Ауaaжәлaррa
Ауснагӡатәқәа раҧыхреи аусурада иаанхаз адизаинери
FaceBook Twitter
E-mail Print
32 шықәса зхыҵуа адизаинер Софио Есарҭиа апандемиа аан ишьақәыргылаз аҧкрақәа рымшала аусурҭада даанхеит. Ауаа рацәа реизара ақәиҭымтәра ашьҭахь, еиуеиҧшым ауснагӡатәқәа реиҿкааҩи жәыргьыҭтәи аресторан ду адизаинери лыҧсҭазаашьа аҽаҧсахит. 3ҩык ахылҵ ран гәыкала бзиа илбо аус лцәыӡын, хашәалахәк лымамкәа даанхеит.

Софио Есарҭиа акыршықәса рыҩнуҵҟа еиуеиҧшым ауснагӡатәқәа реиҿкаареи рдизаини ахырхарҭала қәҿиарала аус луан. Аҧҳәыс қәыҧш илымаз ахашәала лҭаацәара рзы иаҵанакәаз рацәан. Аҟазарҭа аргылара далагахьан, аха, уигьы ахырҧара лықәшәеит.

„Апандемиа иалагаанӡа, мызкала 20-25 иреиҵамкәа ачарақәа мҩаҧаагон. Ачарақәа реиҿкаареи рырҩычареи снапы ианын. Иара убас, анапынҵара ацеремониал, аирамшқәа, аӡӡаахра уҳәа, адәахьы еиуеиҧшым ауснагӡатәқәа мҩаҧызгон. Ҳәарада, абри зегьы аџьабаа ду ацын, аха, ари аус бзиа избоит, гәахәарыла иҟасҵон“, - иаҳзеиҭалҳәоит Софио.

Адизаинер қәыҧш, апандемиа иадҳәалоу аҧҟара ҿыцқәа иазҧхьагәаҭаны, лбизнес налыӡарц лҽазылкит. Адәахьы зымҩаҧгара ҟало, усҟаҟ идуум ауснагӡатәқәа еиҿылкаауеит. Аха, ахархәаҩцәа рацәам. Аӡын, хьшәашәараха, адәахьы аныҳәақәа рымҩаҧгара зҭаху маҷуп.

Ишылцәыуадаҩугьы, Софио лзанааҭ ала аҧара лырҳар лҭахуп. Атәылаҿы аҧкрақәа анышьақәдыргыла ашьҭахь, афотосессиақәа рзы адекорациақәа рыҟаҵара далагеит.

Софио аҧара арҳара мацараз акәӡам адизаинертә бизнес дзаҿу. Анапҟазареи аныҳәақәа реиҿкаареи гәыкала бзиа илбоит. Убри аҟынтә, аамҭа хәыҷык анлымоу, абри аус даҿуп. 3ҩык лхылҵ еиуеиҧшым адекорациақәа рыҟаҵараҿы илыцраауеит.

„Афотосессиақәа рырмазеира салахәып. Ақәыҧшылара еиҿыскаауеит. Афотосессиақәа ахьымҩаҧысуа аҭыҧ еиҿкааны иҳамоуп. Афотоҭыхҩы аҭыхымҭа бзиақәа рыҟаҵара илшаратәы аҭагылазаашьақәа зегьы изеиқәҳаршәоит.

Сзанааҭ бзиа избоит, сус гәхьаазгоит. Шьыжь инаркны хәлаанӡа аус зуан, аха, уезгьы, абри зегьы гәхьаазгоит“, - илҳәеит Софио Есарҭиа.

Уажәы лара ашықәсҿыцтәи адекорациақәеи, ахәмаргақәеи, аксессуарқәеи рыҟаҵара даҿуп, абри зегьы аинтернет ала илҭиуеит.
Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Акоронавирус

Асоветтә репрессиақәа
Ажәaбжь ҿыцқәa
Қырҭтәыла аҧыза-министр Иракли Ҕарибашвили,
2020 шықәсазы арҵаҩы имилаҭтә ҳамҭа лоуит
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала