Ауaaжәлaррa
Аофистә усзуҩ иҟынтә ашеф ахаатәҟаҵаҩы иҟынӡа - Ҭамар Сордиа „лҭоурых хаа“ [афото]
FaceBook Twitter
E-mail Print
Ихаау, иҵәҵәу, иҵоу агьамақәа ркомбинациа адесерт аҿы, Қырҭтәыла, хәыҷы-хәыҷла, агьамақәа рыхкырацәара аларҵәара иаҿуп.

Аха, шықәсқәак раҧхьа, ҳтәылаҿы ачысҟаҵаҩы изанааҭ усҟак ипопулиарымызт.

Ҿыцрак ҧшааны уи аҭҵаара агәазыҳәара ауп Ҭамар Сордиа аграртә университет аҿы ҿыц иаартыз акулинариатә академиашҟа дназгаз.

Ишылҳәо ала, лхәыҷраахыс ахаатәқәа усҟаҟ бзиа илбомызт, урҭ рыҟаҵарагьы дазҿлымҳамызт, аулафахәы бзиа ахьлырҭоз аофистә усура лыман, аха, академиаҿы италиатә чысҟаҵара амастеркласс ашҟа даннеи, абри азанааҭ аҿы лхы аалырҧшыр шлылшоз еилылкааит.

"Каха Бендуқиӡе аграртә университет аҿы акулинариатә академиа анааирты, акулинариа знапы алакыз аҿар уи даараӡа иеигәырҕьеит.

Акондитертә гәыҧ аҿы раҧхьатәи аҵаҩы сакәын, еиуеиҧшым европатәи атәылақәа рҿы аҧышәара сахысуан. Ҩышықәса раҧхьа Лондон аҧышәара сахысит. Уажәгьы, испаниатә школк аҿы анахарала аҵара сҵоит. Абри аусхкы убас ирласны аҿиара иаҿуп, еснагь ак умҵалар, акгьы узыҟаҵом. Еснагь ак аҵара саҿуп, избанзар аҿыц тенденциақәа, аҿыц технологиақәа цәырҵуеит", - илҳәеит Ҭамар.

Ҭамар лҳәамҭала, лара лхаҭагьы еснагь ак аҵара даҿуп, акулинариатә академиаҿы егьырҭгьы идлырҵоит. Иара убас, акондитертә школ лымоуп, уаҟа аҵаҩцәа рацәоуп. Аамҭакала, еиуеиҧшым аресторанқәеи ахаатәҟаҵарҭақәеи рбрендшефуп. Лара лажәақәа рыла, акондитертә хырхарҭа акулинариа иеиҧшым, уи иаҳа аиашара аҭахуп, Ҭамар уи даараӡа илгәаҧхоит.

"Акондитертә хырхарҭа иаҳа аиашара зҭаху ҵарадырроуп, ахимиатә реакциақәа, аҧҟарақәа иаҳа иудыруазароуп. Ачысҟаҵара аан експромтла, афатә хаак ҟауҵар улшозар, акондитертә ус аҿы ус узыҟаҵом. Араҟа иаҳа аиашара иҟазароуп, иҟауҵаша заанаҵы цқьа уазхәыцны иҟауҵароуп, уи агьамеи афантазиеи ацуҵар, аҟазаратә ҧҵамҭа алҵыр ауеит".

Ақырҭуа ахаатәҟаҵаҩцәа аҿыцрақәа зегьы ирызҿлымҳауп, аха, адәқьанқәа рҿы, шамахамзар, аҿыц тенденциак, европатәи арецептла иҟаҵоу десертк иубом. Ахаатәҟаҵаҩы абри зегьы зыхҟьаз мзызқәак дрылацәажәоит:

"Қарҭ уажәшьҭа европатәи адесертқәа рацәоуп, аха, асовет аамҭақәа рхаантәи агьамақәа ҳрышьцылоуп, ахшрыжәпа, ахәша, бзиа иаабо, ҳхәыҷраахыс ҳзышьцылоу адесертқәа иҟоуп, аҿыц гьама ашьцылараәхәыҷык иаҳцәыуадаҩуп.

Араҟа проблемак иҟоуп, европатәи адесерт ҟауҵарц азыҳәан, иара излыухша даҽа аалыҵқәак уҭахуп, рыцҳарас иҟалаз, Қырҭтәыла абри аалыҵ ҟарҵом, уи, ишиашоу, ааглыхра акалькулиациа ианыҧшуеит, ахә цәгьахоит. Ақырҭуа чыс даараӡа ибеиуп, аха, ахаатәқәа маҷуп, убри аҟынтә, асовет аамҭақәа рхаантәи адесертқәа иаҳа ахархәара рымоуп, хаҭала сара европатәи ацәаҳәа еиҕьасшьоит, ихаау, иҵәҵәу, ицоу, аҿыц гьамақәа аласырҵәар сҭахуп, Қырҭтәыла, ахаатәҟаҵара аус аҿгьы ақәҿиара ду ҳаур ҳалшоит".

Уажәазы, Ҭамар Сордиа, Жәыргьыҭ ахаатәҟаҵарҭа аартразы лҽазыҟалҵоит. Ишылҳәо ала, атрадициатә ахаатәқәагьы лымазаауеит, европатәи адесертқәагьы.

Араагьы лдырреи лҧышәеи аларҵәара дазҿлымҳауп, излауа ала ирацәаны аҿар ари аусхкы аҿы аҿиара алшара рылҭар лҭахуп.
Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала