла ианалагалак, луацәа лыцхраауеит. Мрагылараҿ рашәареи нанҳәеи рзоуп „араса асезон“ аныҟоу, убасҟан Екатерина ашырҧаз, асааҭ 7:00 рзы дгыланы, аусура далагоит. Шьыбжьон, арасаҭраҿы дааҧсаны, лнапала илааӡаз абаҳчаҿы лыҧсы анылшьо, ҳаҧхьаҟа иҟалҵаша дазхәыцуеит.
Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала