Ауaaжәлaррa
Шәышықәса зхыҵуа ода Ашил Миурат ҳамҭас ириҭаз алиустра ала
FaceBook Twitter
E-mail Print
Сара есымша ари аҩны савсны сцалоит. Ус баша уахьахәаҧшуа, ажәытә абарҵеи амаакырақәеи рыла ирҧшӡоу агыруа ода ауп, агәара ду амоуп, ажәытәра угәалазыршәо, иҧштәыдоу апатретқәа рҟынтәи иаадыруа ҩнык ауп.

Уаҟа, шамахамзар, алашара аркым. Зны-зынла аҧшәма дааны имбозар, аӡәгьы днымхозар ҟалап ҳәа сгәы иаанагеит. Нас, агәашә аҿы аҩыракнаҳа - "Иаҳҭиуеит" ҳәа анызба, сгәы иалсит. Аҕәы ианыз аҭел хызҩаалеит.

"Сара сжурналиступ. Шәыҩны интересс исымоуп. Уи аҭоурых еилыскаар сҭахуп".

"Абри ода шәышықәса ахыҵуеит. Шәаҳҭаа, ишәзеиҭаҳҳәоит", - аҭак сылҭеит зықәрахь инеихьоу аҧҳәыс, ҳанеиқәшәашагьы еибаҳҳәеит.

Адашьма ҟаҧшь, аҭӡамц аҿы ажәытә ҭыӡқьаад, ақырҭуеи европатәи акультуреи архитектуреи рзеиҧшркра, уаныҩналоҵәҟьа иаалырҟьаны уцәа ианыруа агьамеи афҩи.

Аботаникатә баҳча иаҧну аҩны 118 шықәса ахыҵуеит. Аҧшәма ҧҳәыс Лиа Миқава амузеитә експонат иеиҧшхаз аҩны аҭоурых ҳзеиҭалҳәоит. 1902 шықәсазы лабхәа Џьамал Ҧарцваниа иҭаацәа, Мартвили, Тамакони ақыҭаҿы игылаз абри ода еимыхны, нас аханатә еибыҭаны, Жәыргьыҭ идыргылеит. Уаанӡа, Тамакони ақыҭаҿ шаҟа аамҭа игылаз лыздырӡом. Лара лхаҭа ари аҭаацәарашҟа днанагеит 1988 шықәсазы.

Аҩны ҧшь-уадак амоуп - ашьҭаларҭақәа хҧеи, адкыларҭеи, акрыфарҭеи, аҩналарҭеи, ачысҟаҵарҭеи.

Зегьы раҧхьа шәылаҧш иақәшәоит адашьма инаркны аҭуанынӡа ишеибгоу ҭӡамцк аанызкыло абиблиотека ду, уаҟа 2 нызқь раҟара ашәҟәқәа шьҭоуп.

Џьамал Ҧарцваниа 60-70 шықәсқәа индыркны ақырҭуеи адунеитәи литературеи аенциклопедиеи еизигон. Абарҭ ашәҟәқәа игәы рыздуун, илгәалалыршәоит Лиа Миқава. Ииҭахыз ашәҟәы иаразнак иҧшаарц азыҳәан, аизакхьӡынҵагьы еиқәиршәеит. Ауацәа, аҩызцәа уҳәа, абиблиотека зхы иазырхәоз ауаа рацәан.

Џьамал Ҧарцваниа ақалақь аҿы ибзианы дырдыруан - зны афарфортә зауад аҿы аус иуан, нас ЕгрыГес аҿы. Жәыргьыҭ – ахәаахәҭра напхгаҩысгьы дыҟан. Ианаамҭаз ианхәа ашә-ахәша технологс дыҟан. 5 шықәса раҧхьа аҧсҭазаара далҵынӡа, лара лакәын аҵыхәтәантәи аамҭазы аҩны иахылаҧшуаз.

Лиа Миқава абра днымхоижьҭеит 12 шықәса ҵит. Уажәазы, ҩымш рахь знык, дааны, ашә аалыртуеит, илрыцқьоит, аҩны ҧхасҭамхарц азыҳәан.

Асасцәа рыдкыларҭаҿы Дадианиаа рымаҳә, Ашил Миурат ҳамҭас ириҭаз алиустреи ажәытә алампеи кнаҳауп. Уигьы ари аҩны ареликвиоуп. Лара ишылдыруа ала, Миурат абри аҭаацәара сасра данырҭаз ауп алиустра ҳамҭас инриҭаз.

Агыруа ода, ахатә архитектуратә ҷыдарақәа рыла, атәым туристцәа аднаҧхьалоит, дара аҩны апатретқәа ҭырхуеит, иабантәаагоу, шаҟа ахыҵуа интересс ирымоуп.

"Аҵыхәтәаны 1990 шықәсазы аремонт ҟаҳҵеит. Аҩны аҩнуҵҟала ирҽеитәуп. Ахьаҵла иалхны иҟаҵоуп. Аҩны ҧхасҭам. Афымцамҩанга ҧсахтәуп акәымзар, агьирахь зегьы ихиоуп, аӡы иҟоуп. Аҩнымаҭәа ижәхьеит, аха ахыб ҳаҧсаххьеит", - иҳалҳәеит Лиа Миқава.

Ашил Миурат ҳамҭас ириҭаз алиустра: «Лаивпресс» афотоҭыхымҭа Ода 4 уаџьаҟк амоуп. Аҩналарҭеи адкыларҭеи рҿы, насгьы ашьҭаларҭақәа рҿгьы. Анкьа ауаџьаҟ ауми арҧхагас ирымаз.

Ҧарцваниаа рывара даҽа агыруа ода-ҩнык гылоуп. Уи авара ҳаамҭазтәи архитектурала иргылоу хыбрак иҟоуп. Агәылацәа бзиақәа ҳаман ҳәа лҳәеит.

Ҭагалан агәарақәа рҿы - амца иқәгылоу ақәаб аҿы ачаҭа - чаҭаҳәа асыӡбал еилашуеит, аишәа ирхианы игылоуп, ахацәа анард иасуеит, џьоукы акәҷышь рӡуеит, егьырҭ ачашә ҟарҵоит - абас илгәалашәоит Лиа Миқава уажәшьҭа аҭоурых иаҵанакәа ашықәсқәа.

Уажәы абраҟа ҭынчроуп. Амашьынақәеи ииасны ицо ауааи рышьҭыбжь акәымзар, уаҳа бжьык уаҳауам.
Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала